¹ ቀረ ኢየሱስ በጌንሳሬጥ ባር መሬ ተሸከቨ ኧጐይታ ቃር ቲያትመርካ ኢሰውኤ ኧረፓሩዋ ሰቭ ቃርኋ ኢሰውኦዋይ ኧኹዳ ያትጫብቂ ባነደ፡፡ ² ግዝየ ኢየሱስ ባቫር ምሬ ኧሸኮውዋ ውርኤት ጀልባ አሸ፤ አሳ ተቫር ያዎአታ ሰቭ ጭን ሰቻይ ዎኦምታ አሳ ይጠጭኮዳ መረብኹኗ ያኹዋ ባነደ፡፡ ³ በስምኦኒ ጀልባ ገፓታ ኧስምኦን ‹‹ዋ ጀልባ በቫር ፎር ቀሪያአር ተኻይ ሽቅቅ አንአኒ›› ባረን፤ ተኽም ቀጥወ በጀልባ ኹዳ ፎር ቸናታ ሰቭ ኹኖዋ አስተሙርት ቀነሰ፤ ⁴ አትመረ በጀፐረጋ ኧስሞኦን ‹‹ጀልባኹዳ እወእካ ኤኤዲ ውስድታ አሳ ታምኦዋይ መረባኹዋ በቫር ፎር ዝራጐዋ›› ባረን፡፡ ⁵ ‹‹አስተማሪዮ ኧዳርኋ እንእ ትንቂጥነ ኔኤነታ እማት አሳ አጠበጥነዳ አኸ በቫኸጋ ጭን በረብኛ ንዝራጋኩ›› ባረንም፤ ⁶ ኧቫረኖመኻ መረብኹኖዋ በዝራኮዋካ መረብኽኗ ቲትረተር ዳር ኖኦራ አሳ ጠቦጩም፡፡ ⁷ ግዝየ በኧኛ ጀልባ ኧረፖሩዋ ቤሻኹኖዋ ሜኤቶ ያአጉዥዮዋኸ በኧጀኹኗ ቋቆሹም ኾኔዮም፡፡ ኹኖም ሞኦምታ ውሬች ጀልባ እኻ ቲወእኮዋ ዳር በአሳ ጠቦጩም፡፡ ⁸ ጴጥሮስ ዋአዳ አሳ እን ቢያዥ በእግርኋይ ወተኧታ ኧኢየሱስ ‹‹ጐይታኞ ኢያ ባጢረተኘንኹ ኢያይ አተኧነቭ›› ባረን፡፡ ⁹ ኧኢየሱስ ዋኸ ኧባረ ኹዳ ኹድቪ ተኹድ አረፓሩዋ ሰቭ በጠቦጪ ኖኦራ አሳ ወግ ኸረዎም ታነዳን፤ ¹⁰ ኦቦገዳ ኧረፖሩዋ ኧዘብዲዎሲ ዴንጋ ያቆብቪ ዩኻንስ ወግ ኸረዎም፡፡ ኢየሱስ ኧሰምን ‹‹እንፈኘኸ አሳ ተቫር ታዋአ ኧረፐረመኻ ተዋቀጥወ ሰቭ በሹውኛ ተቫጢር መያ ታዋአኬ›› ባረን፡፡ ¹¹ ጀልባኹኖዋ ኧቫር ሞሬ አትሸብዊታ እንአርኹኗዋ ቾኦም ኢኢየሱስ ተኼተሪ፡፡ ¹² ቀረ ኢየሱስ በአት ከተማ ታነ በኽሜ አት ኧደራ ባአሸ ኧወተኧወ ምስ በኽሜ ከተማ ባነደ፡፡ እም ምስ ኧኢየሱስ ቢያዥኩ በእግረኋይ ወተኧታ ጔታኞ ቢሽርኸ አፍያ ቲንአዪ ኢኸንኸ ባረ ሳአረን፡፡ ¹³ ኧድኋ ዝራካ ሙሻሸንታ ኢያ ኢሽሬ አፍያ ኽር›› ባረን፡፡ ኽመጋ በቭስየኋ ኧወተኧ አደቨረ ባአሸ ገፈረን፡፡ ¹⁴ ቀጥወ ኢየሱስ ‹‹ዋዳ እእማትሰቭ እኔኤድኸ ዘንጋ ጭን ተደራ ባአሻ አፍያ ኧኸርኸኸ ኾርታ ጊስማኸ ኧካኽን አተሸ፤ አፍያ ኧኹርታኸ ኧስቭ እን ምስክር ኢኸረኸ ኾርታ ጊስማኸ ኧካኽን አተሽ አፍያ ኧኹርታኸ ኧሰቭ እንእ ምስክር ኢኸርኸ ሙሴ ኤዘዘን ኽትብ አተኧንቭ›› ባረ ኤዘዘን፡፡ ¹⁵ ኧኽር ባኸሬ ኧኹዳ ዘንጋ ኢረእ ቲቴኤድ ወረ፡፡ ኖኦራ ሰብ ኹዳ ያትመርኩዳ ትምርት ኢሰአዋሜዪ ተቫአሸሞኹኖዋ አፍያ ኢኾሩዋይ ኧኹዳይ ኢዎኦዋ ባነደ፡፡ ¹⁶ ጭን ኖኦራ ግዝየ ሰቭ ኤነወ ኤኤዲ ወረ ኢጠልይ ባነደ፡፡ ¹⁷ አት ቀረ የሱስ ቲያትመርካ ተገሊላዪ ተይኹዳ ገኘ ኽመኸ ተኢየሩሳሌም ኧምኦዋ ኧፈሪሳ ሰቭ ኧቂጫ አስተማሪ በብየኋይ ቸኖም ባነዳ፡፡ ኽም ግዝየ አፍያ ኢናካ ኧጐይታ ደረግ ተኢየሱስ ባነደ፡፡ ¹⁸ ግዝየ አት ምስየዋ አሸተረወ ምስ በጨቨር ኧፌነጉዋ ሰቭ ኧኢየሱሲ ቦቾም አምኦም፤ ኹኖም በኢየሱስ ኧግሪ አጊቨቶ ያዎሮዪ ሴኤውም ባነደ፡፡ ¹⁹ ጭን ሰቭ ቡሼኤቭ ኧደበሴ ኧኸሬ አኹዳይ አጉኦት ኤመኖምታ በቪድ ፎር ኦኖም ኧሱኡር ቢድ ጐተጁምታ ኤኤመን ምስ በጨቨርሞኻ በድገተረመኻ አዎጅም በሰቭ ግብት በኢየሱስ ኢፍቲ አዎኖዪ፡፡ ²⁰ ሰቭ ኹኖዋ ኧቭስ ኹዳ ያተርኩዴ ቧርም አእሞሩዋኸ አሸታ ምሶ ባጢራኸ ተፋአነኸ ባረን፡፡ ²¹ አስተማሪቭ ኧፈሪሳ ሰቭ ‹‹ዋ ተጐይታ ትክትክ ይንካ ኹዳ ማንተን? ‹‹እማት ጐይታ በኸሬ ኧኛ ባጢር አፈኢ አኸነዳ ማንተን?›› ቧርም፡፡ ²² ኧኺንኹኗ አሳብ ኻረታ ‹‹ኧብር በኺናኹዋ ኧምኻር ታጫሙጭዋ?›› ባረኖም፡፡ ²³ ተፋኧነኸ› ተዋርትቪ ተሳ ኾር ተዋርት ኧተዳ ኢፈዝ ባረ ተሳአረኖም፡፡ ²⁴ ጭን ኢያ ዋኸ ኧቫኹ ኹዳ አኹዋ ኧሰቭ ትከ በአፎር ፎር ባጢር ኢፈእወዳ ዳኝነድ አነነኸ ትኺሩዋነኸ ባረ፡፡›› ተኽም ቀጥወ ምስየኋ ኧሸተረ ምስ ተሳታ ኧድገተርኸወ አልጋ ፈንግታ ቢዳኼ ኾር እኸ›› ባረን፡፡ ²⁵ ኧረፐረ ምስ ኽመጋ ተራሳ ቢኢፍኑኹኖዋይ ተሽከቮ፡፡ ኧድገተረወ አልጋኋ ፌነገታ ጐይታኋ ቲያትሸኰር ቢድኋይ ወረ፡፡ ²⁶ ኧረፐሩዋ ሰቭ እን ኧኳሽ ወግአር አሸነ ቧርምግ ኸረዎምታ ጐይታ በፍራት አኾቦጂ፡፡ ²⁷ ተኻይ ዋአታ ቲያርካ አት ሌዊ ዩሪዳ ቀረጥ ያጥካ ምስ ቀረጥ ቲያጥወዳ ኤኤዲ በቸናይ አሸንታ ተኸተሬ›› ባረን፡፡ ²⁸ እንአርኋ ቸኧታ ተረሳ ተኼተን፡፡ ²⁹ ቀጥወ ሌዊ ኧኢየሱስ ኑእ ድግስ ደገሰታ ቢድኋይ ኸናን፡፡ ተኽኖም እማቲ ሸረድ ኢወርኦዋይ ተቸኖዋ ሰቭ ቀረጥ ያጭታ ሰቪ ኧኛ ኖኦራ ሰቭ ባነወታ፡፡ ³⁰ ሰቭቪ ኧቂጫ አስተማሪቭ በኢየሱሲ ተማሪ ‹‹ኧቭር ቀረጥ ቲያጭታዪ ቂጫ ታዪኡሮዋ ተባጢረተኘ ሰብ እማቲ ኧቭር በናአኹም ትሰጩዋ?›› ቧርም ቁጨጨኮም፡፡ ³¹ ዋኸ ባረ ዠፐረኖም ‹‹ኧቫአሽየ ሰቭ ባኸሬ ፋይነድ አነኖታ ሰቭ አኪም ኢያትኬሽኮታ›› ³² ኢያ ኧቫአኹ ኹዳ ባጢረተኘ ተቫጢረኋ ያዎኦዋኸ ኢኢድኮዋይ ባንኸሬ ፃዲቅንኹ ይካ ኹዳ ባጢራኸ አአ እሪ አማአኋ›› ባረኖም፡፡ ³³ ተኽም ቀጥወ ኹኖም ዠፖርሙታይ ኧዩኻንስ ተማሪ ኖኦራ ግዝየ ኢጦሙዋ ኢጠልዮዋ ኧፈሪሳውያን ተማሪ ኽመኽ ኢኖኦዋ አኼ ኹኖዋ እን ቀረ ኢዎርኦዋ›› ኢሰጩዋ ኧቭር አይጦምታ?›› ቧርም ተሳአሪ፡፡ ³⁴ ኢየሱስቭ ‹‹ምሽረኘ ተኹኖአ ታነ ሙዜ ኹኖዋ ኧጡሙዋ ባኹም ኧተኸ ታጫሙጩዋ? ³⁵ ዘንጋ ጭን ምሽረኘ ኹዳ ተኹኖዋ ኢትቬተርወዳ ግዝየ ኢቫኤኬ ኻ ግዝየ ኢጡሙዋሴ›› ባረኖም፡፡ ³⁶ ዠፐረ ኢየሱስ አት ሟሟካ ኤኤደኖም፡፡ ተወያ ኹጅር ዠኧረታ በጉስ ኹጅር ጉድድ ጣፎድ ያድካ ሰቭ ኤነዳ ኽመኸ ቢኸር ወያ ኹጅር ኹዳ እመኸ ዠኧረ ያፋኩ ባኸሬ ተጉስ ኹጅር ኹዳ አያቻፕርካ፡፡ ³⁷ በገነዘ ኧወይን ሞነ ወያ ወይን ያወረካ ሰቭ ኤነዳ፤ ቢያወራ ወይን ኹዳ ሞነ ኹዳ ኢዠእረኩ፤ ወይንኹዳ ይትኹእ ሞነ ኹዳ ይትብላሽ፡፡ ³⁸ ኧኸሬ ወያ ወይን በወያ ሞነ ኧቸሮት አነወ ³⁹ ወይን በሰጨ ጋ አትቭ ወያ ወይን ኢሰጪ ኢሲእካ ሰቭ ኤነዳ ኹድ ኧስረፐተኹዳ ኢረእ ኢኢቭ›› ይሪ አከረዴ፡፡