¹ በመንፈስ ቅዱስ ተቬንአታ ተዮርዳኖስ በር ተትዠፐረመኻ መንፈስ ቅዱስ ነሳ በረኻ ወሰደን፡፡ ² አርዋ ቃር ሴጣን ፈተነን በኽመጣካ ቀረ እንእ ሸረድ አቸ አምበናዳ፤ ራርወአ ቀረ ቀጥወቭ ደን፣ ³ ኢኢየሱስ ‹‹እንዴ አኸ አውረ እእግዜር ትከ በኸር አዋ አውር ሸረድ ኽር ባር ኦዝዝኩ ባረን፤ ⁴ ‹‹ሰብ በእግዜር ቃር እንእ ባንኸሬ እማት በሸረድ አይረቭርካ ቧርም ጣፉይ›› ባረን፡፡ ⁵ ኻአወ ኢኢየሱስ በአት በዴካ ቆቶ ፎር አዋአንታ አአለም መንግስት እንእ ኧጠነቃር አቴሸን፣ ⁶ ‹‹እም ዳኝነድ ኑኡነደመኽነዋ እንእ ኢያ ኧቴወዬ አኸሬ ኧሳሬ ሰው ኢዊ ኢኸኒ ⁷ ኧኸሬ በስገድኸኒ አኸ ይኽርሴ›› ባረን፡ ⁸ ‹‹/እእግዜር ኧጐይታኸ ሽግድ እማት ኧኹዳ ተገዛ ቧርም ጣፉይ ባረ ዠፐረነ፡፡ ^{11 9 10} ሴጣን ኻአወ ኢየሩሳሌም ከተማ ወሰደን፤ በቤተመቅደስ ዊዲ አዋአ አሽከወንታ ‹‹/አኸ ይኡረዋይ እግዜር መላአይካኋ የኧዝዝንኸሴ ኧግርማኸ እምር አይጀከኸኧ በአጅኹነዋ ይተኧወርከሴ ቧርሙ ጣፉይ አካ አኸ እእግዜር ትከ በኸርኸ ተዋዳ ኧገደንየ ዝገር ውረጅ›› ባረን፡፡ ^{12 13} 12.ኢየሱስ ዠፐረ ‹‹ኧጐይታ አምላካኸ አትፍታተንኩ ቧርሙ ጣፎይ›› ባረ ዥፐረነ፡፡ 13.ሴጣንቭ ኢኢየሱስ በሮኦራ አእር ተፈተነን ቀጥወ ኧግዚየኋ ቼኤን ወረ፡፡ ኢየሱስ በገሊላ ገኘ አትምርት ኧቀነስኸ ^{14 15} 14.ኢየሱስ ኧመንፈስ ቅዱስ ደረግ ሜናወታ ኻኢወ ገሊላ ገኘ ተዠፐረ ወረ ኧኹድቦ ትእነድ በገሊላ ዙርያ ባነወቲ ገኘ እንእ ተስምኦ 15.ኹድብ አይኹድ ቢደሞጅኮዳ ቢድ ያትመርኮዋ ባነደ፡፡ ሰው እንእቭ አኸዳኋ ዩአድነ ባነደ፡፡ ^{16 17} 16.ተኽም ቀጥወ አተራኧወ ገኘ ናዝሬት ወረ ኤኤኛ ግዝየመኧ በውርሰበት ቀረ አይኹድ ይደሞጅኮዳ ቢድ ገፓ መጣፍ ያረብቢ ተረሳ ተሸከወ፤ 17.ኧነቢ ኢሳያስ መጣፍ አዊ፤ መጣፍ ኹዳ ቢከፍትኩ ^{18 19} 18››እግዜር መንፈስ ቢያ አነ፤ ኧዚጋ እእግዜር ቃር ወኼ ዋራይ ኢኢድኮዋይ ሸፐተዮ፤ ኧታኦኮጅዋ ኹነዋ ኢትፎችዋኸ፤ አፎጩም ኹነዋ ያዥዋኸ ኧኢድኮዋይ ኧትጨቆኑዋ ኹነዋ ነጣ አዋአ 19.እግዜር ሰብኋ ያተርፍወዳ ግዝኒ ኧሰንአኸ አትኼሪ ኬሽ፡- ቧርሙ አጣፍኰ ኤኤዲ ነከበ አረበበ፡፡ ^{20 21 22} 20.ተኽም ቀጥወ መጣፍኹዳ አፍ ያጌክርካ ምስ ኹዳ አቨንታ ወርቸና በኽመኽ ኧረፐረዋ ሰብ እንእ መኬኧ ቧርምሙታ ያዢ ባነደ፤ 21.ኢየሱስ ‹‹ኧኳ በዋ መጣፍ በእዝራኹዋ አሰምአኹይመኻ ውረም ኸረ›› ባረኖም፡፡ 22.ኹኖም እንእወኹነዋ አኹዳ ወኼነድ ኢኢጁዋ ባነደ ቢዝሬ ኩዳ ታአፉኋ ቢዋአካ አጠጋ ቃር አትረሳ ወግ ኸረዎምታ ‹‹ዋዳ ኧዮሴፍሼ ትከ አኻራ? ይውርዋ ባነደ፡፡ ^{23 24} 23. ኢየሱስቨ ‹‹ኡኡዛ ምሶ እንዴ ገጋኸ አትርፍ ዩሪዳ›› ሟሟከሻ ታዎኦካ ታዎኦኮ ኮኘኸ ኧኺር፡፡ በቅፍርናኾም ከተማ ኤፐኸን ኧሰምአኔ እንእ ዘንጋ ብእም በገጋኸ ገኘ ኧንአ አተሽ ትውርኝዴ 24.አውረመኛ እውርኹዋ ቤኤሌያስ ዘመር ሶአት ዘመር ተስድስት በኘ ዳር ዲያ አናተጌ በአርዳኋ እንእ ትእ ጋጀ ኸረ፡፡ ^{25 26 27} በኽም ግዝየ ብእስሬኤል ገኘ ኖኦራ ዎዊት እሽቻ ባናተ፤26.ዘጋኻ ጭን ኤልያስ በሲዶና ገኘ በስራፕታ አነቻ ምሽቺ ኬሽዊ ባኸሬ አትመኽናይ አቦረዳ፡፡ 27.በነቢ በኤልሳእ ዘመርኸ በእስራኤል ኧደራ በአሸ እጠበጦኋ ኖኦራ ሰብ ባነውታ፤ዘጋኋ ጭን ኦሶርያ ገኘ ንእማን ባንኸሬ ተኹነዋ አትወኹነዋ ተዋአሸኹነዋ አፍያ አኾርታ ባረኖም፡፡ ^{31 32} 31.ኢየሱስ በኽሜ በገሊላ ገኘ አነዳ ቅፍርናኾም ከተማ ወረ፤ በኽሜ በሰንበት ቀረ ኖኦራ ሰቭ ያትመር ባነደ፤ 32.ያትመርኮም አረፐረ ደኝነድ አነንዳ ሰቨኸ አጬገታ አረፐሬ ኧኸሬ ትምርትኋ ወግ ኸረዎም፡፡ ^{33 34} 33.አይኹድ ቢደሞጅኮዳ ቢድው ሴጣን አጠበጠን ምስ ባነደ፡፡ ኹድብ በኑኡየ ቃር አኸናታ 34.ኢዮ ኧናዝሬት ኢየሱስ አኸ ቲና ምር ያትራክቨንረ ታአፋንሬ ማአኸዮ? አኸ ማን ኧኸርኸኸ ኧኺርኸሽ፡፡ አኸ እእግዜሪ ቅዱስንኸሽ ባረ ኮ ባረ፡፡ ^{38 39} 38.ኢየሱስ አይኹድ ቲደምጅኮዳ ቢድ ዋአታ ኧስምኦኒ ቢድ ገፓ አስምኦንሜ አማችወድ ምስየሻ ሜከረች ቡሼአኸቭ ኤመናባ ኽመኽ ኧኸረሜ ኢኢየሱስ አፍያ የንአካኸ ኋአሪ፤ 39.ኢየሱስቭ በኢፍትሻይ ተሸከወታ ባአሸ ኹዳ ኢገፍርካአ ኤዘዘንቭ ባአሸኸ ኹዳ ኽመጋ ገፈረና ኺድቭ ኽምተኽም ተረሳችታ አዋይረቸኖም፡፡ ^{40 41} 40.አፈር ቲመሽካ በኖኦራ ባአሸ አጠበጭዋ ኢዋአሺየ ሰው እንእ ኧኹዳይ ጠቦጩም አዎኦም፤ ኹዳቭ በአጋአጋ ብእንወኹነዋ ፎር ኦጅኋ አተገዎምታ አፍያ ኤኖም፡፡ 41.ሴጣንው ‹‹አኸ እእግዜር ትከንኸ›› ቧርሙ ኮ ቲዮርዋ ተሮኦራ ሰብ ኢዎኦዋ ባነደ፡፡ ኹዳ ጭን አጥራቆርኖም ክስቶስቭ አኾርኾ ኦኋርዋ ኧረፐሬ አኸሬ አታአር ኢዝረኪዋይ ኸንአኖም፡፡ ^{42 43 44} 42.አፈር ጋእ ቲይውካቭ ኢየሱስ አትሰዉ ኤነወ ኤኤዲ ወረ ሰቭ ኹነዋ ኢሲኡይ ባነደ፡፡ ኹድብ አሮዳ ኤኤድ ምኑም በረከዊመጋቭ ቴእተኸንረ አትኾር ቧርሙታነደ ሳኦሪ ኹዳ ጭን ‹‹እእግዜር ኧመንግስትኋ ቃር አኢዲ እግዜር ኬሽ ተኽም ኧትረሳ ኤኛቭ ከተማ ኾይተኹ አአውጅቶ አነቢ ባረኖም፡፡ 44.ኹድብ በዩኹዳ ገኘ አይኹድ ቢደሞጅኮዳ ቢድ እንእ ዦረታ እእግዜር ቃር አአውጅት ቀነሰ፡፡