¹ v 1 .ኢየሱስ ዠፐረታ ኧተማሪኋ ‹‹አት ደንገኘ ምስ ኧንቭረትኋ አላፊ አት አገልጋይ ባነንዳ፡፡ ሰቭ ‹ዋ አገልጋያኸ ዱንያኸ በቫንእየ አአር ያአፋ ቧርም ኧደንገኘ ምስ ኤኤጂ፡፡ ² .ኧኹድ ኸናንታ‹‹ዋ ኢጅኮኮዳ ኹዳ ምራፈድን? በዋቴ ኢያይ አገልጋይ አትኸርካ ባኸ አወናቨከ ዱንያ እን ተሳሰብ አተኧንቭኒ› ባረን፡፡ ³ .አገልጋይኹዳ በኺንኋ ‹ያቴፔዳ ምስ ተአላፊነድኛ ያወቴዴ ባቴ ምር ነንአ? አፈር ቶችትኹ ኧረቭሪ ደረግ ኤነኒዳ ኧሳኧሪ ኧቅቨጭ፡፡ ⁴ እያ ኧኻርሴ ተአላፊነድኛ ትንትስራፐትካ በቪድኹኖዋይ ኢቴኤፖርኝዳ አቦገዳ ኧጥጥሴ› ባረ፡፡ ⁵ ቀጥወ ኹድቭ ያቲፕኹዳ ምስ ሰቨት ኤነዎታ ሰቭ እንእ እእማት እማትኹኗ ኸናኖምታ አአወተረ ኹዳ ‹ያቴፔዳ ምስ ሰቨት ምርአካአር አነቨኸ? ባረን፤ ⁶ ሰቨት አኖዳ ምስ ‹በር ትንክየ ዘይት ስቨት አነቪ› ›አገልጋይኹዳ አካ እኩ የኻ አገልጋይ ኹዳ ኧቴፐርኸወ ወረቀት ቸራታ ካች ባእር አምሳ ትንክርየ ዘይት በር ጣፍ ባረን፡፡ ⁷ ቀጥወ አአት ኹዳ ‹አኸኹ ሻቨት ምርአካ አር አነቨኸ? ባረ ተሳአረን፤ ኹድ በኧር ጨረት ስኔኧ ሰቨት አነቪ ባረን፤ እኩ የኸ ኧቴፐርኸወ ወረቀት ሱራ ጨረት ስኔእ በር ጣፍ› ባረን፡፡ ⁸ ምስ ኧቄቃ አገልጋይ ኹዳ በቬጥነት ቢፐነአር አዮንኸ ባረን፤ ኧዋለም ሰቭ በሰቭ ግት ኧግረኹና ጥቅም ቧርም ቢዬዊዳ ሜና ተጐይታ ሰቭ ኢረእ አዮኗ ⁹ ኢኢድዋ በዋ አለም ዱንያ አቦገዳ ጥጩዋ፤ እመኸ ብቲንአዋ ዱንኹዋ ኧረኢተታጠረረ ኧዳኹዋ ትትኾርታ በዘላለም ቢድ ኢተኧርወኩዋሴ፡፡ ኢተኧርወኩዋሴ፡፡ ¹⁰ ኧታመረ ሰቭ በሩኡያአር ኢታአሙር ብእስየ አአር አንታአመረ ሰቭ በሩእ ዘንጋ አይታአመርካ፡፡ ¹¹ በዋ አለም ዱንያ አንታአመረኹዋአር ኧውረምየ ዱንያ ማን ባኹዋ አደራ ያወራኬ፡፡ ¹² ዱንያ ባንታመርኹዋ ኧገኳኹዋ ዱንያ ማን ያኹዋሴ? ¹³ ጐይታ አገልጋይ ኢኸሪ ኢኸነዳ ሰቭ ኤነዳ፤ አት ኹዳ ኢጠራ አትቭኹዳ ኢረንድ፤ ዌ አአት ኹዳ ያኸብድ.ኧኛ ኹዳ ይቀርጥ፤ ኽመኸ ኧጐይታቪ ኧዱንያ እማቲ ኧድጐዠት ኢ ባረኖም፡፡ ¹⁴ ኢረጅታ ኧፈሪሳ ሰቭ ዋዳ እንእ ሰምኦም በኢየሱስ ኢቆልኰ ባነደ፡፡ ¹⁵ ጭን ገጋኹዋ በሰቭ ኢፍቲ ጻዲቅ ታውሳስሩዋ፤ ቢኸር ጐይታ ኧኺናኹዋ አር ኢኹር በሰቭ ኢፍቲ አከበረአአር መሰረ ኢታሽካአር በጐይታ ኢፍቲ ኧትዋረደዳናአር›› ባረኖም፡፡ ¹⁶ ዘንጋኋ ታይጀፕር‹‹ኧሙሴ ቂጫኧነቪ መጣፍቭ ያጣምካ ዩኻንሲ ግዚየ ስን ቲኢጂ ኤኬሺ፤ ተኻ ግዝየ ቆነሺታ ኧጐይታ መንግስት ወኼ ዋራይ ኢኢጂ፤ እንእዎኹኗ ኧጐይታ መንግስት ኢጐኦዋይ ባነኖታ ደረግ ያትዋቁሩዋ፡፡ ¹⁷ ጭን ተቂጫ አት ነጥብ ቢወኧርካ ኹዳ አፈር ተሳቫይ ቢያኧፋ ኢፈዝ፡፡ ¹⁸ ገፈረታ ቡችር ምሽት ያጋአካ ሰቭ እን ተረከቨን እሽቻ እን ኹጅር አደመዳ አአኽር ባጢረተኘን፡፡ ምስመሻ ኧገፈረና ምሽት አገፓ ምስ ተረከቨን እሽቻ ኹጅር ደመደ ሰቭ አአኽር ባጢረተኘን፡፡ ¹⁹ ኻአቨታ ብሻ ኹጅርቪ ቀጭርቭ ኻር ይትኸተርካ አት ደንገኘ ምስ ባነደ፡፡ ኹድ እንእ ቀረ ቡኡፋ ሳረን ኢረቭር ባነደ፡፡ ²⁰ .እመኸቭ አት አላዛር ዩሪዳ ሰቭነድኋ እን መዘኘ ኧረፐረ ዚጋ ምስ በደንገኘ ምስ ወረጀ ተገተረ ባነደ፡፡ ²¹ ዚጋ ምስ ደንገኘ ኹዳ ቲቨራካ ኧወተኸን ፉትፉፈቸ ኢቨራአይ ዝጐ ይርባነደ፡፡ በቸናወ ኢኢዲ ግየ ኢወኦምታ መዛኋ ባአነቨድኹኗ ኢሮሺባ፡፡ ²² እም ዚጋአላዛር ሞደ፤ኹድቭ መላአይካ ወሰጁም በአብርኻም ምዬ አዎኖዪ፤ ደንገኘ ምስ ሞደታ መከዊ፡፡ ²³ እም ደንገኘ ምስ በአዛብ እሳድ ቲትጨነቅ ታነ መመርኋ ነሳ ቢያዥ አብርኻምቪ በቭየሞኋይ ኧረፐረቭ አላአዛር በሮኢ አሸኖም፡፡ ²⁴ v 2 4.ኹድቭ‹‹ቃርኋ ነሳታ ‹አብራኻም አቦኞ ዴ ናቭጥጥኸሽዴ፤ በዋ እሳድ ነተድኹ ኧትጨነቅ አላዛር አጤኋ ዊድ ብእኻ ኧጢፍታ አነቨድኛ ያዝቨስቭኒ ኢያይ ከሸኩ›› ባረን፡፡ ²⁵ ዠፐረታ ኧችኞ አኸ ታትዎድ ኢፍቲ በደንገኝነድ ወኼ ዘንጋ እን ኧረፐረናኸኸ ኧሰብ፤ አላዛር ጭን ኑእ አአር አጀገረን ባነ፡፡ በኽም ኧቫአ ኹዳ በዋይ ሳረን ቲረቭርካ አኸ ትትወቀስ›› ባረን፡፡ ²⁶ በፎር ቢናቪ ባኹም ግት ኑእ ቃኸራ አነ በኽም ኧቫአ ቲናይ አኹትንየ ታኹዋይ ኢናትንየ ያሪ ኢኸነዳአር አት ሰቭ ኢነዳ› ባረኖም፡፡ ²⁷ ደንገኘ ምሽ ‹አካ አባኞ አብርኻም አአላዛር አአባኛይ ቢድ ከሽኩ›› ባረን፡፡ ²⁸ አምስት ኧሰማት አነውኒ፤ ኹኖም ዋ ኧጭንቅ ኤኤደር አይዎኦዋኸ አላዛር ኧኾር አጤፕ አአውድከዋ› ባረን፡፡ ²⁹ ‹ሙሴቭ፣ነቢቭ አነውነዋ ኹኗ ኧሱኦዋ›› ባረን፡፡ ³⁰ አብራኻም አቦኞ ኽሸኸ አኻራ ዘንጋ ጭን ተዎደ ሰቭ አት ሰቭ ኧኹናይ ቢያርኗ ቴፐዊ ባጢር ኢድዣወርዋሴ› ባረን፡፡ ³¹ ‹ሙሴቪ ነቢቭ አውጅተውየዋ አሶኦዋ በኸረ አትቭ ሰብ ዳር ተውድ ተሸተ ቢያር አያኦውርታ ባረ ኢየሱስ ኤኤደ፡፡