1 2 1. ኢየሱስ ዋዳ በቫረ ቀጥወ ኢፍትኋ ኧሳቫዪ ኤፐ ቲያዥ « አባኞ ወቅትኋ ሰንአ ፤ትካኸ አኸ ያከብመኸ ፣አኸቭ ትካኸ አክብርኩ» ባረ ጠሎት ኤፐ። 2. ታከብርኩዳቭ ሁዳ ፣አኸን ሰቭ እንእ ኧዘላለም አያ ዬቪ በሰቭ ፎር እንእ ኧሾምኸኒ ኧኸረንዴ። 3 4 5 3. ኧዘላለም አያ ኧሁርት ኧዋርት ፣ ኧዎጣማኸ ኧታአመርኽ ጎይታ ኧኸርኸ አኸቪ ፣ኧኬሸኸን ኢየሱስ ክርስቶስቭ ኧኋርትን።4. አኸ ኤኲ አሄ ሜና ኤፐሁ ጀፐርሁታ በዋ አፈር አኸ አከበርከ። 5. ዋአካቭ አባኞ አፈር ተሳቫይ ታይፎጠሩዋ ታኸ እማቲ በረፐረኒ ክብር ባሄ አክብሬ። 6 7 8 6. አኸ ተዋ አለም ሸፐትኸ አቭሄ ሰቭ፥ አኸ ማን ኧኸርኸኸ አትሄርሁኖም፤ ሁኖም አሀአር ባነውተ ፤ ኢኢያቭ አቭሄ ሁኖዋ ቃራኸ እራውም። 7. አኸ ኢያ አቭሄ ሁዳ እንእ ታሄ ኧቫአኸ ሁኖዋ ወካ ኋርም። 8. አኸ ኢኢያ አአሄ ቃር ኧሁኖም አሁኖም፤ሁኖም ቴኤፖርም፤ኢያቭ ታሄ ኧቫአሆኸ አጬጉም ኋርም፤ ኢያቭ አኸ ኧኬሸሄኸ ሁኖም አሞርም። 9 10 11 9. ኢያቭ በጠሎት ኧሰኧኖታ ኧሁኖትን፤ ዋ አቭሄ ሰቭ አሀአር ኧሆሩዋይ ኧኸሬ ፣ ኧሁኖዋ ኧሰኧኖዋ ባሀሬ አአለም ሰቭ አንሰኧኖታ።10. ኢያአር ኧኸረ ሁዳ እንእ አኸትናአር፤ አኸቭአአር ኧኸረ ሁዳ እንእ ኢያትናአር፤ ኢያቭ በሁኖዋ ኧከብር። 11. ኢያ ተዋ ቀጥወ በዋ አለም አነቭርካ፤ ሁኖዋ ጭን በዋ አለም ኢረውሩቴ፤ ኢያ አሄ ኧቫአኴ፤ ቅዱስ አባኞ ኢያዪ አኸ እማት ኧኸነመኸ ሁኖም እማት ኢሆሩዋይ ኢኢያ ባሄ በሹዋኸ ደረግ ኧየኮዋ ። 12 13 14 12. ተሁኖዋ ታነሁ ኢኢያ ባንሄ ሹዋኸ እየሁኖም፤ ኢያ እየሁኖም፤ ዘንጋ ጭን ኧጣፈ ኧትንቢት ቃር ውረ ኧኸሬ ፣እእፋድ ትከ ባሀሬ ተሁኖዋ አት ሰቭ አነኧኘዳ ። 13. ዋአካ ኢያ አሄ ኧቫአኴ፤በዋ አለም ታነሁ ዋዳ እካ ሁዳ መትራርእኛ በሁኖዋ ኢኸኔ። 14. አኸ ኢያ አቭሄ ቃር ኤኤድሁኖም፤ኢያ ተዋ አለም ሰቭ አኸርሁመኸ ሁኖም ተዋ አልለም ሰቭ አሆሩዋይ ኧኸሬ ፣ኧዋ አለም ሰቭ ኧሁኖዋ ጠኖዮም። 15 16 17 15. አኸ ተውጥጥአአር ትእየኮይ ባሀሬ ፣ተዋ አለም ታዋአኮይ አንሰኧርኸዳ። 16. ኢያ ተዋ አለም ሰቭ አኸርሁመኸ ሁኖም ተዋ አለም ሰቭ አሆርታ።17. በውረቭ ቃራኸ አቭጥርኮዋ፤ ቃርማኸ ኧውረምን። 18 19 18. አኸ ኢያ ኧዋ አለሚ ኧኬሸሄመኸ ፥ ኢያቭ ኧሁኖዋ በዋ አለም እንእ ያሩዋይ ኬሸሁኖም።19. ሁኖዋ ኧውረ ሙጭር ኢሆሩዋይ ፣ኧሁኖዋ ትንር ኢያ ገግኛ ቀደስሁ ። 20 21 20. «በሁኖዋይ አጋድ ቢያ አአሞሩዋ ሁኖዋአር ኧሰኧርኸ ባሀሬ እማት ኧሁኖዋአር አንሰኧርኸዳ ።21. ኢያ ኧሰኧርኸዳ ሁዳ ሁኖዋ እማት ኢሆሩዋኔ፤አባኞ አኸ ቢያ ትረቭርመኸ ኢያቭ ባኸ ኧረቭርመኸ ሁኖም ቢያ ኢረውሩዋይ ኧሰኧርኸ ፤ በዋ አይነት አኸ ኢኢያ ኧኬሸሄኸ አአለም ኧዋ አለም ሰቭ ኢሂሩዋኔ ። 22 23 22 ኢና እማት ኧኸነመኸ ሁሞም እማት ኢሆሩዋይ ኢኢያ አሄ ክብር ኧሁኖም አኮዋ ።23. ኢያ በሁኖ፣ አኸቭ ቢያ ሂንተኸታ ፣ሁኖዋ አቸ አት ኢሆሩዋይ ኧሰኧርኸ ፤ ህመኸ አኸ ኢያ ኧኬሸሄመኸ ፤አኸቭ ኢኢያ ኧረመድሄያአህር፣ ኧሁኖም ኧረድኮኸ አአለም ሰቭ ኢሂሩዋኔ ። 24 24. አባኞ አለም ታይፈጠር ኧረመድኸዪ፣ አቭሄ ክብር ያዡዋይ፣ ዋ አኸ አቭሄ ሰቭ ኢያ ብንነቭርወዳ ኤኤዲ ቲያ እማቲ ኢረውሩዋይ ኧሲእ። 25 26 25. ጥርር አባኞ ኧዋ አለም ሰቭ አኸ አኋርከዳ ፤ ኢያ ጭን ኧሂርኸ፤እሞሁኖዋ አኸ ኧኬሸሄኸ ኢሂሩዋ ። 26. አኸ ኢኢያ ኧረመድሁወ ንመጀ በሁኖም ኢረቭረኸ ፣ኢያቭ በሁኖዋ ኧኸረኸ ፣ ሁኖዋ አኸ ኢሂሩዋኸ ኤፐሁ፤ ትእም ቀጥወ አኸ ኢሂሩዋኸ ኤኮቴ።»