1 2 3 1 ኢየሱስ ሀኸ ባረ ተዝሬከ ቀጥወ ተተማሪሞኋ ቄድሮን ዩሪዳ እሃ ሀአ አጋድ ዎኦምታ በህሜ ኧረፐረ ኧጀጋር ብርኧ ኤኤዲ ጎፖም ።2 ኢየሱስ ተተማሪሞኋ ኖኦራ ግዚየ በሀይ ኢደሞጁዋ ኧረፐሬ ኧኸ፣ ኢኢየስሱስ አዋአ ኧራት አአይፐረን ይሁዳ ኤኤድኋይ ኢይሂርኩ ባነደ ። 3 ህምኸ ኧኸረሜ ዩሁዳ ወታደር፣ ኧካህናት አላቃዪ ኧፈሪሳ ሰቭ ኧኬሸዉየዋ ኪሸረኘቭ አሄተረታ ኧጀጋር ብርኧ ኢንኧኰዳ ኤኤዲ ማአ ፤ ሁኖም ጦድ ፋኖስቪ አአርቭ ግቭር ጦቦጩም ባነደ ። 4 5 4 ኢሱስቭ ኢሰርአወዳ ዘጋ እንእ ሀረ፤ ኧሁኖሜ ማአታ “ማን ትሱኡዋ?” ባረኖም ።5 ሁኖም “ኧናዝሬት ኢየሱስ ንሲእነ” ቧሪ።ሁድቭ “ኢያትንሁ”ባረኖም። አዋአቭ ያይፒርኩዳ ይሁዳቭ በህመኸ ተሁኖም ተሸከቨ ባንደ ። 6 7 6 ኢየሱስቭ ኢያትንሁ ቢይቭኮዋ ኢይኢኒየ ወርምታ ባአፈር ወተኡም ፥ 7 ኢየሱስ ሀአቨ”ማን ትሱኡዋ?”ባረ ተሳአረኖም ።ሁኖም “ኧናዝሬት ኢየሱስ ንሲእነ” ቧሪ።ኢየሱስቭ “ኢያትንሁ አባኩዋታ ኢያ ትሱኡዋ በኸረ ዋሁኖዋ ቶኡዮዋ ኧሆሩዋ”ባረኖም ። 8 9 9 እመኸቭ ኧኸረ “አባኛ አኸ ኢኢያ ታሄ ሰቭ እማትቭ አነኧኘቪዳ”ኧቫረን ቃርኋ ኧዉረ ይኸርኔን ። 10 11 10 ስሞን ጴጥሮስቭ ጎራዴኧ ጠበጠ ባነደ፤ሁድ ጎራዴኤኋ አዋአታ ኧሊቀ ካሕን ሁዳይ አሽክር ቀነ እዝርኋ አንጠ ቃሽን፤ አአሽክር ሁድሜ ሹው ማልኮስ ዩቩሪ ባንደ። 11 ኢየሱስ ጭን ኧጴጥሮስ”ጎራዴአኸ በቮናኸ ዣቭር ህርአኩ አቭ ኢያኢ አቬ ኧቨከራ ጥዋ አሰጭካ?”ባረን ። 12 13 14 12 ተህም ቀጥወ ወታደር ሁኖዋ ታአላቃመሁኖዋዪ ፣ተዩሁዳ ሰቪ አሽክር ኢኢየስሱስ ጦቦጩም አኮጂ ። 13 አወተረቭ ኧቀያፋይ አቫይኬ ኧሐናይ ዎሰጂ። ቀያፋቭ ኧዘቨርኋ ኧካህናት አላቃ ባንደ ።14 ቀያፋቭ “አት ምስ ኧሰቭ እንእ ቲቭር ቢዎድ ኢፈዝ” ቲቭር ኧዩሁዳ ገኘ ባሪቅ ኧቨከረኖዋ ሁዳ ባነደ። 15 16 15 ስምኦን ጴጥሮስቪ አትቭ ኧኛ ተማሪቭ ኧኢየሱስ ተሄተሪ ፥እም ተማሪ ኧካህናት አላቃ ሁነዋ ኢሂሪ ኧረፐሬ ኧኸሬ ኧሊቀ ካህን ሁኖዋይ ወረጀ ገፓ ።16 ጴጥሮስ ጭን ጆፎረ ተሸከቨ ፥ተሊቀ ካህን ሁኖዋ ኢትሄርካ ተማሪ ሁዳ ተዠፐረ ዋአታ ቦኡር ኡፎቻ ኧትሸከቨች ገረድ ሳአረናታ ፥ ኧጴጥሮስ ጠበጠ ከስር አጋድ አገፓን ጠበጠን ገፓ ። 17 18 17 ኦኡር ኡፎቻ ቲኢየካ ገረድ ሂዳ ኧጴጥሮስ “አኸ ተዋ ምሲ ተማሪ አት አኸርኸዳ?”ባረቸን ፥ሁድቭ ትቲንትታአር “አሀርኋ”ባረና።18 ግዝየኋ ዉርቀ ኧረፐሬ ኧኸሬ ሜነኘዪ አሽክርቭ ሁኖዋ ኧከሰል እሳድ አጣቦጩምታ ይዎእኮዋ ባነደ ፥ጴጥሮስቭ ተሁኖም ቸና እሳድ ኢዎእኩ ባነድ ። 19 20 21 19 ህም ግዝየ ሊቀ ካህን ሁዳ ኢኢየሱስ ኧተማሪሞኋዪ ኧትምርትሞኋ አአር ተሳአረን ። 20 ኢየሱስቭ ዋኸ ቲቭር ዠፐረነ “ኢያ ኧሰቭ እንእ ኧዉየሞኋ ዝሬከሁ፤ ኧዩሁዳ ሰቭ እንእ ቢደሞጅኮዳ ቢድ በቬተ መቅደስቭ እንእ ግዚየ አትመርሁ ባኸሬ ድኢተሁ አታአር አዝሬከኋ ።21 አኸ ኢኢያ ኧቭር ትትሳአሬ? ኢያ ኧሰምኦኝ ሁኖዋ ተሳአርኮዋ ኢያ ኧዝሬከሁን ቃር ሁኖዋ ኢይሂሩዋ”ባረን ። 22 23 24 22 ኢየሱስ ዋኸ ባረ ቲዝሬከ፥ በሀኸ ተትሸኮዉዋ አሽክር አትሁዳ ኧኢየሱስ “ኧሊቀ ካህን ኧተኸትን መልስ ትዠፕር ካሁዳ ?”ባረታ ወኽድኋ ኧፋን ።23 ኢየሱስቭ “ሙጥጥ አአር በዝሬከሁ አዉድ ኧዉረ አአር በዝሬከሁ ጭን ኧቭር ትደርጌ?”ባረን ።24 ሀናቭ ኧኢየሱስ ባአኮጂመኸ ኧሊቀ ካህን ኧቀያፋይ ኬሸን። 25 26 27 25 በህም ግዚየ ስምኦን ጴጥሮስ ተሸከቨ እሳድ ቲዎእኩዳ “ኧኛ ሰቭ አኽሁ ተኢየሱሲ ተማሪ አትሁዳ አኸ አኸርኽዳ?” ቧሪ ፥ሁድቭ “አኸርኋ” ባረ ኸታ ።26 ጴጥሮስ እንዝርኋ አንጠንምሲ ዶበኋ ኧኸርአአር ተሊቀ ካህኒ አሽክር አትሁዳ “ኢያ በጀጋር ብርኧ ኤኤዲ አኸ ተሁዳ አናሸከዳ ? ኤኤድይ ተሁዳ እማቲ አናሸከዳ?”ባረን።27 ጴጥሮስቭ ሀአቭቨ ኸታ፣ህመጋ ኩታራ ኖኧ ። 28 29 30 28 ተህም ቀጥወ አአይሁድ ሰቭ ኧኢየሱስ ተቀያፋይ አዎኦዪታ እእሮማ ገኘ ዳኜ ወረጀ ዎሰጂ ፤ግዚየመኋ ሱቢ እረርኧ ባነደ ፥ኧዩሁዳቭ ሰቭ ኧፋሲጋ ሸረድ ታይዎርኦዋ ባይሰርሁዋይ ቧርንታ ኧዳኘ ሁዳይ ኦኡር ከሲ አጎፖታ። 29 በህም ኧቫአ ዳኘ ጲላንጦስ ኧሁኖዋይ ዋአታ “ዋ ምስ ምር ኤፐባሁም ትኮስሺ” ባረ ተሳአረኖም ።30 ሁኖም “ዋ ምስ ሙጥጥ ታኔፐ አአኽ ኤኤተነ ባናአይፐርኔከዳ”ቧሪ። 31 32 31 ጲላንጦስቭ አሁዋ ገጋሁዋ ዉስቹም ኧቂጫሁዋኸ ፉርጅኵ”ባረኖም፥ኧዩሁዳ ሰቭ “ኢና በአትዎኋ ፎር ኧውድ ፍርድ ንፈርድኔ አይትቨቃንረዳ”ቧሪ ። 32 ዋመዳ ኧኸረሁዳ ኢየሱስ በቭር አይነት ሙድ ኢዎደኸ ኧዝሬከን ቃር ኧዉረ ይኸርኔን ። 33 34 35 33 ጲላንጦስ ወረጀኋይ ተዘፐረ ገፓ ኧኢየሱስ ኸናንታ “አኸ ኧዩሁዳ ንጕስንሄ?”ባረ ተሳአረን ።34 ኢየሱስቭ ዋኸ ኧዋርታኸ ተገግናኸዪ ዌ ኤኛ ሰቭ ኢኢያአር ኤኤደናኸታነዳን?”ባረን ። 35 ጲላንጦስቭ ዠፐረታ” ኢያ ኧዩሁዳ ስሰቭንዂ? አኽ ኢኢያ አዎዖም አአይፖርከ ኧገኘማኸ ሰቪ ፣ ኧካህናት አላቃኖዋ፤ ሁድሞኋ አአፋኽን ሁዳ ምርአፈድን ?”ባረን ። 36 37 36 ኢየሱስ ዠፐረታ “ኢያይ መንግስት ተዋ አለም መንግስት አኸረዳ፤ ኢያይ መንግስት ተዋ አለም ተኸረ ኧይሁዳ ሰቭ አይጠጭኝኸ ኢይትሄተርኝዳ ሁኖዋ ኢትዋጎኒ ባነደ ፥ዋአካ ጭን ኢያይ መንግስት ተዋ አለም እኸረዳ”ባረን ።37 ጲላጦስቭ “እህ ባቴ ንጕስንኸ ኧዋርትና!” ባረን ፥ኢየሱስቭ “ኢያንኩስ ኧኸርዀኸ አአውጅታኸ ውረምን፤ 38 39 40 38.ኧቴኤኘሁ ሁዳ፣ እእም አለኒ ኧቫአሁቭ ሁዳ ኧውረአአር ኢኢድኔ፤ኧውራአር ኢሲኢካ ሰቭ እንእ ኢረንዴ። ጲላጦስቭ፣«ውረአአር ኧዋርት ምር ኧዋርትን?» ሁድቭ ዋኸ ባረ ተዝሬከ ቅጥወ ሀአቨ ተዠፐረ አአይሁድ ሰቪ ወረታ ፥«ኢያ በኢየሱስ ኧፈርድዌ አት እፋድ ዳር አነከሁወዳ ፥ 39 ዘጋኋ ጭን በፋሲጋሙርአ አታት ሰቭ ኢፎጆኖኩዋይ አዎኔ ቂጫ አነነሁዋ፤ እምኸ ኧኸሬ አአይሁድ ንኩስ ኧፈዳነሁዋይ ትሱኡዋ? » 40 ሁኖዋ ጭን ፎር ቶፎር“ባአይ አኸረዳ በርባን ፍዳንረ ባኸሬ ሁዳ አትፍዳንረ!”ቧርሙታ አትኋኖም ፥ በርባን ጭን ሽፍጣ ባነደ።