¹ አካ ናማጂኞ ዋ ኧተስፋ ቃር አነንሬ ኧኸሬ ምስየቪ መንፈስ ቲያሰርህካ ዘንጋ እንእ ሂንንራ ናቭጥነ፤ጎይታቭ ንፍረይነታ ጥርር ንህነ ንበነ። ^{2 3 4} 2. ተውረምያሁዋ ተኧውወንረ፤አአትዎኋ ቡሼእ አቧአነዳ፣አአትዎኋይ ወሄ አመርአናአፋነዳ፣አአትዎኋቭ አንቄቀነዳ። 3. እ፥አዳቭ እካ ሁዳ ኧወቅስሁዋይ ባይተሁ አኸረዳ።እእም ኢፍቲ ኧቫኔኩዋመኸ አሁዋ በሂንራ አነሁዋ፤ እመኸ ኧኸሬ ብንዎድነ ታሁም ብነቭነ ታሁምን። 4. ኢያ አሁዋ ኖኦራአር አአቭርሁዋ፤ኢያ ባሁዋ ኖኦራአር ኧትእማመር ፣ባሁዋ ኖኦራአር ኧትቁሟᎀር፣ በጅጓረመንራ እንእ ንኖኦራአር ኢሽሬ። ^{5 6 7} 5. መቄዶንያ ኧቫአነ ግዝየ ትንእ አጋድ ጅጓረ ሰንአቨንረ ባሀሬ ስርም ፎያድ አነከቭነዳ፤ተድየ መራክስ ፣ተከስር ፈራድ ባነቨንረደ። 6. ቢኸርቭ ኧትቨጠጠ ሰቭ ያቁሟሙርካ ጎይታ ቲቶ ኬሸ አቅቁሟᎀርንረ።7. ኧትቁሟᎀነ ሁዳ እማት ቲቶ ኧቫአይ ታይኸር ሁድቭ ኧቁሟᎀረኸ ኣሰምአነዴ።ኢኢያቭ አነነሁዋታ ንማጀቪ ምጥጥቭ፣እመኸ ኢያቭአር አነነሁዋታ ወሄ ጩመጨ ቲቶ ቢኢደንረ ኢረእካአር ሳረንረ። ^{8 9 10} 8. በኬሸነኩዋ ኪሸር ብናቲእሁም አንትውዘከካ፤ብንትውዘከቭ በኬሸነኩዋ ኪሸር ኧቀሪ ግዝየ አቴኤኩዋቴ።9. ዋአካ ጭን ሳረዪ ኧሳረዪ ሁዳ አሁዋ ባቶኡትኛ ታይኸርር፣ ምጥጥጣሁዋ ባጢራሁዋ ቴእተሁዋ ኧጎይታይ ትድዦፖሩዋኸ ኤፐናሁዋቴ፤ ኧትቨጠጥሁም ሁዳ ኧጎይታ ፍቃድ ኢና አታአር ኢና አታአር ቡሼእ አቧአኔኩዋታ።10. ኧጎይታ ፍቃድ ኧኸረ ምጥጥ ባጢር አዎኦም ቃሸዊታ ኢተርፉኬ ኧኸሬ አያትውዘክካ ኧዋ እአለም ምጥጥ ጭን ሙድ ያቫአ። ^{11 12} 11. ዋ ኧጎይታ ፍቃድ ኧኸረ ምጥጥ ብታጫሙጪዳ ጩመጨ እንእ ትትጨፑዋመኸዪ ተቫጢር ኧትረርትማሁዋ ታጪጉዋኸ ኤፐናሁም፤ ህመኸቭ ብጢር ቲቴፕካ ትዎኦቹዋይ፣ ኧጎይታቭ ማአት ትፎሩዋይ፣ ኢያቭ ትረጅኚ፣ ኧመንፈስ ቅዱስ ትቱሩዋ በቂጥየ ትፎርጁዋመኸዪ እፋደኘቭ ትቆጮዋኸ ኤፐናሁም፤ ብንእ አጋድ በዋዘንጋ ጥርራአር ኧኸርሁዋኸ አቴኤመርሁም።12. ባቴ ጣፍነኩዋ ሁዳ ቡሼእ ኧዋአረ ሰቫአር ፣ዌቡሼእ ኧዋአሪ ሰቫአር አኸረዳ፤ ዘንጋ ጭን ኢኢና ምርአካአር ሙርትቴ ኧኸርሁዋኸ በጎይታ ኢፍቲ ሂናሁዋ ትፎትሹዋነኸ። ^{13 14} 13. ኢናቭ ኧትቁሟᎀነ ሁዳ በዋዳን፤ ቲናሜ ኧትቁዋወርት ኢረእካአር፣ ቲቶ ባሁዋ ኧሳረንኒ ኢናቭ ኢረእካአር ሳረንረ፤ቲቶቭ ባሁዋ ሂንኋ ሳረን።14. ሂንኛ አወናወኩዋኸ ኧቲቶ ኤኤትሁን ባነደ፤ አሁም አናቅቨጨሁኝዳ ፤ ዘንጋ ጭን ንኢድኔኩዋ ኧረፐረ ሁዳእ እንእ ውረአር ኧኸረመኸ ፣ህመኸቭ ኧቲቶ አሁዋአር አጟኬዝነ ኤኤድኔ ሁዳ ውረአር ኧኸረኸ ተሄረ። ^{15 16} 15. እንእአሁዋ ኧቲቶ አኽበድሁም ኧቴኤፐርዂመኸዪ ኧቴኤዘዝሁነመኸ ስርም አይትረሳኩዳ፤ ሁድቭ አሁዋ ቲዘግድካ አአሁዋ አነነዳ ንመጀ ኖኦራናአ።16. ኢያቭ ብንእአአር ሂንኛ አወራወሁዋይ አሁዋ ኧረከዂ ኖኦራአር ሳረዪ።