1 2 3 1. ሀአቨ ኢየሱስ «ሂናሁዋ አይጠነቅ በጎይታ ኧዎሩዋ ፤ ቢያቭ ኧዎሩዋ፤ባአባኛይ ቢድ ኖኦራ ኢረውርኰዳ ኤኤዲ አነ፤እሸኸ ታኸረ አሁዋ ኤኤድ ኧጌኪሪ አርኴ ባንባኩዋታ ።3. ሆይተሁ ኤኤድ በጌኬንድኩዋ ቀጥወ ኢያ ባነሁወዳ ኤኤዲ ቲያ እማቲ ትረውሩዋይ ተዣበይተሁ ሜኤተሁታ ኧወስትሁዋቴ። 4 5 6 7 4. ኢያ አርወዳ ኤኤዲ መያኋ አሁም ትሂሪ።5. ቶማስቭ ጌታንሮ አኸ ኧቲ ታረኸ ኢና አንሂነዳ፤ ባቴ መያኮኋ ኧተኸ ንሀኔሴ?» ባረን።6. ኢየሱስቭ « መያ ፣ ውረቪ አያቭ ኤካ ኢያትንሁ፤ ቢያይ አጋድ ባሀሬ አአቪ ኢቫአካአር አትዎኋ ኤነዳ።7. ኢያ ተሀርሁኝ አባመኛ ትኋሪ ባነደ። ተዋ ቀጥወ ጭን ትኋሪሴ» ባረኖም። 8 9 8. ፊልጶስቭ « «እማት አቭ አተሸንረታ ኢቃንረሴ» ባረን።9. ኢየሱስቭ « ፊልጶስ! ዋጣካ ቀረ ታሁም ትነቭር አትሂሬዳ?ኢያ አሸ ሰቭ አቭ አሸ፤ ባቴ አኸ ኧተኸ <አቭ አተሸንረ ትሬ>? 10 11 10. ኢያ ባአቭ አነሁመኸ፣ አቭ ቢያ አነኸ አታአውርታ? ኢያ አአሁዋ ኤኤድኩዋ ቃር ኧገግኛአር አኸረንዳ፤ዘንጋ ጭን ቢያ ኢረቭርካ አባኛ ፥ኧገግኋ ሜና ቢያ ኢንአ። 11. ኢያ ባአቭ አነሁመኸ፣ አቭ ቢያ አነኸ ኧወርኝ፤ ኧኛአር ቢደፋ ሜናኛ ኦዥሁም ኦወሩዋ። 12 13 14 12 ኧውረመኛ ኢኢድሁዋ ቢያ ያአቭርካ ሰቭ ፥ኢያ ኤካአር ሁድ ዬኴ ፤ኢያ አአቪ አሪ ኧኸሬ ትእም ኢረእካአር ዬኴ፤ 13. አቭ በትከኋይ አጋድ ኢከብረኸ አሁዋ በሹኛ ትሶኦሪዳ ሁዳ እንእ ኧንአኩሴ።14. ማንእያአአር በሹውኛ ብትሶኦሩዋ ኢያ ኧንአኩሴ። 15 16 17 15. ትረንጅኝ በኸረ ትዛዝኛ ኦሮዋ።16. ኢያቭ አአቭ ኧሳአርኩሴ፤ ሁድቭ ኧዘላለም ታሁዋ እማቲ ኢረቭርካ መካሪ ኢከሽነሁዋሴ። 17. እም መካሪ ኧውረ መንፈስን፤ ሁድ ኧዋ አለም ሰቭ አያዥኩቪ አይሂርኩቭ ኧኸሬ ኢቴኤፐርኲ አይኸነዳ፤ አሁዋ ጭን ሁዳ ታሁዋ እማቲ ኢረቭሪ ኧኸሬ፣በሂንማሁዋ ኧኸሬ ትሂሪ። 18 19 20 18. አቭ ታአዶድ ኤነኖዋ ዴንጋኸ ኧኦጣሁዋ አንችእሁዋታ ፤ አሁሜቭ ኧቫአኴ።19. ተቀሪ ቀረ ቀጥወ ኧዋ አለም ሰቭ አያዤዳ፤ አሁዋ ጭን ታዥኝዴ፤ አያ ሂንተሁ ኧረቭሪ ኧኸሬ አሁም አያ ሂንተሁዋ ትረውርቴ ።20. ኢያ ባአባኛ አንሁመኸ አሁም ቢያ አነሁዋመኸ ኢያቭ ባሁዋ አነሆኸ ሀ ቀረ ትሂርቴ። 21 22 21. « ኢያ ኢረንዴዳ ሰቭ ትዛዝኛ ቴኤፐረታ ኢቴኤፐርካ ሰቭን ፤ ኢያቭ ኧሁዳ ኧረድኩ፤ ገግመኛ ኧሁዳ አትሄርኩ።22. አአስቆሮንቱ ገኘ ይሁዳ ታይኸር ፣ኧኛ ይሁዳ ዩሪንዳ ምስ ኧኢየሱስ « ጌታ ጌታኞ ኧዋ አለም ሰቭ ታይኸር ኢኢና አኸ ገጋኸ ትትረከቨንረዳ ሁዳ ኧተኸትን? »ባረን። 23 24 23. «ኢየሱስቭ ኢረንዴዳ ሰቭ ቃርኛ ይእየ ፤አባመኛ ይረንድኩ፤ኢናቭ ኧሁዳይ ሜኤተነታ ተሁድ እማቲ ንረቭነዴ።24. ዋአካ ታሁዋ እማቲ ታነሁ ዋ ዘንጋ እንእ ኤኤድኩም፤ 25 26 27 26. አቭ ቢያ ሹው ኢኬሽኩዳ መንፈስ ቅዱስ ጭን እንእአአር ያትመርሁዋሴ፤ኢያቭ አሁዋ ኤኤድኩዋ ሁዳ እንእ ያዝግድሁዋሴ።27. ሽኛትቭ ኧችእነሁዋቴ፤ ሽኛትመኛ ኢሁዋቴ ፤ኢያ ኢሁዋታ ሽኛት አለም ኢሁዋታ ሽኛተሀአር አኸረንዳ ፤ሂናሁዋ አይጠረቅ አትፍረውም። 28 29 30 31 28. ዋአካ ኢያ አርኴ፤ ተዣቨይተሁ አሁዋይ ኧቫአኴ ፤> ትንካ ሰምአሁም ፤አባኛ ቲያ ኢርረኢ ኧኸሬ ፥ኢያ ኧረመድሁኛአር ተኸረ ፥ኢያ አአቪ በሆርትኛ ኢሳርሁዋ ባነደ።29. ዋዳ ቲኸርካ አሁዋ ታአውሩዋኸ በተርሁ ኤኤድኩም።30. ኧዋ አለም ዳኘ ኧኸረ ሼጣን ኢቫአይ ኧኸሬ ተዋ ቀጥወ ታሁዋ ኖኦራአር አንዝሬካ፤ ሁዳ ጭን ቢያ ፎር አታአር ዬቪ አይኸነዳ።31. ቢኸር ኢያ አአቭ ኧረንድኩመኸ ፣ በዋ አለም አነውታ ሰቭ ኢሂሩዋይ ፣ አቭ ኤኤዘዜያአር እንእ ኤኴ፤ተሾዋ ተዌኤዲ ንሆነ» ባረኖም።