1 2 1ባቴ ኧሰማትኞ እንማኹዋ ሚሲያኹዋ ኧጎይታ ያትሽርካ አያ ኧኸረ ህትቭ ኤኝተኹዋ ታቲኢንዋኸ በጎይታ ሚነደ ኧሰኧርኹዋ ፥እመዳቭ ወኼ ቀልብ ይረቭርኩዳ ሰቨኸ ታትእኒዊዳ አጎኩርትን ። 2. ወኼ ይሽርካ ቂጥ ኧቫራአር እጎይታ ፍቃድ ምር ኧኸረኸ ቲኺርዋይ ኺናኹዋ በጎኩርት ጎይታ በፍሮይት ባንኻሬ ኧዋአለም ሰቨኸ አትውሰርዋ ። 3 3. ጎይታ እንማሁዋ ባቨናኹዋ እምነታሁዋኸ ገጋኹዋ ጎኩርሙ ቦስርዋ ባኻሬ ተገጋኹዋ ደረግ በፎር ገጋሁዋ ኑእ ኤኝተኹዋ ባታዥዋይ በቴቬ ጠጋ እንማሁዋ ኧቨኽር ። 4 5 4. በአታት አትንራ ሚሲየንራ ኖኦራ ብልት አነውንረመኸ ፤ እም ብልትንራ እማት ዓይነት ሜና ኤነኖመኸ እንእ ፤ 5. እመኸ ኢናቨ ኖኦራአር ሰቭ በኸነሜ በክርስቶስ እማትንረ ። 6 7 8 6. ኧቴቨንረ ጠጋመኸ ኤኛ ቡችር ስጦታ አነውንረ፥ኧአት ሁዳ ኧቴቨን ስጦታ ትንቢት ኧዘጉት በኸረ ፣እእምነትሞኋኸ ደረግ ይዝሬክ። 7. አገልግሎት በኸር አገልግል ፥ያስተምርካአር በኸረ አስተምር ፣ 8. ይቨህርካአር በኸረ ኧቭኽር ፥ኧዚጋ ሰቨ ይቭካአር በኸረ በኸረ ኧገክር አቭ ያስተዳድርካአር በኸረ ኧገክር አስተዳድር አፍ ይካ ተኪንኋይ ኧገክር አፍ ኧቫር ። 9 10 9. ንመጅነዳኹዋ ኸጥነድ ኤኖዋአር ኧህር ሙጥጣአር ኧኸራአር እንእ ጥሮዋ ወኼአር ኧኸረ ኹዳ እንእ ጎኩርሙ ጡጩዋ። 10. ገግ ተገግማኹዋ በኧሰማትነድ ንማጀነድ ጎኩርሙ ተራዎጅዋ ተገጋኹ ይረእ ኤኛ ኧሰማታሁዋ በርዎት ገግ ትገጋሁዋ ተኋቦጁዋ ። 11 12 13 11. ጌታንራ ታጌክርዋኸ በመንፈስ ኧረተትሁዋአር ሁርዋ ባንሃሬ እመኸቨ ጃድ ተዋርት ኢኒነ እንባሁዋ ። 12. በተስፋ ሂናሁዋ ኧሳርሁዋ በመከራ ፍሮኹዋ በጠሎት ቱኾዋ ። 13. አገኝነዋ ቅዱሳን ታነነኹዋታአር አሻጉጅዮዋ ባዘራቭ ተኦወርዋ ። 14 15 16 14. ያሳትችኩዋታ ሰቭ ዳርዋ ባንከሬ አስድዋ ። 15. ሂንሁኖዋ ቲሽርኮታ ሰቨ ኺናኹዋ ኧሳርሁዋ ተትቨጠጠ ሰቨ አሁም እትዋጥጪዮዋ ። 16. አኹም ታኹም በስቫኦት ንዎርዋ ፤በዚግነድ ቲሬውርታ ሰቨ እማትሜ ትረውርዋኸ ገጋኹዋ አትኦዋ ባኻሬ አትጋጌዥዋ ፥በገግማኹዋ አትሻሞሁዋ ። 17 18 17. ኧቫኒም ሰቨ ሙጥጣአር በሙጥጣአር ሃአቭተሁዋ አዣውርዋ በሰቨ ኢፍቲ ወኼአር ኧኸረ ዘንጋ እንእ ቴዋኸ አትዋቃርዋ ። 18. ቢኸነኹዋ በሰቭ እንእ ኢፊቲ ወኼአር ኧኸራአር እንእ ቴዋኸ አትዋቅርዋ ። 19 20 21 19. ናማጂየኞ ማአት ኧጎይታ ቶእነ ባንኻሬ ኧውጥጥ ዘንጋ አጅግ አዣውርዋ «ኧውጥጥ ዘንጋ አጅግ ኧዠፕርካ »ኢያ ጎይታንሁ ይር ጌታንራ ባርሙ ጣፊይ ። 20. ይረካሞኋ ባላጋራኸ ቢገድኩ ሸረድ አቭራኩ ቢጠቫኩ አስጠይኩ ። እመኸ ቦኖታኸ እእሳድ ፌቭ በገግኋ ፎር ታወራ ። 21. ስ ሙጥጥ ዘንጋ በወኼ ዘንጋ ኧምኩ ባኻሬ በውጥጥ ዘንጋ ኢቴኤመኸ ።