¹ ህመኸ ኧኸረሜ ታአወተራቸ ኧክርስቶስ አአር ኧቴቨ ትምርት ንቴእተነታ ኧኋርቲ ናአነ፤ተትብላሸ ሜና ንስሃ ኧጉዉኦት አአርቪብእግዜርቭ ኦኦዎርት አአር ሃአይተነ ኢኢኒየ ተዣቨይተነ ሆይተነ አንቅርስነ ፤ ² እመኸቭ ኧጥምቀት አአር ፥ኧጅ ኦዱጉት አአር ፥ኧዎጁዋ ሰቭ ኧተሸት አአርቪ ኧዘላለምቭ ፍርድ አአር ሃአይተነ ትምርት አንቅርስነ ። ³ እግዜር በፈቀደ ዋኸ ነንአነሴ። ⁴ ህመኸ ኧኸረሜ ታአወተራቸ ኧክርስቶስ አአር ኧቴቨ ትምርት ንቴእተነታ ኧኋርቲ ናአነ፤ተትብላሸ ሜና ንስሃ ኧጉዉኦት አአርቪብእግዜርቭ ኦኦዎርት አአር ሃአይተነ ኢኢኒየ ተዣቨይተነ ሆይተነ አንቅርስነ ፤ ⁵ እመኸቭ ኧጥምቀት አአር ፥ኧጅ ኦዱጉት አአር ፥ኧዎጁዋ ሰቭ ኧተሸት አአርቪ ኧዘላለምቭ ፍርድ አአር ሃአይተነ ትምርት አንቅርስነ ። ⁶ እግዜር በፈቀደ ዋኸ ነንአነሴ። ⁷ እንእ ግዚየ በፎርኋ ያድግካ ድየ ኢሰችካ ዪ ኢቹጂዳቭ ሰቭ ቡስር ዪካ አፈር ትእግዜሪ ደረት ኢረህቭ። ⁸ ዘንጋኋጭን ሶሁቪ ኢገቫቭ ያረቭአካ አፈር አትቭ ዋጋ ኤነነ አአር ኢኸርኬ ፤ኢትሰተዉወዳቭ ወቅት ሰንአ ፤ኢኢሞኋ ብእሳድ ኧንደጅትን። ⁹ ናማጂዮ ማንኝእ ዋኸ ባይተነ ብንዝሬክነቭ ተትረፉታሁዋ ኧትረሳ ተሃአ ኧትጣበጠ አአር ኑኡየ አአር አነነሁዋኸ ኢና ኒሂርነ ። ¹⁰ እግዜር አመጠኘ አኸረዳ ፤ሁዳ ሜናሁዋ እመኸቭ ኢኢፍትመዪ ኧህር ዋአካቭ በክርስቶስ አአሞሩዋ ሰቭ በኦጉዥትኧሹዉኋ ቱቱሩዋ አቴሸኊ ንመጀ አይትረሳኩዳ። ¹¹ ናማጂዮ ማንኝእ ዋኸ ባይተነ ብንዝሬክነቭ ተትረፉታሁዋ ኧትረሳ ተሃአ ኧትጣበጠ አአር ኑኡየ አአር አነነሁዋኸ ኢና ኒሂርነ ። ¹² እግዜር አመጠኘ አኸረዳ ፤ሁዳ ሜናሁዋ እመኸቭ ኢኢፍትመዪ ኧህር ዋአካቭ በክርስቶስ አአሞሩዋ ሰቭ በኦጉዥትኧሹዉኋ ቱቱሩዋ አቴሸኊ ንመጀ አይትረሳኩዳ። ¹³ እግዜር አአብራሃም ተስፋ አቨን ግዚየ ኢይወዳ አአር ተሁዳ ኢረእካ አአር ኤኛ አአር አነፐሬ ኧኸሬ ፤በገግኋ ተኘ ፤ ¹⁴ ዋመኸ ባረ«ኧዉረ ኧባርክኸዴ ዘርማኸ አደብስኩዴ።» ¹⁵ አብራሃምቭ ፈነኸ ብእየ ቀጥወ ኧቴቨን ተስፋ ነከቨ ። ¹⁶ ሰቭ እንእ ተገግኋ ቢረእካ አአር ኢተይ ዘንጋሞሁኖዋ በተየ ያጪጉምታ በግትሁኖዋ አትረሳ ክርክር እንእ ኢትሸከቭ ። ¹⁷ እመኸቭ እግዜር በሂንኋይ አንዳ ኤቭነሁዋቴ ኧዋረኖዋ ኧተስፋ ቃር ኢዎርሽታ ሁኖዋ ያቲኢምርኮዋይ በተየ አጬገኖም ። ¹⁸ እግዜር ስርም ኤነ አአር አዪኢድካ ፤ሁዳ በዉርኤት ባይትሸጎሩዋ ዘንጋ ቢኢፍትንራይ አንዳ ተስፋ ንጠጥኔ ኧሁዳይ ኤፐነ ኧሴከነ ኢና ኑእ ኧትቁሟሞርት ንረህቭነኸ ኤፐ። ¹⁹ ኢናቭ መርከብ ንፋስ ባይረሳኪአይቅረቅረኸ ያአጉጅኮዳ መሐልቅ ዩሪዳ ሁዳኸ አይቅረቅር ተስፋ አነንረ ፤እም ተስፋ ተመዘኔት ሁዳ ሃአ አጋድ አንዳ ኧክከስሪ መቅደሲ ኢጋአ። ²⁰ እም ኤኤዲ ኢየሱስ ኢና ቲቭር በተረ ኧገፓወ ኤኤድን። ሁድብ ኧመልከ ፀዴቂ ሹመቲ ሁዳኸ ኧዘላለም ዋና ካህን ኸረ።