1 2 1.እመዳ እንእ ኤኤድኩዋ ሁዳ እምነታሁዋ ባትቹኡዋይ ትንርን። 2. ኧጠሎት ቲድደሞጅኰዳ ቢድ ያዎኦኩዋቴ፤አአሁዋ ዮኦትርዋታ ሰቭ እንእ « ጎይታ ያጌኪርታአር ኢቨስርኮታ ቀረ ኢቫአኴ። 3 4 3. ዋዳ እንእ ዬውታ ሁዳ ኢያቪ አቭቭ አኋሩዋይ ኧኸረንዴ።4. አሁዋ ዋዳ ኤኤድኩዋ ሁዳ ጭን ወቅትኋ ቲሰርአካ ምር ኧቫኩዋኸ ትዘጉጁዋነኸ።» «ዋዳ ኧዋ ኢፍቲ አኔኤድኩዋ ሁዳ ታሁዋ እማቲ ኧረፐርሁዴ።» 5 6 7 5. «ዋአካ ጭን ኧኬሼ ሁዳይ አርኴ፤ዘንጋ ጭን ታሁዋ ግት ‹ኧቲ ታርኴ› ባረ ኧትሳአሬ ሰቭ ኤነዳ ። 6. ቢኸርቭ ዋዳ እንእ አሁዋ ኤኤድኩዋይ ኖኦራአር ተቨጠጥሁም። 7. ኢያ ጭን ኧውረመኛ ኢኢድሁዋ ፤ ኢያይ ኧሆርት አአሁዋ ወሄናሁዋ፤ኢያ ባምቦርሁ ያቁሟሙርሁዋታ መንፈስ ቅዱስ አሁዋይ አይቫአካ፤ኢያ በዎርሁ ጭን ሁዳ አሁዋይ ኧከሽነሁዋሴ። 8 9 10 11 8. ሁዳ ቲቫአካ ኧቫጢርአርቪ ኧጥርርነድቫአር፣ኧፍርድአር ኧሰቭ አጪግተ ኢኢድኴ።9. ኧቫጢራአር አጪግተ ኢኢድካ ሁዳ ሁኖዋ ቢያ አአሞሩዋይ ኧኸረንዴ።10. ኧጽቃአር አጬገ ኢኢድካ ሁዳ ኢያ አአቪ አሪ ኧኸሬ ፣አሁም ተዋ ቀጥወ ኢኢያ አታዥኚ ኧኸረንዴ፤11. ኧፍርዳአር አጬገ ኢኢድካ ሁዳ ፥ኧዋ አለም ዳኘ ሼታን <ኧትፈንደዌ> ኧኸረንዴ። 12 13 14 12. «ኢያ አሁዋ ኢኢድሁዋታ ኖኦራ ዘንጋ አነኒ፤ዘንጋ ጭን ዋአካ እንእዎሁኖዋ ትተጩዋይ አይኸነሁዋታ።13. ኧውረ መንፈስ ቲባአካ ጭን ኧውረ መያይ እንእ ያተሽሁዋሴ፤ ኧውረ መንፈስ ኢዝሬካ ሁዳ ኧሰምአንዳናአር ባሀሬ ተገግኋ አንኸሬ ኧኸሬ ፥ሁዳ በዋቴ ኢኸርካ ሁዳ ኢኢድሁዋቴ። 14. ቲያይ ሁዳ ወሰደ ኢኢድሁዋይ ኧኸሬ ኢያ ያከብሬዴ። 15 16 15. አአቫአር ኧኸረ ሁዳ እንእ ኢያትናአር፤<ኢያ ኧኸረ ሁዳ እንእ ውሽተታ አሁዋ ኢኢድሁዋቴ>ኧቫኩዋ ሁዳ ኧዋዳን ባረ።16. «ተቀሪ ቀረ ቀትወ አታዥኝዳ ፤ ሀአቨ ተቀሪ ቀረ ቀጥወ ታዥኝዴ»ባረ። 17 18 17. ተተማሪሞኋ አታትሁኖዋ « ዋ ተቀሪ ቀረ ቀትወ አታዥኝዳ ሀአቨ ‹ተቀሪ ቀረ ቀትወታዥኝዴ› ‹አትቭ አአቪ አርኬ › ይረንረዳ ሁዳ ምርአፈድን? ተዌዌርም። 18. «ዋ ‹ተቀሪ ቀረ ቀጥወ› ኧዋርትኋ ምር ኧዋርትነኋ ዋ ኢዝሬኩዳ ቃር ኢና አገፓንረዳ» ቧርም። 19 20 21 19. ሁኖዋ ኧዋ ዘንጋአር ኢትሳአሪ ኧሴኤውዋኸ ኢየሱስ ሀረታ ፥ አአታሁዋ መትሳአየ ትትሳአርታ ሁዳ«ተቀሪ ቀረ ቀጥወ አታዥኝዳ ፤ ሀአሁታ ተቀሪ ቀረ ቀጥወ ትዥኝዴ ኧቫኩዋቴዪ? 20. ኧውረአአር ኢኢድሁዋ አሁዋ ትዎሁቴ ፤ኧዋ አለም ሰቭ ጭን ኢሽርኮቴ፤አሁዋ ትትወጠጭቴ ፤ ምጥጣሁዋ ጭን በሳርት ኢትሽጋገርኴ።21. ምሽት ትቲኢኝካ ኧቨእ ግዝየሻ ኧሰንአይ ኧኸሬ ታታንእ፤ትከ ሁዳ በቴኤኘ ቀጥወ ጭን ትከ ኧረከቨቺ ኢሽርካ። 22 23 24 22. ህመኸ አሁዋ ዋአካ ታታኑኡቴ ፤ዘንጋ ጭን ኧውርኤተኘ አዥሁዋቴ፤ኧሳርትማሁዋ አትዎኋ አይቨዳሁዋታ። 23. «በህም ቀረ ቲያ አታአር አትሶኦርታ ኧውረመኛ ኢኢድሁዋ አቭ በሹውኛ በሳአርዂ እንእአአር ያሁዋሴ።24. ዋአካ ስን ብሹውኛ አታአር አሳአርሁዋታ፤ሳአሩዋ ትኮውዋሴ ኧሳርትማሁዋ ሙራአአር ኢህርሴ። 25 25. « ዋአካ ስን በሟሟካ ኤኤድኩም ፤ኢያ አአሁዋ በሟሟካ አኒኢድወ ወቅት ኢቫአኴ፤ሀ ግዝየ አአቫአር ኧውየሞኋ ኢኢድሁዋቴ። 26 27 28 26. በህም ቀረ በሽውኛ ትሳአሩዋሴ፤ < ኢያቭ አአሁዋ ትንር አአቭ ኧሳአርኩሴ> አንሁዋታ። 27. እመዳ ኧኸረ ሁዳ አቭ ገግኋ ኢረንድሁዋይ ኧኸረንዴ፤አቭ ኢረንድኋታ ሁዳ አሁዋ ኢኢያ ትረንጅኚ ኧኸረሜዪ ኢያብ ተጎይታይ ኧኻአሆኸ አአመርሁዋቴ።28. ኢያ ታአቪ ዋአሁታ ኧዋ አልለሚ ማአሁ፤ዋአካ ዋ አለም ቴእተሁታ አአቪ አርኴ» ባረኖም። 29 30 31 29. ተማሪሞኋ «ዋአካ በሟሟካ ታይኸር ኧውየሞኋ ዝሬኬንረ።30. አኸ እንእአአር ትሂርመኸዪ እማትቭ ሰቭ ኢትሳአርሄ አያትሲኧኸ ዋአካ ሀነ፤ ኧቫአኸቭ ተጎይታይ ኧቫአኸኸ ኢና ናአቭነ» ቧርም ።31. ኢየሱስቭ «ዋአካሁ አመርሁሚ ? 32 33 32. ቢድ ቢዳሁዋይ ትትውራጭኰዳቪ ኢያቭ ኧዎጣኛ ትቹኡኝዳ ወቅት ኢቫአኴ፤ ግዝየሞኋ ዋአካ ሰንአ ፤ ዘንጋ ጭን አቭ ቲያ ኧኸሬ ኧዎጣኛ አንኸርኋ።33. ኢያቭ ኧቫኩዋ ሁዳ ቢያ ሂንተሁዋ ሽኛት ተረሁዋነኸ ፤ በዋ አለም ታነሁዋ መከራ አነዎሁዋ፤ዘንግ ጭን አታታሩኡዋ፤ ኢያ ዋ አለም ኤመሁን»ባረኖም።