1 2 1 ኧዉረ ኧኸረ ኧዌይን ግንድ ኢያትንሁ ቻዋጅምኋ አባነኛ ።2 ቢያ አነዳ ቡስር አያፎይ አጤ እንእ አባኛ አንጠ ኢቃሽኩ ፥ቡስር ያበቨሰረካ አጤ እንእ ኢረእ ቡስር ያፎየኸ ኢቅረንጥስኩ ። 3 4 3 ቴኤድኩዋ ቃር ኧቫአ አሁዋ ዋአካ ሙጭርንሁዋ። 4 ቢያ ኑዎሩዋ ኢያቭ ባሁዋ ኧምበርሴ፥ አጤ በወይን ግንድ በኸረ ባኸሬ ኦጣኋ ቡስር ያፎዪ አይኸነመኸ ፥አሁም ቢያ ባነፐርሁዋይ ቡስር ታፎሩዋይ አይኸነሁዋታ። 5 6 7 5”ኧዌን ግንድ ኢያትንሁ ፥አሁም አጤንሁዋ ፥ ማንኢሞኋ ቢያ ቢረቭር ኢያቭ በሁዳ ብነቭር ሁዳ ኖኦራ ቡስር ያፎይ ፥ኢያ አይቫር ጭን አታአር ኦንኧት አይኸነሁዋታ። 6 ቢያ አይረቭር ሁዳ አንጩም ቃሸዊዮምታ ኢደሩእታ አጤነኸ እም አጤ ቁጥቁጥ ኤፖም ብእሳድ ኢዌክሪዮዋ ። 7 ቢያ ብትረውሩዋ ቃርመኛ ባሁዋ ቢረቭር ፥ ትሱኢዳ ማንየ ዘንጋ ሳአሩዋ ያኩዋሴ ። 8 9 8 ኖኦራ ቡስር ትታፎሩዋታ ኢያይ ተማሪ ኧሁርታሁዋ ብታቲሹዋ በዋዳ አቦኛ ኢከብር ።9 አብ ኢያ ኧረመዴኸ ኢያቭ አሁዋ ነመድኩም ፥ህመኸ ኧኸሬ በርመ ኑዎሩዋ ። 10 11 10 ኢያቭ አአቦኛ እዝዝ ቴኤዘዝሁ ኢንአመኸ በርማጀመኋ ኧረቭርመኸ አሁም እዝዝኛ ብቴኤዘዡዋ በርመጀኛ ትምቦሩዋሴ። 11 ኢያ ዋዳ ኤኤድኩዋ ቢያ አነዳ ኧሳርት ባሁዋ ኢረቭርመኸዪ ኧሳርትማሁዋ ሙርአ ይኸርነኸ ። 12 13 12 ኢያይ እዝዝ ኢያ አሁዋ ኧረመድኩዋኸ አሁም ገግ ተገጋሁዋ ትትራሞጁዋነኸ ።13 ሰቭ ነፕሲያኋ ኤኤተ አአቦጎዳኋ ኤኤቶ ታአይዉርት ኢይረእካ ኤኛ ንመጀ ኤነዳ ። 14 15 14 ኢኢዝዝሁዋታ ሁዳ ብቲንኦዋ አሁዋ ኢያይ ናማጂንሁዋ ። 15 ሜነኘ ያረቭርኩዳ ምስ ኢንአኩዳ አአር አይሂሪ ኧኸሬ አጀሁዋ ተዋቀጥወ ሜነኘ አንሁዋታ ፥ዘንጋኋ ጭን ተአቦኛ ኧሰምአሁን ሁዳ እንእ አሁዋ ኤኤድኩዋይ ኧኸሬ ናማጂኛ ባኩም። 16 17 16 ኢያ አሁዋ ሸፐትኩም ባኸሬ አሁዋ ኢያ አሸፐትሁኝዳ ፥ ታሩዋሜዪ ቡስርቭ ታፎዩዋይ ቡስርማሁዋ ኢረቭሪ ሸፐትኩም ፥በህም ኧቫአ አሁዋ በሹቩኛ ትሶኦሪዳ ሁዳ እንእ አቭ ያሁዋሴ ። 17 ኢያይ እዝዝ አሁምታሁም ትትራሞጁዋነኸ “ባረኖም ። 18 19 18 ዠፐረ ኢየሱስ ዋኸ ባረኖም “ኧዋ አለም ሰቭ ቢጠሮኩዋ ታሁዋ ኢፍቲ ኢያ ኧጠኖኘኸ ኋሩዋ ።19 አሁዋ አአለም ሰቭ ተኸርሁዋ፥ ኧዋ አለም ሰቭ ኧገግሁኖዋ አአር ኧሆሩዋ ሰቭ ኢረጁዋኸ ኢርዎጅኩዋ ባንደ ፥ታአለም ባይተርሁ አዋአኩዋይ ኧኸሬ አሁዋ ኧዋ አለም ሰቭ አኸርሁዋታ፤ኧዋ አለም ሰቭ ኢጠሮኩዋታ ሁዳ በሃ ኧቫአደ። 20 21 22 20 ሜነኘ ቲያረቭርኩዳ ምስ አይረእካ ባሁ ኧዝሬከኩዋ ዘንጋ ኧትዘገድሁዋ ፥ኢያ አትሳተጅኝ በኸረ፣ አሁም ያትሳትጅኩዋቴ፤ ኢያቭ ኤኤድሁኖዋ ቃር ብእራውዋ፥ አሁም ቲኢጂዮታ ቃር ዮኦሮዋሴ።21 ኧኬሼ ሁዳ አይሂሪ ኧኸሬ ቢያ ኧቫአ ዋዳ እንእ ዪንኦኮኩዋቴ ።22 ኢያ ሜኤተሁ ታኔኤድኩዋ ባጢር ባኸረዎታ፤ ዋአካ ጭን ኧቫጢርሁኖዋ ያፎድርኮዳአር ኤነኖታ። 23 24 25 23 ኢያ ኢጠራካ አአባመኛ ኢጠራ፥ 24 በግትሁኖዋ ኤኛ ሰቭ አኔፕን ሜና ባኒንአ ባጢር ባንኸረዎታ፤ ዋአካ ጭን ዋ ኤፐሁን ወግ ዘንጋ እንእ ባሸዉዋ ቀጥወ ጭን ኢያቭ አአባመኛ ጠኖንረ። 25 እመዳ ኧኸረ “እመኸ ጠኖኝ” ቧርሙ በቂጫሁኖዋ ኧጣᎉ ቃር ዉረ ይኸርኔ ። 26 27 26 ኢያ ተአቪ ኧኬሽኩዳ ታአቪ ኢዋአካ ያትፓፓካ ኧዉረ መንፈስ ቲቫአካ ፥ሁዳ ኢኢያአር ያአዉድኒሴ ።27 አሁም ተአወተረ ቀነስሁም ቲያ ኧረፐርሁዋይ ኧኸሬ ኢያአር ታአዉጅዋሴ ።