¹ አት ቀረ ኢየሱስ ባአት ኤኤዲ ጠሎት ኢንአ ባንደ ፤ጠሎትኋ ተጀፐረመከ ተተማሪኋ አ ሁዳ ጌታንሮ «ዮሐንስ ኧተማሪኋ ጠሎት አትመረኖመኸ አኸቭ ኢና ኧጠልይት አትመረንረ »ባረን። ² ኢየሱስቭ ዋ ባረኖም «ጠሎት ትቴዉታ ዋኸ ባሩም ፤ «በሳቫይ ትረቭካ አባንራ ጎይቶ ፤ ሹዋኸ ኑእ ኧህር ፤ መንግስታኸ አአ ዋአካ ኧህር ፤ ³ ኧቀረ ቀረ ሸረድንራ በቀረኋ አቨንረ፤ ⁴ ቡሼእ ኧዋአረንረ አፉ ንቭርመኸ አፉ ባረንረ፤ ተቩጥጥ አአር አትርፈንረ ባሃሬ በፊትና አታግቭአንረ። ⁵ ኢየሱስ አቨታ ዋኸ ባረኖም«ታሁዋ ግት አት አቦጎዳ አነነዳ ሰቭ በግትም ሳአረ ኧሁዳይ ወረ ታ አቦጎዳኞ ኧኧርቫድ ኢኸርካ አአር አጅግ አቬ ፤ ⁶ አት ናማጂኛ ተቫራዳኋ ኢያይ ማአታ ኢቭኩዳአአር ቢዩኩ ፤ ⁷ ህም በቪድ ኧትገተረ አቦጎድኋ አታቂጤ ቢድ ኤኤዊ ዴንጋመኛ ቲያ እማቲ ተጎቶተርሙ ተሸተሁ ኢኸመኸ ኤነዳ ይብኲ? ⁸ ኢያቭ እቭሁዋ ሁድሽ አቦጎዳመኋ ቢኸር ኢትረሳይ አንሴኧ ባንደ ቢኸርቭ ኧጭቨጨቀኒ ኧሴኧአአር እንእ ዪቭኩ ⁹ ኢያቭ እሁዋታ ሁዳ ዋዳን ሳአሩዋ ያቭኩዋሴ ፤ሶኡዋ ትኮዉዋሴ ፤ወዝገቭ ድርጉዋ ኢኩፍችነኩዋሴ፤ ¹⁰ እመኸቭ ኧሳአረ እንእ ኢቴኤፐሪ ኧሴኧ ሰቭ ኢረህቭ ፤ወዝገቭ ኧደነገ ኢኮፍችነ፤ ¹¹ ታሁዋ አቭ ኸረታ ዳቦኧ ቢሰኧርኩ እቭር ኢኩዳ ማንተን?አሳ ኢቨርአይ ቢሰኧርኩ ኧሳአር ጭረ ኢኲ? ¹² ዌ ኧችኋ እንቁላ ቢሰኧርኩ ሱቡት ጠር ኢቭኩዳ ማንተን? ¹³ አካ አሁዋ ሙጥጥ ሰቭ በኸርሁዋሜ ኧዴንጋሁዋ ወሄ አአር ዉት በሃርሁዋጋ ኢረእ በሳቫይ አነዳ አቭ ጎይታ ኧሳአረን ሰቭ መንፈስ ቅዱስ ኧተኸ ኢቭኩዴ? ¹⁴ v 14 አት ቀረ አት ምስ ሴጣን ጠበጠንታ ዲዳ ኧረፐረ ምስ ዝሬከ አሾዉምቭ ሰቭ ወግ ኸረዎም፤ ¹⁵ ቢኸርቭ ጭን ተሁኖዋ አታት ሰቭ «ቡኤል ዘቡል ቢዩሪዳ ኧሴጣን አላቃ ሴጣን ያዋአ» ቧሪ ። ¹⁶ ኤኛሞሁኖዋ ኢኢየሱስ ኢፎትኒ ቲዩሩዋ ተሳቫይ መርከት ያቲሽኮዋኸ ኢትሳአሪ ባንደ ። ¹⁷ ኢየሱስ ጭን ኧሂንሁኖዋ አሳብ ሃረታሁቭ ተሁድቭ ተራከሰታ ኢትባይተርካ መንግስት እንእ ሁዳ ያርእ ፤ህመኸ አበሩስ ታአበሩስ ተራከሰ በትቫይተረ ኢቂጥ ፤ ¹⁸ ኢየሱስቭ ኢያ በቡኤል ዘቡልሴጣን ታዋአ ቱርኝ ፤አካ ሴጣን ሁዳ ተሁድ ተራከሰ በትቫይተረሁ መንግስኮኋ ኧተኸ ኢትሰገቭሴ ? ¹⁹ ባቴ ኢያ በቡኤል ዘቡል ሴጣን አዋአ በኸረ አሁዋ ኢትሄተርታ ሰቭሁ በቫን ደረግ ዮኦዮሴ ? ብእም ኧቭአ ዴንጋሁዋ ባሁዋ ኢፎርጅኮኩዋቴ ። ²⁰ ኢያ ጭን በጎይታ ደረግ ሴጣን አዋአ በኸረ፤አካ ኧጎይታ መንግስት ሁዋይ ኧቭአኸ ኋሩዋ ፤ ²¹ አርወተኘ ምስ አአርቭ ግቭርኋ ጠበጠታ ኧገግኋይ ቢድ ብእየ ንቭረድኋ አይዥንᎉዳ ። ²² ዘንጋኋ ጭን ተሁዳ ኢረእካ አርወተኘ ቱኧ ምስ ማአ በጭመመረን ሂንኋ አወናወ አአርቭ ግቭርኋ ኢወስድወ ፤ንቭረድሞኋ ማነኸ ኤኤኛ ሰቭ ኢሻድወ። ²³ ቲያ አይኸር ሰቭ እንእ ኢትራከሴቲያቭ እማቲ አይስቨስቭ ሰቭ ኢቭራጭ ባረ ። ²⁴ ሼጣን ተሰቭ በዋአጋ ያፎይወዳ ኤኤዲ ኢሲኢ እሃ ቤኖወ ኤኤዲ ቆርቆር ይቭር ያፎይወዳቭ ኤኤዲ ባነከቨ ጭን ህም ኧዋአሁወ ኤኤዲ ንትዣቨር ንሆር ይቭር። ²⁵ ህም ቢድ ቲቫአካ ቢድሁዳ አሸሺታ በትጌከሬ ኢረህኩ ። ²⁶ ተህም ቀጥወ ተዘፐረ ያርታ ተሁዳ ኧዋሹዋ ኤኛ ሳቭአት ሴጣን ጠበጠ ኢቭአ እንቭሁኖዋ ጎፖሙ በህም ቢድ ኢረዉሩዋ ህም ሰቭ ቲኢፍት ኢረእ ኧቀጥወ ሁዳ ኢቨኧስወ ባረ። ²⁷ ኢየሱስ እመዳ ቲዝሬክቭ ታነ አት ምስት ተሰቭ ግት ቃርሻ ነሳችታ «አኸ ኤኘችታ ጡቭሻ አጦፖቸናኸ አዶድ ኧትዳረችዳኒያ አአር»ባረች። ²⁸ ሁዳጭን «ኧትዳረሽ ኧጎይታ ቃር ሰምአታ ተጬፐ ኢረቭሩወዳ ሰቭን»ባረና. ²⁹ ኖኦራቭ ሰቭ በደመደጋ ኢየሱስ «ኧዋ ዘቨር ሰቭ አጉልን አአር ሁዳ መርኸት ያዢ ኢሲእ ቢኸርቭ ጭን ተነቢ ዮናሲ መርኸት ኤኛ መርኸት አዪዊዳ»። ³⁰ ዮናስ ኧነነዌ ከተማ ሰቭ መርኸት አኸረኖመኸ እመኸ ኧሰቭ ትከ ኧዋ ዘቨር ሰቭ መርኸት ኢኸርኬ ። ³¹ 1 ጉራ ገኘ ትገዛ ኧረፐረች ንግስት አዜብ በፍርድ ቀረ ተዋ ዘቨር ሰቭ እማትሜ ተሸተች ትፈርድዎቴ ።ሰለሞን ኢዝሬኩዳ ወግ ዘንጋ ትሰቭአይ ተሮኢታአፈር ዳሪ ተረሳችታ ማአች። ዘንጋ ጭን ተሰለሞን ኢረእካ አአር ዌኤዲ ታሁዋ አነ ። ³² 2 ኧነነዌ ከተማ ሰቭ በፍርድ ቀረ ተዋ ዘቭር ሰቭ እማቲ ተሸተዉ ኢፎርጅኮቴ።ሁኖዋ ዮናስ ኤኤደኖዋ ኧጎይታ ቃር ሶምኦሙታ ባጢርሁኖዋ ቸኦሙ ኧጎይታይ ተዠፖርሙ፤ዘንጋ ጭን ተዮናስ ኢረእካ አአር ዌኤዲታሁዋ አነ ። ³³ ኢየሱስ ዠፐታ ኩራዝ ተከሰታ ኢደእርኩዳ ዌ ሰፍ ኢደፋወዳ ሰቭ ኤነዳ ፤ኢረእ ቢድ ኢጋአካ ሰቭ ኢትረኮኮኸ በሰፍ ፎር ያዎሬ ። ³⁴ ኧሰቭነዳኸ ብርሃን ኤርናኸ ፤ኤራኸ አፊያ ቲኸርካ ሰቭነዳኸ እንእ ስንክር ይቭኩ ኤራኸ ቤኤናኸ ጭን ምሲያኸ እንእ ጠነቫ ኢኸር ። ³⁵ ባቴ ሰቭነዳኸ ጠነባ ባይኸሪ ተጤፕ ። ³⁶ አካ ሰቭነዳኸ እንእ ስርም ጠነቫ ታይረቭሩወ ስክርት በኸረ እንእ ኤኤዳሄ ስክርት ኢኸር ። ³⁷ ኢየሱስ ዝሬከ ባትሸከቨጋ አፈሪሳ ገኘ ምስ «ቲያቭ እማትሜ ኧዛፍ ንቭርአነ ባረ ሳአረን፤ኢየሱስቭ ገፓታ ኢቨርአይ ቸና ። ³⁸ ህም ኧፈሪሳ ገኘ ምስ ኢየሱስ ኧዛፍ ኢቨርአይ ብደይተ ኧጅኋ አንታኧቬ ወግ ኸረወ ። ³⁹ ጌታ ኢየሱስ ዋኸ ባረን«አሁዋ ኧፈሪሳ ሰቭ ትዎርኦኮዳዪ ትሰጭኮዳቭ ግቭር ከስኋ ቸኧሁም ፎርኋ ታኡዉዋ አሁም ህመኸ ዳኲድነድቪ ሙጥጥነድቭ ሜንአቨሁም። ⁴⁰ አሁዋ ጋዋ ሰቭ ኧፎር ሰቭነዳሁዋ ኧፈጠረ ጎይታ ኧከሲ ሰቭነዳሁዋ አንፈጠረዳ ? ⁴¹ ቢከርቭ ኧከሲ ሂናሁዋ ኧትጣወር ሃአ ግዚየ እንእ አአር ንጡሁ ኢህርነሁዋሴ ! ⁴² አሁዋ ኧፈሪሳ ሰቭ ግርዳሁዋ ታአቨሱድ ተጫኒየዪ ተቩችር ቡችር ኧጎር ብርኧ ታአስር አት ኧጅ ኧጎይታ ቲዉዋ ቢኸርቭ ጭን ቂየቭ አትፎርጁምቭ አትረጁምቭ ፤ዋዳ እንእ ትቲዉታ ቂትየ ኧፉርጅትቪ ኧረዎጅትብ ባነቨሁዋተ። ⁴³ አሁዋ ኣፈሪሳ ሰቭ አይሁድ ቢደሞጅኮዳ ቢድ ኢፍት ቲኢፍት በወሄ ቧርጩሟ ትቸኖዋይ ኢሽርሁዋ ። ⁴⁴ ኸጣ ኧፈሪሳ ስቭ ታይሂር በፎርኋ ያርወዳ ኧትደኧረ ሞገማትዎስሩዋይ ኧኸሬ ግርዳሁዋ»ባረኖም። ⁴⁵ ተቂጫ አስተማሪ አት ሁዳ አስተማሪዮ ዋኸ ኧዋርታኸ ኢና ኧቅሩዉትናኸሽ» ባረን ። ⁴⁶ ኢየሱስቭ ዘፐረ ዋኸ ባረን፤«አሁዋ ቂጫ ቲሂርታ ሰቭ ግርዳሁዋ ሰቭ ኢፌንግኲ አይኸነ ኢረኧዝካ ፉንግ ነሳሁም ታፌንጉዋ አሁዋ ገጋሁዋ ጭን ባጤያሁዋ አትረጉጂዳ ። ⁴⁷ v 47 አቦዋሁዋ ኦኦተሪዮዋ ኧነቢሁንዋይ ሞገማ ታቂማሙጩዋይ ኧኽሬ ግርዳሁዋ ። ⁴⁸ ባቴ ባአቦማሁዋይ ሜና ኧጉዣ ኧኸርሁዋኸ አሁዋ ገግማሁዋ ትሙሰኩሩዋ ሁኖዋ ኧነቢ ኡኖዋ ኦተሪዮም አሁዋ ሞገማሁኖዋ ቲጌኲሩዋ ። ⁴⁹ በህም ኧቫአ ኧጎይታ ሃሪነድ ዋኸ ይቭር «ኧሁኖዋ ነቢምቭ ኪሸረኘቭ ኧኬሽኬ ተሁኖም አታትሁኖዋ ዮኦትሪዮቴ ኧተነፉዋ ሁኖዋ ያትሳትጂዮቴ ⁵⁰ ዋ አፈር ተትፈጠረ ቆነሺታ ኧሮኦራ ነቢ ደቭ ተሆኧ ኢያቭ ዉረመኛ እቭሁዋ ታአቤሊ ደቭ ቆነሺታ ህትቭ ቢዪንኧኮዳ ኤኤዲቪ በቬተ መቅደስቭ ግት ኦኦተሪ ኧዘካሪያሲ ደቭ ፤ ⁵¹ ኧዎዋ ነቢ ደብ እንእ ኧዋ ዘቨር ሰቭ በፍርድ ቀረ ኢትሳአሪዴ ፤ ⁵² በህም ኧቫአ ኧጎይታ ሃሪነድ ዋኸ ይቭር «ኧሁኖዋ ነቢምቭ ኪሸረኘቭ ኧኬሽኬ ተሁኖም አታትሁኖዋ ዮኦትሪዮቴ ኧተነፉዋ ሁኖዋ ያትሳትጂዮቴ ዋ አፈር ተትፈጠረ ቆነሺታ ኧሮኦራ ነቢ ደቭ ተሆኧ ኢያቭ ዉረመኛ እቭሁዋ ታአቤሊ ደቭ ቆነሺታ ህትቭ ቢዪንኧኮዳ ኤኤዲቪ በቬተ መቅደስቭ ግት ኦኦተሪ ኧዘካሪያሲ ደቭ ፤ ኧዎዋ ነቢ ደብ እንእ ኧዋ ዘቨር ሰቭ በፍርድ ቀረ ኢትሳአሪዴ ፤ ^{54 53} ኢየሱስ እም ዘንጋ ኤኤደኖም ቲዋአካ ኧቂጫ አስተማሪሚ ኧፈሪሳ ሰቭ ኢትራኮሺመዪ ኖኦራ አአር ኢዝሬክኸ ኧጓጉጅት ቆነሺ ፤እመኸቭ ኤፖዉዋ ሁዳ ሁዳ በዝሬከን ዘንጋ ኢጠጪ ቲዩሩዋን