1 2 3 1. ህም ግዝየ ጲላጦስ ኧኢየሱስ ወሰደ አድጌፈረን ።2. ወታደርቭ ኧሶህ ዘውድ አጣወርምታ በኢየሱስ በጉንኧርኋ ደፎነ፤ ብሻቭ ካባ አሆተሪ። 3. ኧሁድሜ ሞኦምታ ቲያኬሽኰ « ኧይሁዳ ንጉሶ ወገሬት አኸ ኧህር » ቲዩሩዋ ወኸድኋ ዮኦፌ ባነደ። 4 5 6 4. ጲላጦስቭ ሀአቨ ዋረጀ ዋአታ፣ ኧይሁዳ ሰቭ «ሱኦዋ አሁዋይ አቫአሁን ሁዳ ያትኬስስኩዳ እፋድ አነኮሁዋኸ ቲሂሩዋነኸ» ባረኖም። 5. ኢየሱስ ኧሶህ አክሊል ደፋታ ብሻ ሁጅር ተኸተረ ዋአ፤ ጲላጦስቭ «እኩ ምስ ሁዳ» ባረኖም። ኧካህን አላቃቪ ኧኛሞሁኖዋ ቢያዢ« ስእርኩ! ስእርኩ» ቧርም አትኋኖም።ጲላጦስ ጭን «አሁዋ ውስቹም ሱኡሪ፤ቢያኸ ኧቅጣት ያቨቃኩዳ እፋድ አነከሁወዳ» ባረኖም። 7 8 9 7. አአይሁድቭ ሰቭ ኢና ቂጫ አነንረ ገግኋ ኧጎይታ ትከ ኤፔ ኧኸሬ ኧቂቻንራኸ ኧውጅት አነወ» ቧርም። 8. ጲላጦስ ዋዳ ቢሰቭአ ቲኢፍት ኢረእ ፈኘ፤ 9. ተዠፐረ ከስር አጋድ ግገፓታ « ተኧትኔ ኧቫአኸ?» ባረ ተሳአረን፤ኢየሱስ ጭን አታአር አዠፐረነዳ። 10 11 10. ጲላጦስቭ ኧኢየሱስ አታዝራኬዳ?ኧኧትርኸመዪ ኧፈዳኸሜ ዳኝነድ አነኒኸ አትሂርካ?» ባረን። 11. ኢየሱስቭ ቶፈሬ ታንቴቨናኸ ቢያ ፎር ዳኝነድ ባነፐረነኸዳ፤እመኸ ኧኸሬ አአኸ አዋአ አኤፐሬ ሰቭ ኢረእካ ፍርድ አነወ« ባረን። 12 13 12. ተሀ ቀጥወ ጲላጥስ ኧኢየሱስ ኢፈዳኲ ሴኧ፤አአይሁድ ሰቭ ጭን« ዋ ምስ በፈታኸን ኧቄሳር ናማጂ አኸርኸዳ ፤ገግኋ ንኩስ ዬካ ሰቭ ኧቄሳር ጠራትን» ቧርም አትኋሮት ቆነሽሁም። 13. ጲላጦስ ዋ ኧዋሪ ሁዳ ቢሰቫ ኧኢየሱስ ወረጀ አዋአንታ«አኧዝራካ እቭር» ቢዩሪዳ ኤኤዲ በፍርድ ችሮት ቸና፤እም ኤኤዲ ባአረማይክ ቃር «ገበታ» ዩሪ። 14 15 16 14. ቀረሞኋ ኧፋሲጋ ሙርአአር ኢጌኪርኰዳ ቀረ ባነደ ፤ ወቅትሞኋ ስድስት ሳአት ኢኸርካ ግዝየ ባነደ። 15. ፒላጦስቭ ኧይሁዳ ሰቭ «ኡክ ንኩሳሁዋ» ባረኖም ። 15. ሁኖዋ ጭን፥ «አፍካኩ ! አፍካኩ! ስእርኩ ! » ቧርም አሆኖም ።ጲላጦስ « ንጉሳሁዋ ንስእርኲ?» ባረ።ኧካህን አላቃቭ «ተቄሳር ኧኛአር ንጉስ ኤነንረዳ» ቧርም ዦፖነ። 16. ተቀጥወሞኋ ጲላጦስ ኢሶኡሪ አዋአ አኤፐረኖም፤ ወታደርቭ ኧኢየሱስ ጠቦጩም ወሰጂ፤ 17 18 17. ኢየሱስ ኢሶኡርኰዳ መስቀር ፌነገታ«ኧጉንኧር አእቭ ዩሪዳ ኤኤዲ ወረ፤ እም ኤኤዲ በእብራይስጥ ቃር «ጎልጎታ »ዩሪ።18. በህሜ ሶኦሪ፤ተሁድ እማቲ አት ሁድ ተዋ እአጋድ ፣አት ሁዳ ተሀ አጋድ ኢየሱስቭ በግትሁኖዋ አጎፖም ሶኦሪዮም። 19 20 19. ጲላጦስቭ «ኧናዝሬት ኢየሱስ ኧይሁዳ ሰቭ ንጉስ ይካ ጥፈት ጣፈ ኢየሱስ በሶኦርኰ ኤኧ ፎር ሱኡሪ» ባረ ። 20. ኢየሱስ ኧትሰኧረወ ኤኤዲ ኧከተማ እናወ ኧረፐሬ ኧኸሬ ኖኦራ ኧይሁዳ ሰቭ ጥፈት ሁዳ አረቦቢ፤ ጥፈትሞኋ ኧጣᎉ ሁዳ በእብራይስጥ፣ በላቲንቪ በግሪክቭ ቃር ባነደ። 21 22 21. ኧይሁዳ ሰቪ ኧካህን አላቃቭ «ዋ ምስ ኧይሁዳ ሰቭ ንጉስንሁ ባረ > ባር ጣፍ ባሀሬ «አኸ <ኧይሁዳ ገኘ ንጉስን> ባይተኸ አአጣፍ፤ » ቧሪ። 22. ጲላጦስ ጭን ኧጣፍሁን ሁዳ አተጋ ጣፍሁ » ባረ ። 23 24 23. ወታደርቭ ሁኖዋ ኧኢየሱስ ተሶኦሪ ቀጥወ ሁጅርኋ ወሰጁምታ እንእዎሁኖዋ ኢሰርአኮኸ አርቭአቲ ሻኮጂ፤ ዴኪየ ቃምቢሳሞኋ ቦቾም፤ ቃምቢሳሞኋ አዴክኮም ኤፖዊያአር ባነደ።ወታደርቭ ሁኖዋ «ኧርጥ ነድግነታ ኧሰንአን ሰቭ ኧስርአኩ ባሀሬ አንተርትኔዳ » ተዌዌርም። እመዳ ኧኸረ ሁዳ ፣ « ሁጅርኛ ተሻኮጂ ፤ በዴኪየ ሁጅርመኛ ኧርጥ አተኰ » ይካ ኧመጣፍ ቃር ኧዋሪመኸ ኢኸኔ። ወታደርቭ ሁኖዋ ኤፖዊ እመዳምን ። 25 26 27 25. ኢየሱስ በሶኦርኰ መስቀር ምዬ አዶድሞኋዪ አአዶድሞኋይ አተም ፥ ኧቀሊዮጳይ ምሽት ማርያም ፣ኧመግደላ ማርያም ተሸከቭም ባነደ። 26. ኢየሱስ አዶድሞኋዪ ኢረንድኩ ኧረፐረ ተማሪኋ ኧቭየኋይ በትሸኮውዋይ አሽኖምታ ፥«አአዶድኋ አዶድኞ እኩ ኧቻሽ!» ባረና። 27. ኢየሱስ ኧተማሪኋ «ሁክ አዶዳኸ » ተህም ግዝየ ቀሰነሰታ ቢድኋይ ወሰደና። 28 29 30 28. ተህም ቀጥወ ኢየሱስ እንእአአር አነኧኸ ሀረታ ኧጎይታ ቃር ቢኢድካ መጣፍ ውረ ኢኸሪ «ጠማዪ» ባረ ።29. አቌ ኧቫረ ወይን ኧቬንአወ ግብር በሀይ አዎኖዪ ባነደ፤ በህም ኤኤዲ ኧሮፖሩዋ ሰቭ አቌ ኧቫረ ወይን ብእስፖጅ ጬፎምታ ሂሶጵ ቢዩሪንዳ ኤኤኧ አጥረተርምታ ኧኢየሱስ አንቃኋይ አቴኤነውነ ። 30. ኢየሱስ አንቌ ኧቫረ ወይን ተቀመሰ ቀጥወ «አነኧ» ባረታ መመርኋ ሰፐረታ ሞደ። 31 32 33 31. ተህም ቀጥወ ኧግርኋ ስቪቶ ተቨስቀር ያወቺ ኧጲላጦስ ሳአሪ፤እመኸ ኤኤፖውዋ ሁዳ ኧሰንበት ቀረ ያትኬሽካአር ቁጥ ቁጥ ኢንኧኰዳ ቀረ ኧረፐሬ ኧኸሬ ፣ህም ስምበት ኑእ ሙርአ ኧረፐሬ ኧኸሬ ፣ኧሶኦሪዮዋ ሰቭ በሰምበት ቀረ ኒሳሁኖዋ ቤኧ ፎር አይወኧረኸ ባነደ።በህም ኧቫአ ወታደር ዎርምታ ተኢየሱስ እማቲ በጉራሞኋዪ በቀነሞኋ ኧሶኦሪዮዋ ሰቭ በኘሁኖዋ ሶጵሪዮም። 33. ወትደር ሁኖዋ ኧኢየሱሲ ቢቴኤኖውዋ ጭን ሁዳ በተረ ኧዎደኸ አሾምታ በኘኋ አንሶፖሪዳ። 34 35 34. ዘንጋ ጭን ወታደር ሁኖዋ አት ሁዳ ኧኢየሱስ ኔቨኋ በጮኸ ወካን፤ ህም ተህም ደቭቪ እሀቭ ወደን። 35. እመዳ አሸ ምስ አሁዋ ታአውሩዋኸ ሄቶ ኤኤደ፤ኤኤደን ኧሄቶ ቃር ኧውረምን፤ሁዳ ኢዝሬኩዳ ሁዳ ውረ ኧኸረኸ ሁድቭ ኢሂር። 36 37 36. እመዳ ኧኸረ ሁዳ «ታእቭኋ አት ሁዳ ስን አይትሰፐርካ » ይካ ኧመጣፍ ቅዱስ ቃር ውረ ኢኸኔ። 37. ኧኛቭ ኧትንቢት መጣፍ « ኧዎኰዪ ሁኖዋ ያዢዴ» ይሪ ኧኸረንዴ። 38 39 38. ኧኢየሱሲ ተማሪ ኧረፐረ አአርማቲያስ ገኘ ዬስፍ ዩሪንዳ ምስ ኧይሁዳ ገኘ ሰቪ ዳኘ በፍረውት በዱኡራቸ ኧጲላጦሲ ወረታ፣ ኧኢየሱሲ ኒሳ ንታ ንሆር ባረ ሳአረን፤ ሁድ ጲላጦስ በፈቀደነጋ ማአታ ኧኢየሱሲ ኒሳ በታ ወረ።39. ኧዋ ኢፍቲ በኧዳር ኧኢየሱሲ ኧወረ ኒቆዲሞስቭ ተሁድ ወረ፤ሁድ ሳሳ አት ግራም ከርቤኤቪ ኧቁራቆሪ ቅባት ጠበጠታ ማአ። 40 41 42 40. ውርኤቸሞሁኖዋ ኧኢየሱሲ ኒሳ፥ቦቾም ዎርምታ ኧይሁዳ ሰቭ ኒሳ ኢኮፍኒመኸ ተቅባት እማቲ ታልባ ኧስር ቴፖዊ ቤዊ ጨርቅ ። 41. ኢየሱስ በሶኦርኰ ኤኤዲ ኧጀጋር ብርኧ ቢንኧኰዳ ኤኤዲ ባነደ፤ በህም ኧጀጋር ብርኧ ቢንኧኰዳ ኤኤዲ አትዎኋ አትዌኬወ ቀብር ባነደ። 42. ቀረሞኋ ኧሰበት ቀረ ያትኬሽካአር ኢጌኪርኰዳ ቀረ ኧረፐሬ ኧኸረመዪ፣ቀብርቭ ሁዳ እናወ ኤኤዲ ኧረፐሬ ኧኢየሱሲ ኒሳ በሄኤዲ ሞኬዊ።