¹ በውርሰንበት ቀረ ኢየሱስ ተተረማሪሞኋ አማትሜ በመዝረ ግት ቲወኦም ታነኖም ተማሪ ኹነዋ ኧስኔኧ ኧሲድ ሜጦሹምጻ በእጅኽኖዋ እንሸሸምታ ይወይዋ ባነደ፡፡ ² ተፈሪሲያ ሰቭ ግት አታትኽኖዋ ኤኤየሱሲ ተማሪ ኦምር ‹‹በሰንበት ቀረ አዬዊኦር ሜና ዮዋ ባረዮም፡፡ ³ ኢየሱስቭ ዋኻ ቲይር ዠፐረኖም ‹‹ዳዊትቨ ተኹዳ እማቲ ኧረፐርዋ ሰቭ በጋደኖጋ ዳዊት ኤፖ አአር በመጣፍ አናረበብኹዋታይዌ? ⁴ ‹‹ዳዊት ቤተመቅደስ ገፖት ኧገይታ ኧትቀደሰ ዳቦኧ ወሰደ በና፤ ተኹዳ ኧነፓርወ ሰቭ አመኖምታ በኞም፤ ኧቨኖይ ዳቦኸ ካኽን ባኸሬ ኤኛ ሰቭ ይቨራኩዳአር አነፐረዳ›› ባረኖም፡፡ ⁵ ኢየሱስ ‹‹ኧሰቭ ትከ ኧሰንበት ጔታን ባኸሬ›› ባረኖም፡፡ ⁶ ውርሰንበት ቀረ ኢየሱስ አይኹድ ይደሞጅኮዳ ቢድ ገፓታ ያስተምርኮዋ ባነደ፤ በኽም ቀረ ኧጅኋ ኧሸተረ አት ምስ ባነደ፡፡ ⁷ ሰቨ ኧቂጫ ባሪቅ ኢኢየሱስ ይኮሰስኮዳ ወንጀል ይረኽኮኸ ሴኤምታ ታነዳ በሰንበት ቀረ ያተርፍኹኧ ንዥነ›› ባርሙታ ይጭማሞ ባንደ፤ ⁸ ጭን ኧኺንኽነዋ አሳብ ኻረታ እጅኋ ኧሸተረ ምስ ‹‹ተሳታ በሰቭ ግት ተሰገቭ›› ባረን፡፡ ኹዳ ተረሳታ በግት ኽኖዋ ተሸአቨ፡፡ ⁹ ኢየሱስ ኧሰቭኽኖዋ ‹‹አት ኧሳርአርኹታ አር አነ፤ ኧሙሴ ቂጫኸ በሰንበት ቀረ ወኼ ኦኖት ወይ ሙጥጥ ኦኖት ወይ ነፍት አትርፎትን ወይ እአትርት?›› ባረኖም፡፡ ¹⁰ እንመኽኖዋ አዦረ አኖምታ ኧምስኹዳ ‹‹ኧጃኸ ዛጋ›› ባረን፡፡ ኹድቨ በዝራካን፤ ኧጅሞኋ ኽምተኽም ፉይነድ ኧረ፡፡ ¹¹ ኧቂጫ አስተማሪ ኧፈሪሳ ስቮ ማአታ ጠበጠኖም፡፡ ኧኢየሱስ ማኋ ናኘኔ ቲይርዋ ኽኖም ኦትዋቾም፡፡ ¹² በኽም ግብት አት ቀረ ኢየሱስ ጠሎት ዬቭ ቆቶ ዋአ፤ኧዳር ሙራ እን ኧጐይታ ጠሎት ቲዬቨኔኧ፡፡ ¹³ ጋእ ቲይካ ተማሪኋ ኧኹዳይ ኧናኖም አስራውሬት ኽነዋ ሜጤረኖምታ ኪሸረኝ ባረም ሽው አወናኖም፡፡ ¹⁴ ጴጥሮስ ኧቫረን ስምኦን ኧሰምሞኋ እንድርያስ፤ ያቆብቨ፤ዩኻንስ፤ ፊሊጶስቭ በርተሎሚዎስ፤ ¹⁵ ቶማስ፤ እእልፉዮሲ ኧች ያቆብም፤ ቀናተኛ ኧዋሪ ስምኦን፤ ¹⁶ ኧች ይኹዳም፤ የኢየሱስ አዋኦታ ኦቴኤፐረን አስቆርቱ ይኹዳም ባነውታ፡፡ ኢየሱስ ኖኦራ ሰቭ ያትመርኸ ያተርፍኸ ¹⁷ ተኪሸረንምኋ እማትሜ ተቆቶ ወንጁምታ በሰተቴ ኤዲ ተሸኮም፤ ተተማሪሞኋ ኖኦራ ኹነዋ በኽመኧ ባነውት እመኸ ኢየሱስ ይዚሬካ ይሰአዋር ተቫአሸሞኽነዋ ይተርፍዋይ ተይኹዳ ገኝ እንም ተኢየሩሳሌም ከተማ ተጢሮስ ተሲዶና ከተማ ባር ሞሬ ኧወኦዋ ኖኦራ ሰቭ ባነወታ፡፡ ¹⁸ ጠበጠታ ያትጨንቅዋ ኧነፓርዋ ሰቭ ኹነዋ ሞኦምታ ተኖፍም፡፡ ¹⁹ እንእ ተቫሸኹነዋ ይተርፍዋይ ኢኢየሱስ ይረጉጁዋይ ይሲኢዋ ባነዳ ኧጐይታ ደረግ ይዋኦታ እንምኽነዋ ተቫአሸኽነዋ ይተርፍኮዋ ባነደ፡፡ ²⁰ ኤርኋ ኧተማሪኋይ ኤፐ አሸታ ‹‹ዚጋ ኧኸርኹዋ አኹዋ ኧሳርኹዋ ኧጐይታ መንግስት አኹተን፡፡ ²¹ ይገድኹዋታ ዋ አኹዋ ኧሳርኹዋ ተኦፍቴ፤ ዋአካ ትወኹታ አኹዋ ትዶቴ፡፡ ²² ቢያ በሰብ ትከ ኧሟአ ቲጦሮኩዋታ ቆንጩ ተግት ኹኘዋ ቲዋትር ቲቀርኩዋታ ሽዋኹ በሙ ቲያአፍከዋታ፤ ²³ በጐይታይ መንግስት ኑኡያ አር ኧኸሬ ዋዳ እንደም ቲሰራወኹዋታ ኧሳርኽም ተቨሯረእዎ፤ ድረ አቦሞኹነዋ ኧጐይታአ ቃር ይኤታ ነቢይትኹነዋ እመኸ ይኔዬዋ ባነደ፡፡ ²⁴ ደንገኝ አኹ ጭን ግርዳኹዋ፤ ኧሴኤኺ እን ብእሜ ቴአፐርኹም፡፡ ²⁵ ኦኦፎኹዋ አኹዋ ግርዳኹዋ፤ ነገ ይገድኹዋቴ፡፡ ዋአካ ትዶታ አኹዋ ግርዳኹዋ፡፡ ምጥጥ ይጠጥኹዋቴ ትዌኽቴ፡፡ ²⁶ ሰቭ እን ወኼንኹአር ቧርምታ ቲኢጅነኩዋታ ግርዳኹዋ፤ ኧኽኖሜ አባኹነዋ እመኸ ኤናአር ፎጦርም ያስተሙርታ ነቢይ ወኼ ሰቭነዋ ይርዋ ባነዲ ባረ፡፡ ²⁷ ኢየሱስቪ ትሶአኝታ አኹዋ ጭን እያ ኢኤድኹዋ ጠራታኹዋ ንዎጅዋ፤ አይረምጅኩዋ ኹነዋ ወኼ አር ኧኖነዋ፡፡ ²⁸ ይሰድኩዋ ታኹነዋ ዳሪዮዋ ይበድልኩዋታ ኽኖ ኧጐይታ ጠልዩኖዋ፡፡ ²⁹ አት ወኼ ዳቪ ቢየኧፋኸ ኧወሬተኝ ወኸ ዳቨ የኧፋኧኸአኩ ነጠላኸ ይወስዲ ኹዳ ሸሚዝማኸ አኩ፡፡ ³⁰ ይሰኧርኸዳ ሰቭ እን አንሹ፤ ዋጋኸ ኧወሰደብኸ ሰቭ ይዠፕነኼ አሳአር፡፡ ³¹ ሰቭ አኹዋ ዬቭኔኹዋይ ትሲኢዳአር አኹም እመኼ ኤኤኛ ሰቮ ኧኖዋ፡፡ ³² ‹‹እማት ይረምድኋታ ብትረሙጅዋ ምር ብርጫ ትረኹቴ፤ ባጢረተኘ ኹነዋ ኢኧር ኧረመደነዋ ኹነዋ ይረምጂዋ ³³ እማት ወኸአር ዬወነኩዋታኹኞዋ ወኼ አርብቴውነዋ ምር ብርጫ ትረኽምቴ፤ ባጢረተኘ ቢኧር እመኸዬዋ ³⁴ እማት አጅግኛ ይዣብኒሲ ባኹምታ አጅግ ቢቲዋ ምር ብርጫ ትረኽዋቴ ባጢረተኘ ቂጦዬ ዋጋኹነዋ ይቴኤፖዋይ ኧባጢረተኘ አጅግ ይዋ፡፡ ³⁵ አኹዋ ጭን ጠራታኹዋ ንመጆዋ፤ ወኼ አር አኖኖዋ ‹አጅግኛ ይዝቭኒሴ ታትርዋ አጅግ አዉዊ፤ አጅጋኹዋ ኑእያ አር ይኽሴ፡፡ ኧውጥጥኹነዋ ወኼ አር ዮቭነዋ፤ ³⁶ ኧሰሟይ አቦዋኹዋ ጔይታ ሜራ ኧኸረኸ አኹም እመኸ ኽርዋ›› ባረ፡፡ ³⁷ ኢየሱስቭ ዋካ ባረኖም በማኒም ሰቭ ኦትፈርጅዋ፤ በአኹም አይትፈድኹዋታ፤ ኤኛሞኋ ኦትክስሹዋ አኹም አይከሸሽኩዋታ፤ አፍ ቧርም አኹም አፍ ይዋኩዋሴ፤ ³⁸ አዋ አኹም ያኩዋሴ በሰፈርኮ ቁና ይሰፍነኩዋሴ ሲቂቆም ገዳኒኒ ደኖጎም ጫርመኝተ /ግልጽ አይደለም/? ቲትኹ ስን ሲፍተዋ ያኩዋሴ ባረኖም፡፡ ³⁹ ኢየሱስ ዋ ሟሟካ ኤኤደኖም ‹‹ፍርጥ ኧፍርጥ ይሸኪ ይኸነዌ? በሸቨንኹ ውሬችመኹነዋ ተጣቦጭም በጐጀ ይወየዋ፡፡ ⁴⁰ ተማሪ ተአስተማሪኋ አይነካ፤ ቢኸር ትምኽርትኋ ጌከረ ኧትማረ እን አስተማሪሞኻኧ ይኸር፡፡ ⁴¹ በገጋኼ ኤር ኧድጌተቨ ዋኝድ ታታዙ በኧሰማኸ አነዳ ቅቅት ኧቨር ታዥ? ⁴² ኹከኸ ባንኼሬ በኤራኸ ዋኝት ታታዝኹ ኧሰማኸ ኧሰምኖ በኤራኸ አነዳ ቅንቅት አዋአነኸ አኪያ ባሬ ኧተኋ ትንኩ አኸ ኧጦ በደር በገጋኤ ኤር ኦትጌተቨ ዋኝት ኦአ፤ ተኸም ቀጥወ በሰማኼ አነደ ቅቅት ታዋት ታዋአይ ገኢተ ይትረኸሴ፤ ⁴³ ኢየሱስበ ወኼ ኤአ ሙጥጥ ቡስር አያፎይካ፤ ሙጥጥ ኤኧቨ ወኼ ቡስር አያፎይካ፡፡ ⁴⁴ ኤኧ እንእ በወሰርኋ ይኺሪ፤ ተጣጥኤኧ ኧሸብራ ቡስር ኧወይን ቡስር ኦይራ ጨዳ፡፡ ⁴⁵ ወኼ ሰቭ ተወኼ ኺንኋ ወኼ አር ያዋአ፡፡ ሙጥጥ ሰቭ ተምጥጥ ኺንኋ ሙጥጥ አር ያዋአ፤ ሰቭ በአንፍኋ ይዝራካኹዳ በኺንኋ ሜናታ ኧተነፈ ኹዳን›› ባረ፡፡ ⁴⁶ ኢየሱስ ኻአቨታ ኧቫኩዋ አር ታቴዋ ኧምሪ ጐይታኛ ጐይታኞ ቱኝ? ⁴⁷ ኢያይ ማአታ ቃርኛ ሰማ ይቴኤዜዜዳ ሰቭ እን ጭን ማን ይመስረኸ ናአውድኹዋ፤ ⁴⁸ ኹድ ቢድ ቲያረሽካ ጌከረ ኧየ አንጠታ በእምር ፎር ያረሽካ ምስ ይመስር፤ እደንገቭ እኻ ማአታ ኧዋ ቢድ ገፋን፤ በቱኧ ኤኤዲ አረሽኒ ያቅረቅርኪ አኸረነዳ፤ ⁴⁹ እመኸቨ ቃረኛ ሰማአታ አይታአዘዜ ሰብ በድኋ ጌጊተ ኧየ ታያጥ በአፈር ፎር አረሸ ምስ ይቨስር እም ገኪተወ ኧየ ታያጭነ አረሸዊ ቢድ ኧደንገቨ ማታ ገፋን ኦዶትሞኋ ያትፈኝካ ኢር ባንደ ባረኖ፡፡