^{1 2} 1.በእምነትኋ ኧቄጠ ሰቨ ፣ በኸረ ዘንጋ ቢትሟገትኹዋ ታትፎርጅኮ ተኧወሪ። 2. አት ሰቪ እምነት ማኒማአር ይቨራኸ ይፈቅድነዳአር ይኽሴ በእምነትኋ አንተፓ ኤኛ ሰቨ ጭን በሰር አንቨራካ ይር ይኽሴ ። ^{3 4} 3ማኒምአር ይቨራካ ኹዳ ምኒምአር አይቨራ ኹዳ አይፍርድወ ጎይታ ቴኤፐረን ። 4.ኤኛኋ ቢዬኩዳ ሜና ትፈርድካ አኸማተንኸ? ኹዳ ቢወድእ ውይ ቢሸከቭ ኤጌታኖኋ ፥ያሸኩኪ ይኸኔ ኧኸሬ ጌከረ ይሸከቭ።5. አት ሰቨ አት ቀረ ተኤኛ ቀረ ይረእ ቅዱስን ኤፐ ይቬዝር ኻአቨታ አት ኹዳ ቀረኹኖዋ እንዳም ቂጢየ ኧኾርዋኸ ይኺር ኧጦጣሞኋ ኧገግኋይ አሳብ አጫምጥታ ኧጥ ። ^{5 6} 5. አት ቀረ ተኤኛ ቀረ ይፈዝካአር ኤፐ ያጫምጥካ ሰቨ፤እመኸ ዬብኻ በሰር ይቨራካ ኧጌታኋ ባረይቨራ ኧጎይታ ሽኩርት ያቴኤንቭ ። አይቨራ ኹዳ ኧጌታ ትይር አይቨራካ ፤ኧጎይታ ሽኩርት ያቴኤንቭ ። ^{7 8 9} 7. ቲና ማንሞኋ ኧገግኋ ባረያታ ይረቭርካይ ፤ኧገግሞኋ ይወድካ ኤነዳቭ ። 8. ብነቭነ ኧጌታ ንረዐነ ፥ብንወድነ ኧጌታ ንወድነ ፥ባቴ ብነቭነ ብንወድነ ኧጌታንራአር ። 9. እመኸቭ ኧወጁዋኹኖዋይ አያ ኧኾርዋ ኹኖዋ ጌታ ይኸሪ ክርስቶስ ሞደ ፥በአይያ ተረሳቭ ። ^{10 11} 10.ባቴ አኸ በኧሰማኸ ፎር ኧቭር ትፈርድው? ኧብራፈድን ኧሰማ ትቅርጥካ? በጎይታ ኢፊቲ እንመንራ ኧፍርድ ንቴኤነቭነዴ ፥ዋኸ ባርሙጣፊይ «ኢያ አያምንኹ ፥ ደረግ እንእ ኢያ ስኩድ ፥ አነድ እንእ ኧጎይታአር ይኢድኬ ይር ጌ. ^{12 13} 12. ባቴ ኧአታት አታትኋ ኧገግዃኋ በጎይታ ኢፊቲ መልስ ይወዴ ። 13. ባቴ ገግ ተገግማኹዋይ አት ኹዳ በኤኛ ሰቨ ተትፋረጅት ተጠፖዋ ፤በዋ ሟርጭን በኧሰምኋ መያ እንቁርፊት እቭር ወይ ሽካ አታወራኧ ታጠኸ አጭምጥ ^{14 15} 14. ኢያ በጌታ በኢየሱስ ኧርኹታ ኧኻርኹንመኸ በገግኋ ጥርር አኸረ ሸረድ ኤነኸ ኻርኹ ፥ዘንግ ጭን አት ሰቨ አት ዘንጋ ጥርርአ ኸረኸ ይቬዝር በኸረ ፥ዋ ዘንጋ ኧኹዳ ጥርር አኸረዳ ኧዋርትን ። 15. ኧሰማኸ ብትቨራኩዳ ሸረድ ቀጨ ይኩ በኸረ በርማጀ አንቦረዳ ኧዋርትን ፥ባቴ አኸ ክርስቶስ ኧወደን ኧሰማኸ በሸረድ አታአይኩ ። ^{16 17} 16. ወኼናአር ባኸ ታአስብኩዳ ዘንጋ ሙጥጥናአር ባይተዋ አይቆርኸጪኸ አተና ። 17. ኧጎይታ መንግስት ጽድቂ ወገሬትበመንፈስ ቅዱስ ኧኸረ መትራርእን ባኻሬ ኧሸረዲ ኧቨጠጥአር አኸረዳ ፥ ^{18 19} 18. እመኸቭ ክርስቶስ ያጌክርካ ኧጎይታ ኺንኋ ያትሽርኩ፥በሰቨ ኢፊቲሜ ኧዳረዳናአር ። 19. ባቴ ወገሬት ይረኹኮዳአር ገተገግመንራ በክርስቶስ ንትራእኔኮዳአር በሶእት ናትቫቅነ ። ^{20 21} 20. ኧሸረድ ትትር ኧጎይታ ሜና አትቫንር ። እንአር ጥርርን፥ ዘንጋ ጭን ኤኤኛ ሰቨ ቆፋት ይኸርካ ሸረድ ኧውረት ኧድዋወርት። 21. ኧኣሰማኸ ቆፋት ይኸርካ በሰር አንውረት ፥ ወይን አስጦይት ወይ አታአር እነኖት ወኼናአር ። ^{22 23} 22. ባቴ ኧዋኧ ዘንጋ ሁኖዋ አነነኸዳ እምንት ባኸይ በጎይታ ግት ኧቲኢያአር ኧኽር ፥ኧውረምናአር ባረ በቴኤፐረን ዘንጋ ገግሞኋ አይቀርጥ ኧዳረ ሰቨን ። 23. ዘንጋ ጭን ይጥራጠርካ ሰቨ ትቨራካ በኦዎርት አኸሬ ፤ተፈደወ፥በኦዎርት አኸራአር እንእ ባጢርን ።