1 2 በይሁዳ ገኘ አነውታ ክርስቲያን ያትዋኡዌዳ ዋጋአር ኢያ ኧጠፍነሁዋይ አያትሲእካ።2. እመዳቭ እካ ሁዳ ኧሰቭ ታአጉዡዋይ ኢሽርሁዋኸ ኧሂሪ ኧኸርረዴ፤ ቴኤቭራ ቆነሺታ አሁዋ ባአካይያ ትረውርታ ክርስቲያን ፣ኧሰቭ ታአጉዣዋይ ኢሽርሁዋኸ በቨቄዶኒያ ኢረዋርታ ሰቭ አንቃኛ ሜንአሁ ዝሬኬሁ፤ ወሄነድማሁዋ ኖኦራ ሰቭ ኦሄ ሜና ኢትርሳሳኸ ኤፐ። 3 4 5 3. ባቴ በዋ ዘንጋ ባሁዋ አነንረዳ ኧትእዋወርት ብላሽ አይኸረኸ አሁዋ ዘንጋ በተርሁ ኧሬኬሁመኸ ተቋጤተሁዋ ቱኡሮዮዋኸ በተርሁ ክርስቲያን ኧሰማትንራ ኬሸሁ። 4. ኧሜቄዶኒያ ሰቭ ቲያ ሜኤተውዋታ በድዛገግሁዋይ ቢያዡዋ እማት አሁዋ ታትሆርም ኢናቭ ባሁዋ ኖኦራአር በትእዋወርትንራ ንትቀንጥነዴ።5. እመኸ ኧኸሬ ኒቭነዴ ባሁም ኧዝሬኬዂ ሁዳ ብደይተሁዋ ካሽተሁዋ ትጀፑሩዋኸ፣ያዘጉጅኩዋይ ዋ ኧሰማትንራ ቲያ ኢፍቲ አሁዋይ ኢዎኦዋኸ ወሄያአር መሰረ ተረከቭዪ፤ባቴ በዋቢነድ ቲዋይ አቻመጥዂ ሁዳ ባንሳርት ታይኸር በሳርት አሁዋኸ ያቲሽ። 6 7 6. እንስያአር ኧዘንአ ሰቭ እንስያአር ኢረህቭ፤ኖኦራአር ኧዘንአ ኖኦራ ሙርት ሙርት ያጋአ።7. ጎይታ በሳርት ኢንካ ሰቭ ኢረንዲ ኧኸሬ እንእ ሰቭ ባንሳርት ዌ በግርድ ታይኸር፣በሂንኋ አጫመጠን ሁዳ በሳርት አቭ፤ 8 9 8.እንእ ግዝየ ያትሲእሁዋታአር እንእ ንሄተሁዋታ ኦሄ ሜና ቲዋታአር ኢተርፍሁዋኸ ጎይታ በረካኋ ያደፕስነሁዋይ ኢኸነ።9. «በዋቢነድ ኧዚጋ አቨ ሰቭ ጽድቅኋ ኧዘላለም ኢረቭር»ቧርም ኧጣᎉምነኸ። 10 11 10. «ኢዘርአካ ሰቭ ዘር»ኢወርሜ ሸረድ ኢካ ጎይታ፣ትዘርኤዳ መኝኧተ ያሁዋሴ።11. እንእ ግዝየ በዋቢነድ ቲዋኸ ብንእአአር ደንገኘ የንአሁዋሴ፤ዋቢነድማሁዋ ቢናይ አጋድ ኢሰርአኮታሰቭ እንእ ጎይታ ያትሸኩሩዋኸጎይታ ብንእአአር ደንገኘ የንአሁዋሴ። 12 13 14 15 12ዋ ቴዊዳ ኧዋቢነድ ሜናሁዋ ኧክርስቲያን ጅጓረ ታፉኰትሞኋ በድየ ኖኦራ ሽኩርትኧጎይታ ያቲኢንቭካናአር።13. ዋ ዋቢነዳሁዋ አሁዋ ኧክርስቶስ ወንጌል ቴኤፐርሁምታ ሙርቴ ኧኸርሁዋኸ ኧሁኖምቪ ኧኧኛቭ ሰቭያቲሺ ኧኸሬ እንእ ሰቭ ባሁዋ ኧቫአ ጎይታ ያትሸኩር።14. ሁኖም ጎይታ አሁዋ ባቨናሁዋኑእ ወሄንነድኢረንጅኩዋይ ኧኸሬ ኢጠልይነኩዋ።15. በሰቭ ቃር ኢዝኲ ባይትቨቃ ኑእ ኧኋርት ሽኩር ኧጎይታ ኧህር።