1 2 ኧሰማቶ ጎይታ በሜቄዶኒያ አነውታ ቤተክርስቲያን አቨኖዋ ጠጋ ትሂሩዋይ ን።2. ኣሰንአዎዋ ጅጓረ ኖኦራአር ቢኸርቭ፣ኧሳርትሁኖዋ ተሀ ኢረእካአር ባነደ፤ ዚጋቭ ቢሆሩም ዋቢነድሁኗ ጭን ኖኦራአር ባነደ። 3 4 5 3. እማት ኧደረግሁኗአህር ታይኸርር ተደረግሁኗ ቦፎራአር ኢያ ምስክንሁ።4. ሁኖም በይሁዳ አነውታ ክርስቲያን ያአጉዥዋይ አይሆርኧዮኸ ኢሶኦሩዋ ባነደ።5. ኢና ተቫኔ ቦፎረ ሁኗ ቦተርም ሂንሁኗ ኧጎይታ አውም፤ተህም ቀጥወበጎይታ ፍቃድ ኢናቭ ኧጅ አውንረ። 6 7 6. እመኸ ኧኸሬ ቲቶ ኧዋ ኢፍቲ ብሁዋ ግት ኧቀነሰን ዋቢነድ አይትሸከቨኸ ሳአነዪ ባነደ።7. አሁም ብንእአአር ብእምነት፣በቃር፣በኦወርት፣በተቋጣይነድቪ፣ኢኢናቭ ባነነሁዋታ ንመጀ ኦፍፈረአጋዳአር ሂንተሁዋ ትትረከውዋኸ አደራ ንኔኩዋ። 8 9 8. እመኸ ኧዋርትኛ ኦኦዥዥትኛ አኸረዳ፤ ዘንጋ ጭን አሁሜ አውትቪ ኧኧኛሞሁኗይ አውት ኧዥተዂታ፣ አሁዋይ ንመጀ ምርአካአር ኧውረምየ ኧኸረኸ ኧሂሪ ሴኤሁ ታነዳን።9. ኧጌታንራ ኧኢየሱስ ክርስቶስ ፀጋ ትሂሩዋ፤ በሁዳይ ዚግነድ አሁዋ ደንገኘ ትሆሩዋይ፣አሁዋ ቲይር ሁዳ ዚጋ ኸረ።10 10 11 12 . ኧዋ ዘንጋአር ኧህርሁዋታ ወሄ ምህር ዋኸትን፥ኤቭራ እማት ቲዋይ ታይኸር ፣ቲዋሜ ባጫሙጭትማሁዋ አወተራቸ ባነሁዋተ።11. ዋአካቭ ኧዋ ኢፍቲ ኧቀነስዂ ታነነሁዋታአር አውታሁዋ ድውርኰ ባሀሬ አቶኢ። እመዳቭ ቲዋይ አነነሁዋታ ኧሳርት ውረአአር ኢኸነኸ።12. ኒቭኔ ኢሽረንረ በኸረ ፣ጎይታ ኢሽርኩዳ ሁዳ ሰቭ በሳርት ኧደረግኋአህር ቲንካን ባሀሬ ደረግኋ አይኸናአህር አቬ አኸረንዳ። 13 14 15 13. እመኸ ትንነዳ አሁዋ አደግርሁምታ ኧኛ ስቭ ኧድጋአኩ ኧዋርትንራ ታይኸር እንእአሁዋ ቂጥየ ትረውሩዋነኸ።14. ዋአካ አሁዋ አነነሁዋታ ሁዳ ኧሁኗ ኧቀፐረዎዋ ሁዳ ኢቬንአኖዋ፤ ብእመዳቭ አነንሁዋታ ሁዳ ቂጥየ ትትሻኮጁዋ ኧዋርትን።15.እመዳ « ኖኦራአር ቁጥቁጥ ኤፐ አናተነፈዳ፣እንስየአአር ቁጥቁጥ ኤፐ እንቀፐረወዳ» ቧርም ኧጣᎉምነኸ። 16 17 16. ኢያ አአሁዋ አነኒዳ ወሄ ጩᎀጨ በቲቶ ሂን አወና ጎይታ ሽኩር ኧስርአኩ።17. ቲቶ አሁዋይ ኧቫአ ሁዳ እማት ኢና ኧሳአነዪ ታይኸርር፣ በሩእ ኧሳርትቪ በገግሞኋ ፍቃድ ተረሳታነዳን። 18 19 18.ወንጌል ባእብውጅትኋ ባአብያተክርስቲያ እንእ ኧቴኤደነ ኧሰምንራ ኬፋቭ ተህም እማቲ ኬሸነዪ።19. ትእም በድየ ዋ ኧሰምንራ ቲና ሆይተ ዋ ወሄ ሜና ኢንአይ ባአብያተክርስቲያን ᎂጠሪ፤ ኢናቭ ዋዳ ትኒንአነዳ ጎይታ ገግኋ ናከብነመዪ ኧሰቭ ናአግዝኔ ሴኤነ ታነዳ። 20 21 20. በዋ ብኔቭኔዳ ኧዋቢነድ ሜና ስርም ቅነጨ አይትረከቭቨንረኸ ጌኬርነ ንትጬፕነ። 21.እማት በጎይታ ኢፍቲ ታይኸር በስቭ ኢፍቲ ወሄያአር ኧሁርትን። 22 23 24 22. አት ኖኦራ ግዝየ በሮኦራ ዘንጋ ተፈተረታ ተቋጣይቭ ኸረ ኧትረከቨ ኧሰምንራ ተሁኖም እማቲ ኬሸንዪ፤ዋአካቭ ባሁዋ ኖኦራአር ኢትእማመሪ ኧኸሬ ትንእ ግዝየ ኢረእካአር ያትቫቅር።23. ኧቲቶአር ኢትሳአርካ ሰቭ በረፐረ አሁዋ ናግለግልኔ ቲያ እማቲ ኧጎይታ ሜና ኢንአካ ኧቬና አቦገዳነኛ፤ተሁድ ኢዎኦታ ኧኛ ኧሰማታአር ኢትሳአርካ ሰቭ ቢረቭር አአቭያተክርስቲያን ኪሸረኘቪ ኧክርስቶስ ክብር ቧርም ኢረውርታ ሰቭኖዋ።24. እመኸ ኧኸሬ ንመጃሁዋ ምርአካአር ኧውረምየ ኧኸረመኸዪ ኢናቭ ባሁዋ ምርአካአር ንትእማመነኸ ባአብያተ ክርስቲያን ኢፍቲ አውጁዋ።