1 ኧጎይታቪ ኧጌታ ኢየሱስ አገልጋይ ኧኸረ ያዕቆብ በአለም እንእ ኧትቭራጨዉዋ አስረ ዉርኤቸ እእስራኤል ጥቭ ፤ወገሬት አሁዋ አህር ። ጅጓረቪ ፈተናቭ 2 ኧስማትኞ ኖኦራ ጅጓረ ቲስርአቨሁዋታ ኧገክር ኧሳርሁዋ ፤ 3 ብእምነታሁዋ ፈተና ቲሰርአቨሁዋታ ፤ፋራሂነዳሁዋ ቲደቭር ያረኸ ትሂሩዋ ። ^{4 5} 4 በፋራይሂነዳህዋ ትግስት ቲቭኧተዉ ኧትሶጎዉታሁዋ አታአር ታይቀቭርቨሁም ጥርርቪ ሙርአ አአር ትሆሩዋኸ ያቨቃሁዋታ አአር ኧህር ። 5 ታሁዋ ግት ማንኝእሞኋ ኧኋርት ባአነሰንአትሞኋ ታይቀርጥ በዋቢነድኋ እንእ ሜንአ ዪቭካ ጎይታ ኧሳአር ኧሁድቭ ያኩሴ ። ⁶ 6 ዘንጋኋ ጭን ታይጥራጠር ብእምነት ኧሳአር ኢጥራጠርካ ሰቭ ንፋስ ኢገፋኩዳቪ ኢገኧዝካቭ ኧቫር እሃ ኢቨስር ። ⁷ 7 ሃአ ሰቭ ተጎይታይ አታአር ኧረህቭኴ አይቫር ። ⁸ 8 እመዳ ኢኸርካ ሁዳ ዉርኤት አሳብ አነነመዪ በቨያሞኋ በዉርኤት አሾወ ኧኸረዴ። ⁹ 9 በዱኒያ ዚጋ ኧኸረ ኧሰም ጎይታ ያረእኲ ኧኸሬ ኧሳርኩ ። ¹⁰ 10 ኑኡ ዱኒያ አነነዳ ምስ ዱኒያኋ ቢቀቭር ኧሳርኩ እመኸቭ ኧሁርት አኖዳ ሁዳ ፤ ኣዋ አለም ዱኒያ ኧሳአር ማማኸ ኢትራገፍካ አአር ኧኸረዴ ። ¹¹ 11 ኡዋየቭ ዋአ ቲቬኪርኩዳ ሸቭረሬ ዬቭኩ ማማሞኋ ኢትራገፍ ፤ደቨርሞኋ የኧፋ እመኸቭ ደንገኘ ሰቭ በቬና ትርኩመ ቲቭር የኧይ። ¹² 12 ጎይታ ጉርዳ ኧገፓመኸ ኢረጂዳ ሁኖዋ ዪቭ ኮታ ኧሂዎት አክሊል ኢቴኤፖሩዋይ ኧኸሬ በፈተና ግዚየ ተፓ ኢትሸከቭካ ሰቭ ኧትዳረዳን አአር ፤ ¹³ 13 ጎይታ አአትዎኋ በዉጥጥ አአር አይፈትሪ ኧኸሬ ማንኝእ ሰቭ ፈተና ቲሰርአወዳ «ጎይታ ፈተረዪ» አይቫር ፤ ሁድቭ አትሞኋ አይፈትርካ ። ¹⁴ 14 ዘንጋ ጭን ሰቭ ኢትፈተርካ ሁዳ በገግኋይ ሙጥጥ ተመኛት ቴኤመ ኢትዎተቲ ኧኸረዴ። ¹⁵ 15 ተህም ቀጥወ ተመኛት በሰቭ ሂን በትጥቨሰሰ ቀጥወ ባጢር ኢኢኝ ባጢርቭ በትራኧ ቀጥወ ሙድ ኢኢኝ ። ¹⁶ 16 ኧረንድሁዋታ ኧሰማትኞ ባአታአር አትቆቁዋ ። ²² 22 ቃርኋ ኢዝሬኩዳ ሁዳ ኦንኦዋ ባኸሬ እማት ትሶዉኦታ አአር ሂንተሁዋ ገጋሁዋ አትቆቁዋ ። ²³ 23 ቃርኋ ሰምአታ በቬና አያዎኧር ሰቭ ኢፍትኋ በቭስታወድ ያዥካ ሰቭ ኢቨስር ። ²⁴ 24 ኣዋኸ ሰቭ ኢፍትኽኋ በቭስታወድ አሸታ ያር ፤ ቢኸርቭ ህመጋ ኢፍትዃ ምር ኡቨስረኸ ኢትረሳኩ። ²⁵ 25 ዘንጋኋ ጭን ነታ ያዋአኩዳ ኧቂጢየ ቂጫ አሸታ በሁዳ ኢትሸከቭካ ሰቭቪ ኧሰምአን ቃር ታይትረሳኩ በቬና ያዎኦርኩዳ ሰቭ በቬናኋ ኧትዳረ አአር ኢኸር ። ²⁶ 26 ባአነቨድኋ ታይጬፕ ኧጎይታ ኧሰግድ ይቭካ ሰቭ ኧገግኋ ኢቄቅ ሃይማኖትሞኋ ማንኝእምን አአር ፤ [አያጌኲርካን አአር ] ²⁷ 27 በጎይታ ኢፍቲ አዎር ኤኖወ ሐይማኖት ኧዋርት አቭ ታአዶድሁኖዋ ኧዎጅኮዋ ዴንጋቪ ገማመህና ኧዎጅኳ እሽቻ ባጀገረና አአር ኧኦጉዥትቪ ብእም አለም ታንዳ ሙጥጥ ሜና ኧትጦፑትን።