¹ 1 ኧሰማትⶉ ክብር ባነንዳ በጌታንራ ብእየሱስ ክርስቶስ ታአቩሩዋይ ኧኸሬ ፤አአትሞኋ አታትቋቁዋ ። ² 2 ኧወርቅ ሻሸራ ኧኸንአዪ ያዙዎኝካቭ ሁጅር ኧትኸተረ ሰቭ አሁዋይ ቢቫአ ህመኸ አነኣቪ ጉስ ሁጅር ኧትኸተረ ዚጋ ምስ አሁዋ አነሁኮዳ ኤኤዲ ቢቫአ ። ^{3 4} 3 -4 ያዙዎኝካ ሁጅር ኧትኸተረ ሁዳ አጋጊዥተሁዋ እኩ አሄ ኤኤዲ ዋዳን በዋ ወሄ ቧርጩማ ቸራ ብቱሪ ዚጋ ሁዳ ጭን አኸ ሄኤዲ ተሰገቭ ዌ «ሄኤዲ ገዳይ ዉዪአ ቸራ» ብቱሪ ብእም ኧቫአ በሰቭ ግት ኧትቋቁትሻሁዋ አሃራ ? አትቭ ባትቋቁት ቱፎርጁዋኸ አትሂርታ ? ⁵ 5 ኧረድሁዋታ ኧሰማትኞ ሱዉኦዋ ፤ጎይታ ብእምነት ደንገኘ ኢሆሩዋመዪ ፤ኢረጂዳቭ ሁኖዋ ተስፋ አቨኖዋ መንግስት ኢቴኤፖሩዋይ በዋ አለም አኖዉታ ዚጋ ሰቭ አንሸፐተዳ?። ⁶ 6 አሁዋ ጭን ዚጋ ቱቆርጩዋ ፤አአሁዋ ያትጨንቁኩዋታ ሁኖዋ ደንገኘ ሁኖሽ አሆሩዋታ ? ኧርፍርድ ቢድ ኢትሸኮዉዋታ ሁኖሽ አሆሩዋታ ? ⁷ 7 አሁዋ ኧትኸናህኮ ኧከበረ ሹቭ ኢቆሩዉታ ሁኖሽ አሆርታ ? ⁸ 8 በመጣፍ «ናማጂያኸ ኧገጋኸኸ ኧንአ ንቨድ »ቧርምሙ ኧጣፊ ኧጎይታ መንግስት ቂጫ ፤ብእየሁዋ ወሄ አአር ቲንኦዋ ። ⁹ 9 በሰቭ ግት ብታትቋቁዋ ጭን ባጢር ቲንኦዋ ቂጫቭ ኧጣስሁዋሜ ትትቅንጩዋ ። ¹⁰ 10 ሰቭ ቂጫ እንእ እየታ አትሁዳ ቢያአፋ ቂጫ እንእ አአፋ አአረኸ ኢትቬዘር ። ¹¹ 11 «ተረከቭኸን እስቻ ሁጅር አትድምድ» ኧቫረ ጌታ ህመኸ ፤«አትእትርቭ»ባረ ብእም ኧቫአ ተረከቭኸና እሽቻ ሁጅር ባትደምድቭ በኧተርኸ ቂጫ ጣስኸ ። ¹² 12 ቃርማሁዋዪ ሜናማሁዋ በነጣነት ቂጫ ኢትፈንድወሁዋኸ በኋርት ኧህር ። ¹³ 13 እመኸ ኧኸሬ አፉ ኧቫረ ሰብ እንእ አፉት አይቫር ኢትፈንዱወ ቢኸርቭ አፉት ኧፍርድ ኢኢምኩ። ¹⁴ 14 ኧሰማትⶉ አት ሰቭ እምነት አነኒ ቢይቭር ወሄ ሜና ጭን ባይረቭርኩ ምር ኢንአነዴ ? ኧዋኸ አይነት እምነት ያተርፍኲ አይኸነዳ ። ¹⁵ 15 ኢዎርኧታቭ አአርቪ ኢሰጭታቭ አአር ኤነኖዋ ክርስቲያን ኧሰማትቪ ኧተማትቭ ቢረቩሩዋ ፤ ¹⁶ 16 ታሁዋ ግት አት ሰቭ ኧቭሲየሁኖዋ ያትሲእኮታ አአር ታዪቭኮዋ ቦጎሬት ሆሩዋ አይዠዥሁዋ ኡፎዉዋ ቢይቭኮዋ ምር ዪንአኖቴ ? ¹⁷ 17 ህመኸ ወሄ ሜና ኤኖወ እምነት ኧዎንደዳን አአር ። ¹⁸ 18 ዘንጋ ጭን አት ሰቭ «አኸ እምነት አነነኸ ፤ኢያ ሜና አነኒ »ቢይር እንዴ እምነታኸ ተቬና ባይትርቭ አተሼ ፤ኢያቭ « እምነትኛ በቬናኛ አተሽኸሴ ፤ኧቫኩሴ።» ¹⁹ 19 እማት ጎይታ አነኸ ትሂር ወሄን አአር ፤እሸዳ ሴጣንቭ ያአቩሩዋ በፈራድቭ ያረኧድኮዋ ። ²⁰ 20 አኸ ጋዋ ሰቭ ሜና ኤነወ እምነት አያጔኲር አአር ኧኸረኸ አትሂርካ ? ²¹ 21 አባንራ አብራሃም ትኮኋኢሳቅ ህትቭ ቢንኧኮዳ ኤኤዲ ኧጎይታ ህትቭ ኢኸሪ ባቴኤነቨንጋ በቬና አንፀደቀዳ? ²² 22 ብእመዳ አአብራሃሚ እምነት ተቬና እማቲ ኧረፐረመኸዪ ኧኦዎርትሞኋ በቬና ያቲሽ ኧረፐረኸ ኧዥ ። ²³ 23 በመጣፍ «አብራሃም በጎይታ አመረ ፤ኧኦዎርትሞኋ ፅድቅ ኸረ ተቬዘረነ » ኧዋሪ ኧመጣፍ ቃር ኸረ ።ሁድቭ ኧጎይታ ናማጂ ቧሪ ። ²⁴ 24 ብእመዳ ሰቭ እማት ቦኦዎርት ታይኸር በቬናቭ ኢፀድቀኸ ታዡዋ ። ²⁵ 25 እመኸቭ ተረከቨች ገማ ሁጅር ትደምድ ኧረፐረች እረአብ ዩዉሪያዳ ምሽት እእስራኤል ኪሸረኘ በቪድሻ ቴኤፐረችታ ቤኤኛ መያ ያሩዋኸ ኤፐቺ ሂድቭ በወሄ ሜናሻ ተነፈች [ፀደቀች]። ²⁶ 26 ተነፍስ ኧትቫይተረ በሰር ኧዎንደ አአር ኧኸረመኸ ህመኸ ሜና ኤነነ እምነት ኧዎንደዳን አአር ።