¹ ተሁኖዋ በትቫይተርነ ቀጥወ በመርከብ ገፓነታ ቆስ ወርነ በቭርብጋሞኋ ሩድ ፥ተህም ቀጥወ ጳጥራ ኤፐነ ወርነ ። ² በህሜ ፊንቄ ኤፐ ያርካ መርከብ ነከቭነታ ተሳፈርነታ መያንራ ቀነስነ። ³ ቆጵሮስቭ ባሸኔጋ ጉራ ኤፐነ ቼኧነዪታ ተቀና አጋድኋ ሶርያ ገኘ ኤፐነ ወርነ ፤ኧመርከብንራ ጨረት በጢሮስ ናወትኔዳ አአር ኧረፐሬ ኧኸሬ በሃይ ወንድነ ። በህሜ በክርስቶስ አአሞርሙ ሰቭ ነከቭነታ ሳቭአት ቀረ ተሁኖም እማቲ ቸናነ ። ⁴ ሁኖም በመንፈስ ቅዱስ ተቬንኦምታ ኧጳዉሎስ እየሩሳሌም አትሆር ቧርሙ ኤኤጂ። ⁵ በህሜ ንቸናኔኮዳ ግዚየ ባነኧ ቀጥወ መያንራ ኧሆርት ቀነስነ ፤በክርስቶስቭ አአሞሩዋ ሰቭ ሁኖኦዋ ትእሽቻሞሁኖዋዪ ተዴጋሞሁዋ እማቲ ኧክክተማሁዳይ ሰቻ አጋድ ስን ጔኴጅንረ፤በቫርብ ሁዳ ምዬበጉርውወድንራ ወካነታጠትት ኤፐነ ። ⁶ ተስራፐኔዮም ቀጥወ ኢና ኧመርከብ ሁዳይ ገፓነ ፤ሁኖም ቢድሁኖዋይ ተዥፖርሙ ⁵ በህሜ ንቸናኔኮዳ ግዚየ ባነኧ ቀጥወ መያንራ ኧሆርት ቀነስነ ፤በክርስቶስቭ አአሞሩዋ ሰቭ ሁኖኦዋ ትእሽቻሞሁኖዋዪ ተዴጋሞሁዋ እማቲ ኧክክተማሁዳይ ሰቻ አጋድ ስን ጔኴጅንረ፤በቫርብ ሁዳ ምዬበጉርውወድንራ ወካነታጠትት ኤፐነ ። ተስራፐኔዮም ቀጥወ ኢና ኧመርከብ ሁዳይ ገፓነ ፤ሁኖም ቢድሁኖዋይ ተዥፖርሙ ⁷ ተጢሮስ ተረሳነ መያንራ ቀነስነታ ተመርከብ ወንድነ በክርስቶስ አአሞሩዋ ኧሰማት ወጌም ባርነታ አአት ቀረ ተሁኖም ኤከስነ ። ⁸ በቭረጋሞኋ ተሃይ ተረሳነ ፤ቂሳርያ ሰንአነታ፤ተሳቭአቸ ወንጌላዊ ባአት በፊጶስ ሁዳይ ቢድ አፎኘነ ። ⁹ ኧሁድቭ ትንቢት ኢዝሬካታ አርቭአት ምስ አንሰንአቫ ዘየ ግርኤድ ባነነደ። ¹⁰ በህሜ ኖኦራ ቀረ ተቸናነ ቀጥወ አት አጋቦስ ዩሪዳ ነቢ ተይሁዳ ገኘ ሃይ ወንደ ። ¹¹ ኢናሜ ማአታ ኧጳዉሎሲ ወንዘቭኋ ኢታአከድወዳ ሁዳ በታ፤ኧገግኋይ ኧጅቪኧግርሞኋ አከደታ«መንፈስ ቅዱስ ብእየሩሳሌም አኖዉታ ኧይሁዳ ሰቭ ኧዋ ወንዘቭ ያአጉጅኮዳ ሁዳይ አቦ ዋኸ ኧኝኧተዉ ኧግጅተዉዋታ አአረማዊ ሰቭ ኤኤተዉ ያአይፑሪዴ> ይቭር » ባረ ። ¹² እም ዘንጋ በሰምአነጋ ኢናዪ በህሜ አነዉታ ሁኖዋ እማትሜ ኧጳዉሎስ እየሩሳሌም አያረኸ ሳአርነዪ። ¹³ ጳዉሎስ ጭን «ኧቭር ዋኸ ቤከሁም ሂንኛ ታትጨንቅኮኝ?ኢያ ኧታአጎጅት ቶኡይታ ኧጎይታ ኢየሱስ ሹቭ ትንቭር ብእየሩሳሌም ኧዎንድሜ በኸረ አንጥሁወ »ባረኖም። ¹⁴ ኢናቭ ምክርንራ አንቴኤፐርካ ቲቭረንረዳ፤«አካ እእግዜር ፍቃድ ኧህር ባርነ» ቸኧነዪ ። ¹⁵ ተህም ቀጥወ እንእ አአርንራ ቁጥቁጥ ባርነታ እየሩሳሌም ወርነ ። ¹⁶ በቂሳርያቭ ተረፖሩዋ በክርትቶስ ታአሞሩዋ ሁኖዋ አታትሁንዋ ፤ኧምናሶኒ ቢድ ጠቦጭንረ ዎርሙ ኢናቭ በሃይ ቸ።ምናሶንቭ ኧቆጵሮስ ገኘ ሰቭ ኸረታ፤ በአወተራቸ በክርስቶስ ታአሞሩዋ ሰብ አት ባንደ ። ¹⁷ እየሩሳሌም በሰንአነ ቀጥወ በክርስቶስ አአሞሩዋ ኧሰማት ሳረኖምታ ቴኤፖርንረ ። ¹⁸ በቭረጋሞኋ ጳዉሎስቪ ኤኛመንራ ያእቆብ ናዥኔ ወርነ፤ኧቤተ ክርስቲያን ባሪቅቭ ሁኖዋ እንእቨሁኖዋ በህመኸ ባነዉተ ። ¹⁹ ጳዉሎስቭ ወጌም ተቫረኖዋ ቀጥወ ፤እግዜር በሁዳይ አገልግሎት ኸረታ ባአረማዊ ሰቭ ግትኤፐን ሁዳ እንእ እማት እማት ኤኤደኖም ። ²⁰ ሁኖም ዋ ዘንጋ በሰምኦዋ ቀጥወ እእግዜር ሽኩርት አቴኤነዉምታ፤ዋኸ ቧሪ«ኧሰምንሮ ኧዥ ኖኦራ ሙዝር አነኖታ ኧይሁዳ ሰቭ አአሞሩዋኸ ኧዥ፤እንእቭሁኖዋ ኣሙሴዪ ቂጫ አአር ኢትጨኖቁታኖዋ[ኢቆኖታኖዋ ] አአር። ²¹ በአረማዊ ሰቭ ግት ኢረዉርታ አይሁድ ሙሴ ኢቹእዋኸዪ ዴንጋሞሁኖዋ ዘገር አያጎኦዋመኸ ፤ተድረቭ ቆነሺታ ኧርወሸኔመኸ አይረዉሩዋኸ ታትመረኸ አኸ አአር ኤኤጂዮም ። ²² ዋአካቭ ኦኦታኸ ታይሰቭኦዋ አይቹኢዳ እህ ባቴ ምር ኢፈዘንረ ? ²³ ህመኸ ኧኸረሜ ንቭርኔከዳ ሁዳ ኧንአ ። ስለት አነዎታ አአር አርቭአት ሰቭ ኢናይ አነዉዋ ፤ ²⁴ ዋ ሰቭ ጥጥታ ተሁኖም እማቲ ኢቬጥርኮዳ ቂጫ ጃቭር ፤ኧሁኖም ጉንኧርሁኖዋ ኢትሮኡኴ ኢኮሺዳ ፈራክ ካስኖዋ ህም ግዚየ አኸ አአር ኤኤጂዮዋ ሰቭ እንእ፤ አኸ አአር ኤኤጂዮዋ ሁዳ እንእ ዋራይ ኧኸረመኸዪ አኸቭ ገጋኸ ቂጫ ሁዳ ኢየኸ ትረቭረካ አአር ኧኸርኸኸ ኢኋሩዋሴ። ²⁵ አ ²⁵ በክርስቶስ አአሞሩዋ አአረማዊ ሰቭ አአር ጭን ፤ ኧቅርኘ ቧርሙ ህትቭ ኤፐዊ ሽረድ፥ደቭቪ፥አኖቂታ በከተታ ኧወንደ ዋጋ በሰር አይዎርኦዋኸ እመኸቭ ተረኮዊ ሰቭ ሁጅር ተድሙጅት ገግሁኖዋ ኢኡሮዋኸ አትቫታነታ ጣፍኔኖም»። ²⁶ ጳዉሎስቭ በቭረጋኋ ሰቭ ሁኖዋ ጠበጠታ ወረ ፤ተሁኖም እማቲ ያቬጥርኮዳ ቂጫ ጀፐረ ።ተህም ቀጥወ ያቬጥርኮዳ ቂጫ ሁዳ መቸ ያርእመኸዪ ፤እመኸቭ ኦጣ ኦጣሁኖዋመይ ፈቸድ ምር ምር ቀረ ኢቴኤነቭመኸ ያትሄሪ ቤተ መቅደስ ገፓ። ²⁵ በክርስቶስ አአሞሩዋ አአረማዊ ሰቭ አአር ጭን ፤ ኧቅርኘ ቧርሙ ህትቭ ኤፐዊ ሽረድ፥ደቭቪ፥አኖቂታ በከተታ ኧወንደ ዋጋ በሰር አይዎርኦዋኸ እመኸቭ ተረኮዊ ሰቭ ሁጅር ተድሙጅት ገግሁኖዋ ኢኡሮዋኸ አትቫታነታ ጣፍኔኖም»። ጳዉሎስቭ በቭረጋኋ ሰቭ ሁኖዋ ጠበጠታ ወረ ፤ተሁኖም እማቲ ያቬጥርኮዳ ቂጫ ጀፐረ ።ተህም ቀጥወ ያቬጥርኮዳ ቂጫ ሁዳ መቸ ያርእመኸዪ ፤እመኸቭ ኦጣ ኦጣሁኖዋመይ ፈቸድ ምር ምር ቀረ ኢቴኤነቭመኸ ያትሄሪ ቤተ መቅደስ ገፓ። ²⁷ ሳቭአቸ ቀረቭ ያርኢ ማአ ቲሰርአካ ትእስያ ገኘ ኦዎኦዋ አይሁድ ኧጳዉሎስ በቤተ መቅደስ ቢያዢ ኧሰቭ እንእ ንሳሾሙታ ጠቦጪታ ፤ ²⁸ «እእስራኤል ሰቮ ኦጉዥንረ በወረወ ኤኤዲ እንእ ሰቭመንራዪ ቂጫመንራ ባጭ ባጭ ቲዪንአ ያትመርካ ምስ ዋዳን ፤ተሁድቭ ቦፎረ ኢጎዋይ ኦሆንኦዮዋ ኧግሪክ ሰቭ ተተ መቅደስ አገፓታ ዋ ኧትቀደሰ ኤኤዲ ያሰንህካ ዋ ምስን።» ቧርሙ ኮ ቧርሙ። ²⁹ እመኸቭ ኧዋሩዋ ሁዳ ኧሃአ ኢፍቲ ኧኤፌሶን ምስ ጥሮፊሞስ ተጳዉሎስ እማትሜ በከተማኋ ከስ አሽዊ ኧኸሬ ጳዉሎስ ሁድቭ ተህም ጠበጠን ቤተ መቅደስ ኧገፓ አአር ኧቨሰረኖቴ። ³⁰ ከተማሞኋ እንእ ቃሽቃሽ ባረ ፤ሰቭ እንእ ትእን አጋድ ቲትራዉእ ማአ፤ ኧጳዉሎስቭ ጠቦጩም ቲሾዉዋ ተቤተ መቅደስ ወረጀ አዎኦዪታ ህመጋ ሳቃቭሁኖዋ ኤኧዉዮም። ³¹ ዮኦትሪሜ ቢሱኡዋ እእየሩሳሌም ከተማ አቸ ቃሽቃሽ ባረ ፤ዋራይሞኋ እእሮማ ኧወታደር አላቃ ሰንአን፤ ³² ሁድቭ ህመጋ ወታደርሞኋዪ ኑእኑእ ዳኘቭሁኖዋ ጠበጠታ ቲትራዉእ ኧሁኖዋይ ወረ ፤ሁኖም ዋ ኑእኑእ ዳኘዪ ወታደርቭ ሁኖዋ ቢያዡዋ ኧጳዉሎስ ኧድርጉት ቸኧውይ። ³³ እም እም ጋዘኘ ያአዝዝካ ምስ ኧጳዉሎስ ማአ ጠበንታ፤ በዉርኤት ሰንሰንነድቭ ኦጉጂ ባረ ኤዘዘ ፤ ተህም ቀጥወ ማን ኧከረኸዪ ምርቭ ኤፐኸ ተሳአረ። ³² ሁድቭ ህመጋ ወታደርሞኋዪ ኑእኑእ ዳኘቭሁኖዋ ጠበጠታ ቲትራዉእ ኧሁኖዋይ ወረ ፤ሁኖም ዋ ኑእኑእ ዳኘዪ ወታደርቭ ሁኖዋ ቢያዡዋ ኧጳዉሎስ ኧድርጉት ቸኧውይ። እም እም ጋዘኘ ያአዝዝካ ምስ ኧጳዉሎስ ማአ ጠበንታ፤ በዉርኤት ሰንሰንነድቭ ኦጉጂ ባረ ኤዘዘ ፤ ተህም ቀጥወ ማን ኧከረኸዪ ምርቭ ኤፐኸ ተሳአረ። ³⁴ ሰቭቭ ሁኖዋ ግትሁኖዋ አት አአር ቲዝረጉታ ግትሁኖዋ ኤኛ አአር ኢዝረኩዋ ባንደ፤ቡሼኧኸቭ ያሆሮዋይ ኧረፐሬ ኧኸሬ አታአአር ኢሰቭአይ አኸረነዳ፤ህመኸቭ ኧኸረሜ ኧጳዉሎስ ኢትዋኮኮዳ ኤኤዲ ዉስጂ ባረ ኤዘዘ። ³⁵ ሰቭ ሁኖዋ ቡሼኧኸ ቃሽቃሽ ኧዋሩዋይ ኧኸሬ ጳዉሎስ ኢዎኦኮዳ ደረጃይ ማአ ቲሰርአካ ንሸተዉ ባፌነጒ ኢዎኦዋኸ ኧዎኮሩዋይ ኧኸሬ ኧጳዉሎስ ነሾሙ ፌነጒ ። ³⁶ ቲኢሜ አሄተረ ሰቭ እንእ «እትርኩ!»ቲዉሩዋ ያሆሮዋ ባንደ። ³⁷ ወታደርቭ ሁኖዋ ኢትዋኮኮዳ ኤእኤዲ ጥጭተዊ ያሩዋይ ቲትረሸታቭ ጳዉሎስ ጋዝ ያአዝዝካ ምስ ሁዳ «እማት ዘንጋ ኧዝሬክሄ ፍቅድኒ» ባረን።ጋዝቭ ያአዝዝካቭ ምስ ሁዳ«ኧግሪክ ቃር ቲሂሪ? ³⁸ አኸ ኧዋ ኢፍቲ ቃሽቃሽት ነሳኸታ አርቭአት ሁቭ ሰቭ ነብስ አአፎዋ ሰቭ በረሃ ኧኝኧተዉዋ ኢሾፉጩዋኸ ኤፐኸ ኧግብፅ ገኘ ሰቭ አኸ አኸርኸዳ ? » ³⁹ ጳዉሎስቭ፤«በኪልቂያ ገኘ ባንዳ በትሄረ በጠርሴስ ከተማ ኧረቭርካ ኧይሁዳ ሰቭንሁ፤ኧሰቭኋ ኧዝሬኪ ፍቅድኒ »ባረን። ⁴⁰ ጳዉሎስቭ ጋዝ ያዝዝካ ምስ ሁዳ ኢዝሬኪ በሳአረን ቀጥወ በደረጃ ሁዳ ፎርብ ተሸከቨታ ኧሰቭ ሁኖዋ ባጤኋ ስቭውዋ ባረ ቋቆሰኖም፤እንእቨኋ ቁስ ተቫረ ቀጥወ ፤ብእብራይስጥ ሰቭ አፉ ዋኸ ባረ፤