¹ .ኢየሱስ ኧተማሪኋ ‹‹ሰቭ አክታቲፍተታ በቫጢር ኢቃሽካር ኦኦትኋ አይወኧርካ ዘንጋ ጭን ቆፋት ኸረ ሰቭ በቫጢር ኢቃሽካ ሰቭ ግርድኋ፤ ² .ማንየ ሰቭ ተዋ ትንስየኹኗ አአት ኹዳ ቆፋት ቢኸርካ ኹዳ ኑእየ ኧወፍጮ እቭር በመመርኋ ኧግጅተኰታ በቫር ፎር ቢድረኩሪ ኢፍዘዝኩ ባነደ›› ባረኖም፡፡ ³ .እመኸ ኧኸሬ ኧገጋኹዋ ተጦፑዋ‹‹አት ኧሰማኸ ቡሼእ ቢወኧርኸ ማአችወ ባቴ በትወዘከኸቨ አፍ ባኩ፡፡ ⁴ ሳቫተጋ ቡሼእ ቢወኧርኸ ሳቫት ግዚየ ተወዘከኹ ባይተ አኼ ቢድዠፐር አፍ ባኩ ⁵ ኧጌታ የሱስ አኸ ኻበዳሽ ንታአመኔኮዳ እምነት ድቭንረ› ቧሪ፡፡ ⁶ ኢየሱስ ኧጤፍ ቂቀ ያአኽርካ ኧታኦወርት ቢረብርኹዋ ዋ ሸቭራ ተረኧርታ በቫር ከስ ኾር ንቨአ ብቱሪ ኢተኧዘዝነኹዋሴ›› ባረኖም፡፡ ⁷ ኢየሱስዋኸ ባረ‹‹ታኹዋ ግት አት ሰቨ ቾዶዌ ጣይ ዋአረ ቲቫአካ‹ካች ባር ሸረድ ብርአ›ዩኪ? አገልጋይ ቢረቭርኩ፤ ⁸ ኧኧርቫድኛ ኧቨርአካአር አዋእኒ ኢያ ቢኧተኹ ስጤተኹ ትንጀፕር ስን ተሰገቭ ኽድሜ ተኽም ቀጥወ አጋኸ ትብርአሴ ትስሴ ዩክሽአኻራጋ ፣ ⁹ አካ ዋ ምስ አገልጋይኋ ኹዳ ኤኤዘዘን ኹዳ ኤፔ ዠፐረ ያምሰግኪ? ¹⁰ አኹም ኤኤዝባየኩዋ ኹዳ እን ቤፐኹ ዋጋ እስኩየ አገልጋይናኻ እነት አነቨንረዳአር ኤፐነ›. ባርዋ ባረኖም፡፡ ¹¹ ቀጥወ ኢየሱስ ኢየሩሳሌም ከተማ ቲያርካ በገሊላቪ በሰማርያቭ ገኘ ግት ያር ባነደ፡፡ ¹² .ኹድ አት ቃያ ቲያርአካ ደራ ኧወተኧዎዋ አስር ሰቭ በሮኢ ተሸኮም ባነደ፡፡ ¹³ ቃርኹኗ ነሾምታ ‹‹ኢየሱስ አስተማሪዮ ዴ ናቭጥጥኔከሽዴ›› ቧሪ፡፡ ¹⁴ አሸኖምታ ኾርዋ ሰብነዳኹዋ ኧካኽን አቶሹዋ›› ባረኖም፡፡ ኽኖም ቲያርዋ ታነዎዋ ተቫአሸኹኗ ተነፉም፡፡ ¹⁵ አትኹዳ ተቫአሸኋ ኧተነፈኻ አሸታ ቃርኋ ነሳ ጐይታ ቲያትሸኩር ተዠፐረ፡፡ ¹⁶ ‹‹ሽኩር ኧስርአኸ›› ቲይር በኢየሱስ በኧግርኋይ ኢፍቲ ቲአፍት ወተኧ ሰገደነ፡፡ ኹድቭ ኧሰማሪያ ገኘ ሰብ ባነደ፡፡ ¹⁷ ዠፐረታ ‹‹ተባአሸኹኗ ኧተነፉዋ አስር ሰቭ አነፐርታ? ባቴዢኧኮኹኗ ኧቲ አነውዋ? ባረ ተሳአረ፡፡ ¹⁸ ተገቨር ምስ ባኻሬ ኧኛኹኗ ኧጐይታ ሽኩርት ያቲኢንዋይ ተዣቨይቶ አሞኦታ? ባረን፡፡ ¹⁹ ኢየሱስ ››ተሳታ ኾር ኧታአመርኼ ተነፍኸ›› ባረን፡፡ ²⁰ ሰቭ ኧጐይታ መንግስት መቸ ኢቫአኰ? ቧርም ኧኢየሱስ ተሳአሪ፡፡ ኹድቭ ዠፐረታ ‹‹ኧጐይታ መንግስት ኢቫአካኹዳ ሰቭ ቢይእየኩዳ አይነት አኸረዳ ባረኖም፡፡ ²¹ ኧጐይታ መንግስት ‹እኩንየዳ ዌኢድኔ ‹ዌኹኩንየዳ ኼኤዲ አነ› ዩሪ አይቻልካ ኧጐይታ መንግስት ባኹዋ ግትአነ›› ባረኖም፡፡ ²² ቀጥወ ኢየሱስ ኧተማሪኋ ‹‹ተሰቭ ትከ ቀረአትኹዳ ታሸኔ ተኰዳቀ ኢባአኬ ቢኸር አታዢዳ›› ባረኖ፡፡ ²³ ክርስቶስ ‹ዌኤዲ አነ› ዌ ኼኤዲ አነ ዩኩዋአቴ አትኹሩዋ ኹኖም አትኹተርዮዋ፡፡ ²⁴ ቲትቭራነእካ ተአፈር ተአት ዳርኋ ተረሳታ አት ዳር ስን ኢትረከቭመኸ ኧሰቭ ትከ ቢቫአወዳቀረ ኽመኸ ኢኸርኬ፤ ²⁵ ኧሰቭ ትከ ብዴተ ኖኦራ ጅጓረ ኢቴኤፐሪ ብእም ዘቨር ሰቭ ኢትቀጭማዪ ኢጠናሜ ባአታአር አይወርኧርካናአር፡፡ ²⁶ ዘቨር ኧኸረኸመኸ ኧሰቭ ትከ ቢባአወዳ ዘቨር ኽመኸ ኢኸርኬ፤ ²⁷ በመርከብ ኧገፓ ቀረ ስን ኧኻ ዘቨር ሰቭ ቲወርአሚ ቲሰጩም ቲያጐም ቲያወጆም ባነወተ፤ ኽም ግዝየ እእፉድ እኻ ማአታ እንእዎኹኗ ዋኧኖም፡፡ ²⁸ ኧሎጥ ዘቨር ሰብ ይወርኦም ይሰጩም ኢስሮም ያስሮም ቾጁም ዮኦውሩዋ ቢድቭ ያረሹዋ ባነደ፡፡ ²⁹ ሎጥ ተሰዶም ከተማ በዋአወ ቀረ እሳድ ተቫይ ኧድየኸ አተገታ እንእዎኹኗ ነተጁም፡፡ ³⁰ ትከ ኢቫአካ ቀረ ኽመኸ ኢኸርኬ፡፡ ³¹ ቀረ በቪድኋ ፎር አነዳ ሰቭ በቪድ ከስ አነዳ ንብረድ ኢረሳይ አይረድ፡፡ እመኸ ኧቹዳይ ኧወረ ምስ ኢኢንየ አይድዠቨር፡፡ ³² ምሽቲ ዘንጋ ኧድዘገድኋ ³³ ያተርፊ ኢሲእካ ሰቭ እን ያአይኩ ኢያ ቲይር ነፍስኋ አዋእ ያእይፕርካ እን ኢያ ኸረ ኢረብር፡፡ ³⁴ እያ እኹዋ በኽም ቀረ ኧዳር ውርኤት ሰብ እማቲ በድጐተሪዋይ አትኹድ ኢወስጂዴ አት ኹድ ኤቹኤዴ፡፡ ³⁵ እሽታ እማቲ በወፍጨ ቲፈአታ አትኺዳ ኢወስቺያዴአትኹዳቭ ኢቹኡያዴ፡፡ ³⁶ ሰቭ እማቲ ዋት ቲቹችታ አትኹዳኢወስጁዴ አትቭ ኹዳ ኢቹኢዴ› ባረኖም፡፡ ³⁷ ኧኢየሱስ ዦፖርምታ ‹‹ጌታንሮ ኢወስጂዮታ ኧትኔ›› ቧሪ፡፡ ኢየሱስ ኧዎድየ ባነኖዳ ኤኤዲ አቨራ ኢደሞጁዋ›› ባረ ኤኤደኖም፡፡