¹ ቀጥወ ኢየሱስ ኧጐይታ መንግስት ወኼ ዋራይ ቲኢድ በከተማሞኋይ በቃያ ቃያ ወርወር ይቨር ባነደ፤ አስራውሬድ ተማሪመኋ ተኹድ እማትሜ ባነውተ፡፡ ² ተሴጣንቨ ተቫአሸ ኧተነፋ ኢሰቻ ይትኼተራይ ባነደ፤ ኽኖም ሰቫአት ሴጣን ኧዋአና ኧመግደላ ማሪያም ³ ኼሮድስ ቢድ አለቃ ኧረፐረ ኧኩዛ ምሽት ዮኻና ሶስናይ ኤኛ ኖኦራ ኢሰቻ ባናተ፤ እም ኢሰቻ ኢኢየሱስ ኧተማሪሞሞኋ በዱንያኽና ያጌክራየዋ ባነደ፡፡ ⁴ ኖኦራ ሰብ ተደሞጅምታ ተከተማ እንእ ኢኢየሰቨ ሞኦም፤ ኢየሱ ዋኸ ቲይር ሟሟካ ኤኤድኖም፤ ⁵ ‹‹አት ቸዋጅ ምስ ዝኝ ይዘራይ ዋአ ቲዘራ አታት ዝኘ በመያ ሞረ ወተኸታ በእግር ኺንጂ ኧሰማይ አፍ ናጨዊ፡፡ ⁶ አታት ዝኘ እምር በኸረ አፈር ወተኸ ይረቫይ ቲገድድካ ከሰኋይ እቨር ኧኸሬ ደነኧ፤ ⁷ አታት ዝኘ በሶኽ ግት ወተኸ ሶኋ ተዘኔ ዝኘ, እማትሜ ነማታ ሶኹ ኹዳ ዋኧን፡፡ ⁸ አታት ዝኘ በወኼ ቡስር አፈር ወተኸታ ነማአ፤ አታተኽኖዋ በኧና አፎኖም፡፡ እመኸ ባረምታ ቲጀፕርካ ‹‹ይሰአካ እን አዝር አነንዳ ኧሰሟ››ባረኖም፡፡ ⁹ ተማሪሞኋ ኢኢየሱስ‹‹ዋ ሟሟካ ምር ኧዋርትነ? ›› ባረም ተሳአሪይ፡፡ ¹⁰ ኢየሰሲ ‹‹አኹዋ የጔይታ መንግስት አር ተኺርዋኸ አኩም ኤኛኹነዋ ጭን እን ዘንጋ በሟሟካ ይኢጅዮ ኹኖም ኤርኽኖዋ ቲያዥ ባይቨስርዋይ ቲሶኦም ባያጫምጭዋኔ ባረኖም፡፡ ¹¹ ሟሟካሞኋ ዋኸትን፤ ዝነ ኧዋሪ ኧጐይታ ቃርን፡፡ ¹² በመያ ሞሬ ኧወተኸ ዝኘ ያትሽካ ኧግዜየኋ ኧጐይታ ቃር ይዋታ ሰቭነዋ ቢኸር ኽኖዋ ኤሟርተዋ ባይተርፍዋይ ሴጣን መአታ ኧሰሞይ ኧጐይታ ቃር ተኺንኽነዋ ይወስድምዋ፡፡ ¹³ እምር ባኖደ አፈር ኧወተኸ ዝኘ ያትየሽካ ኧጐይታ ቃር ሰሞምታ ቲሸርከዋይ ይቴአፖርታ ሰቭነዋ፤ ቢኸርም ኽነዋ ኧግዝየኋ ያሸሙርዋ ባኸሬ አት ጅጓረ ተሰራዎታ ኧስር ኤነኖይ ኧኸሬ ይኸጆዋ፡፡ ¹⁴ በሶኽ ግት ኧወተኧ ዝኘ ያትየሽካ ኧጐይታ ቃር ኧግዝየኋ ይሶኦታ ሰብነዋ፤ ቢኸር ኧዋ አለም አሳብ ደገኘነት ኧዋ አለም ዱንያ ቡስር አያፎሪዋኸ አነቀ ይጠጥከዋ፡፡ ¹⁵ በወኼ አፈር ኧወተኧ ዝኘ ያትየሽካ ኹዳ በኺንሞኽነዋይ በወኼ ቀልብሞኹናዋ ኧጐይታ ቃር ሰሞምታ ይእሮዳ ኹኖተኖዋ፡፡ ኹኖም በጐይታ ቃር ተቁሟሞርም ይሽኮዋ፣ ወኼ ሙርት ያወችዋ››ባረኖም፡፡ ¹⁶ ኢየሱስቨ ዘፐረታ ‹‹ኩራዝ አተከሰ ገንባ ያትፌጠወዳ ዌ በአልጋ ከሲይ ያወራካ ሰቭ ኤነዳ ቢኸር ቢድ ይገአካ ሰቨ እንእ ይትረከብቨከኸ በሱኡር ይሶእሪይ፡፡ ¹⁷ ‹‹እመኸ ኧደአረ ሰቻይ ታይዋአ ኧዶኦሪ ታይትኼር አይችካ፡፡ ¹⁸ ‹‹ብእም ኧቫአ ቃርኋ ኧተኸ ትሰአዋኸ ተጠፓዋ፤ አንዳ ዳ ሰቭ ደፓርም ይዊ ኤነን ኹዳ ጭን አነኒ ባረታ አጫመጠን ስን ይወስጁኮ›› ባረኖም፡፡ ¹⁹ ኢኢየሱስ አዶድሞኋ ኧሰማትሞኋ ኧኹዳይ ሞኦም፤ ቢኸር በኖኦራ ሰቭ ግት ኧኸረ አነከዊ ባነደ፤ ²⁰ ‹‹አዶድማኸይ ኧሰማትማኸ ይትራኮወኬ በወረጀ ተሸኮም››ቧርም ኤኤዴ፡፡ ²¹ ኢየሱስ ዠፐረታ ‹‹ኧጐይታ ቃር ሶሞምታ ይረቨርወዳ ሰቨ እንእ ኢያይ አዶድመኛይ እሰማትመነኛዋ›› ባረኖም፡፡ ²² አት ቀረ ኢየሱስ ተተማሪሞኋ እማቲ በእኻ ፎር ቢያርኮዳ ጀልባ ተሳፎርም፤ ‹‹ተቫር ኻአጋድ አአነ ናአነ ባረኖም››ኽኖም ያርዋ ተረሾም፡፡ ²³ በቫር ፎርቨ ቲያርታ ኢየሱስ ዊኤንድ ጠበጠን ኽምግዚየ ሱሼእ እንቡርቢድ በቫር ፎር ተረሳ፡፡ በቫር ፎር ቢያርኮዳ ጀልባ እኻ ኧጉኦት በቀነስጋ ኹኖም በሼኤኻ ይጨነቁዋቫ፡፡ ²⁴ ኽኖም ኢኢየሱሲ ተኤኖምታ ‹‹ገይታንሮ ገይታንሮ አነእነ›› ቲይርዋ በውኢንደኋ ነሾይ፡፡ ኢየሱስቨ ተረሳታ ኧውሼእ እንቡርቢደቨ ይድናነካ ባር እኻ አጥራቆረን፤ እቡርቢድኹዳ ተሸከቨ እንአር ገብ ባረ፡፡ ²⁵ በኽም ቀጥወ ኢየሱስቨ ኦምር አኦዎት ኤመናኹም? ባረኖዋ፡፡ ኹነዋ ጭን ፈኛዎ ወግቨ ኸረዎምታ ኽኖም ተኽኖም ‹‹ዋኸ አንቡሪበትቨ ባኽርቨ ስን ይታዘዝነዳ ዋዳ ማንተን?›› ተሜርሙ፡፡ ²⁶ ኢየሱስቨ ተተማሪሞኋ እማቲ ኧቫር ኹዳ የአጋድ ወኦምታ ተገሊላ አውራጃ ይዋአዋይ ጌርጌሴኖስ ገኝ ሶኖም፡፡ ²⁷ ኢየሱስ ተጀልባ ወንኦታ በእግርኋ ቲያርካ ኧዋ ኢፍቲ ሲጣን ኧጠበጠን አት ምስ ተከተማ ዋአታ ተራከቨን፤ ኹዳ ተኖኦራ ዘመር ቀነሰታ እጭሞኋ በሞገማ ግት ባኸሬ በቢድ ባይረምርካ፡፡ ²⁸ ኹድቨ ኢየሱስ ቢያዥኩ በኢፍትኋይ በፌጠቨታ ቃርኋ ነሳታ ‹‹ትንእ በፎር ኑእ ኧኸረኸ ኧጐይታ ትኮ ኢየሱስ አኸ ቲያ ቲያ ምር አነነኸ ኻበዳሽ አታጠንቄ›› ባረን፡፡ ²⁹ እም ኧቫረ ኧኸ ለካፊ ሴጣን ተምስ ኹዳ ይዋአኸ ኢየሱስ ኤዘዘኒ ኧኸረዴ፤ እእም ኤፈቲ ሴጣን ኹዳ ኖኦራ ግዜየ በምስኹዳ ይትረሳወ ባነደ፡፡ በሰንሰለት በኧገር ብረድ አጐጂታ ይኢዮድ ባነደ፡፡ ቢኸር ሰንሰለት ኹዳ ሜጠሰ ኧግር ብረድኹዳ ሰፐረታ ሴጣንኋ በረኻ ይወስኩ ባነደ፡፡ ³⁰ ኢየሱስቨ ‹‹ሹዋኸ ማንተን?›. ባረታ ተሳአረን፡፡ ኹድሽ ኖኦራ ሴጣን ኧረፐሮይ ኧኸሬ ሹንራ ሌጌዎን ዮሪይ›› ባረ፡፡ ³¹ ሴጣን ኹነዋ ኻበዳሽ ኧኑኢየ ሱኤርኾርዋ አትቫረንረ››ቧርዋታ ሰአሪይ፡፡ ³² በኽም ቆቶ ኖኦራ አቨጌር ባነወታ፤ ሴጣንኹነዋ ‹‹በአሜጌር ንግአነ ቧርም ሷአሪ ኹድ ‹‹ኾርዋ›› ባረኖም፡፡ ³³ ሴጣን ተምስ ኹዳ ዎኦምታ በአመጌር ገፓም፤ ኧደሞጅዋ አሜጌር ተሰቻ ተረሾምታ ቲትራዎኡዋ በባር ዋኧኖምታ/--- አይነበብም? ³⁴ ዜማንቸኹነዋ ዋዳ እንደም አሾምታ ሴኮም ወረሙታ በከተማይ ተከተማሞኋ ሰቻጋድ ባነውታ ቀያ እንእ ዋ ዘንጋ ኤኤጂም፤ ³⁵ እም ዋራይ ኧሰሞዋ ሰቭ ኧቴፕ ዘንዳ ያዢዋይ ዎኦም፡፡ ኧኢየሱሲ ሞኦም፤ ሴጣንቨ ጠበጠን ኧነፐረ ምስ እንጭሞኋ ኤነፐረ ውጅር ተኸተረታ በኢየሱስ ኧግር ሚዬ በቸናይ አሾምታ ፈኞም፡፡ ³⁶ አሸዊ ሰቭ ሴጣን ኧጠበጪ ምስ ኧተኸ ኧተነፈኸ ኤኤጁዋ፡፡ ³⁷ በጌሴኖን ገኝ አነፓርዋ ሰቭ እንእ ኖኦራ ተውራገጉም፤ ተገኘኹነዋ ወኤተ ያሪ ኢኢየሱስ ሳአሪ፤ ኹድ በጀልባ ገፓታ ኤማአወ ገሊላ ገኘ ተዠፐረ ወረ፡፡ ^{39 38} አዋአነ ምስ ተኢየሱስ እማቲ ያሪ ሰአረን፤ ቢኸር ኢየሱስ ‹‹ቢዳኄ ኾር፤ ጎይታ ዋ ኤፐናኸ ኑእየ ዘንጋ አውድ›› ባረታ አስራፐተን፡፡ ምስቭ ኹዳ ኢየሱስ ኤፐነ ኑእ ዘንጋ በከተማ እንዳም ቲይእድ ወረ፡፡ ^{40 41 42} 40.ኢየሱስ ገሊላ ገኘ ቲዠፐር ስን ሰቭ እንእ ይኢየኩ ባነደ፡፡ ኧሁኖሜ ቲቫአካ ሳረኖምታ ቴኤፖሪ፡፡ 41.ኽም ግዚየ ኢያኢሮስ ዩሪዳ አት አይኹድ ኢደሞችኮዳ ቢድ አላፊይ ባንደ፡፡ ኹዳ ማአታ በኢየሱስ በኧግረኋ ወተኧታ ‹‹ኻበዳሽ ቢድኛይ የኸኒ ባረታ ሳአረን፤ 42 እመኸ ባረታ ኧሳአረን ሁዳ እማት አነቸነዳ አስራውሬት ዘመር ኧኸረና ገረድኋ ኤመናታ ነብስ ጠበጠና ባነደ፡፡ ኢየሱስ ተኹዳ እማቲሜ ቲያርካ ኖኦራ ሰቭ ይትጋፎይ ባንደ፡፡ ^{43 44} 43. አስራውሬት ዘቨር እንዳም ደቭ ቲትሁእካ ኧረፐረች ምሽት ባነቸ፤ ዱኒያመሻ ኡዛ ቢይውታ ሰቭ ጀፐረች ባከሬ ኹኖም እማትመኹነዋ ያተርፉያይ አኸረኖታ፤ 44.ኺድቭ ተኢየሱስ ቲኢኋይ ማአችታ ኧሁጅርኋ ዊድ ነከደችን፤ ኽምተኽም ይትኹእካ ኧረፐረ ደቭሻ ተሸከቨ፤ ^{45 46} 45.ኢየሱስቭ ‹‹ኧረከዴ ማንተን?››ባረ ፡፡እንምኹነዋ ‹‹ኢና አነከድኔከዳ›› ቧሪ፡፡ ጴጥሮስ ‹‹ይጐፈከዳ ሰቭ ኖኦራኖዋአር፤ አኸ ኧተኸ ኧረከዴ ማንተን ትቭር›› ባረን፤ 46.ኢየሱስቭ ጭን አት ሰቭ ነከደይ ቲያ ደረግ ኧዋኧኸ ኻርኹ›› ባረን፡፡ ^{47 48} 47. ምሽት ኺድቭ ኧረከድሁንኸ ኻረቪ ትትቭር ቲያረኧንድካ ማአችታ በኢየሱስ ኢፍቲ ወተኧች፡፡ ተረከደቸንመኸ ኽምተኽም ኧተነፈችኸ በሰቨ እንእ ኢፍቲ ኤኢደች፡፡ 48.ኢየሱስቨ ‹‹ትከኞ እያ አተርፍሸኸ አአመርሽዋይ ተነፍሽም ቦኼአር ኾይዋ‹‹ ባረና፡፡ ^{49 50} 49.ኢየሱስበ ዋኸ ትይርታነ አት ምስ አይኹድ ይዶሞችኮዳ ቢድ አላፊ ተረፐረ ተኢያኤሮስ ቢድ ማአታ ‹‹ገረዳኸ ሞደች ተዋቴ አአስተማሪ ሁዳ የኸ ባይተኸ አታቂጥኩ›› ባረን፤ 50.ኢየሱስ ጭን ዋ ዘንጋ በሰማአ ቀጥወ ኢኢያኢሮስ ‹‹እማት ኧቨር ባኸሬ እንፈኘኸ ገረዳኸ ትትረፍሴ›› ባረን፡፡ ^{51 52 53} 51.ኹድቭ ገረድኺዳ ኧወንደቸወ ቢድ ቲጋአካ እማት፤ ጴጥሮስ ያቆብ፣ዩኻንስ ኧገረድኺዳይ አቦመቫይ አዶዶመሻ ባኸሬ እማት ሰቭ አይገአካ ባረ፡፡ 52.እን እ ሰቭ ዳታኹነዋ ቲሣኮዉዋ ይቨኹዋ ባንደ፤ ኢየሱስ ጭን ‹‹አትኩዋ ኺዳ ኔኧች ባኸሬ አሞደቻ›› ባረኖም፡፡ 53.ሰቭ እንእ ኧወዶቸኸ ኧኋሩዋይ ኧረፐሬ ኧኸሬ በኢየሱስ ዳእኰ፡፡ ^{54 55 56} 54.ኢየሱስ ኧገረድ ኺዳ ኧጅ ጠበጠታ ‹‹ገረዶ ተሸዋ›› ባረና፡፡ 55.ኽም ግዚየ ነብስሻ ተዠፐረታ ፈተክ ባረችታ ተረሳች፤ ኢየሱስቨ ‹‹ትቨርአካ አአር አውያ›› ባረታ ኤዘዘኖም፡፡ 56.አ ቭቭ ታኦዶድመሻ ወግ ኧሮዎም፤ ኢየሱስ ጭን ዋ ዘንጋ አአት ሰቨ እኔኤድኹዋ ባረ ኤዘዘኖም፡፡