1 2 3 ተጎይታ እማቲ ንረቭኔ ኧኸሬ ኧቴኤፐርዂ ኧጎይታ ፀጋ ብላሽ አቲንኤኸ አደራ ንኔኩዋ። 2. ጎይታ፡ « በ|ሸፐትሁን ግዝየ ሰምአከ ቢተርፉኰዳ ቀረ አገዝከ ይር። እኩ ወሄ ግዝየ ዋአካን፤ ኢተርፉኰዳቭ ግዝየ ዋአካን። 3. አገልግሎትንራ ባትጥቀንጢ ፥ ባአትዎኋ እንቁርፊት ንኸኔ አንሲእነዳ። 4 5 6 7 4. ኢረእካሞኋ ብኒንአኔዳአር ኧጎይታ አገልጋይ ኧኸነኸ ብንእ አጋድኋ ናቲሽነ።5. ቲገርፉንረ፣ ቲያአጉጅንረ ፣ አድማ ቲንኦኮንረ፣ በቬና ትንቂጥነ፣ ዊኢንድ ትንቨህነቪ ቲገደንረዳቭ እንእ ኧጎይታ አገልጋይ ኧሁርትንራ ናቲኢምነ። 6.-7 ህመኸቭ በውጭርነድ ፣ በሀሪነድ፣በፉረሁት፣ በቪነድ በመንፈስ ቅዱስ ኧውረምየ ንንማጀ፣ ፍጥር ቤነወ ቃር ፣ በጎይታ ደረግ፣ በቀነቪ በጉራቭ ኧጅ ኧጽድቅ ጋዝ ግቭር በጥጭት፤ 8 9 10 8. በሩኡነድቪ ብእስነድ ፣ጛጝዥትቪ በትቀረውት ነፐነ ኧውረአአር ትንዝሬኪነዳ ክዝበኘ ቧንረ። 9. ሰቭ ቲሂረንረ አትሄናአረኸ ኸነ፤ ሞሉም ቲዩንረዳ አያ ኸነ ንረቭነ፤ ቢደርጉንረ አሞድነዳ። 10. አንሳርት ቢረቭርቨንረ እንእ ቀረ ኢሽረንረ፤ኢና ዚጋ በኸነሜ ኖኦራ ሰብ ደገኘ ኒንአነ፤አታአር ባይረቭረንረቭ እንእአአር ኢናትናአር። 11 12 13 11. በቆሮንቶስ ከተማ ትረውርታ ሰዎ አታአር ታንደእኔኮኩም እንእአአር ኤኤድኔኩም።ሂንመንራ ባላል ኤፐነ ከፈድኔነኩም።12. አሁዋ ገኪተሁዋ አትረጅንረዳ ባሀሬ፣ ኢናሽ ጌኬነ ንረድኔኩዋ። 13. አሁዋ ዴንጋኛ ኧኸርሁዋይ ኢና ሂንንራ ኧከፈድኔነኩዋመኸ አሁም ሂናሁዋ ባላል ኦንኦም ኩፍችንረ ። 14 15 16 14. ባኸራአር ታያአውሩዋ ሰቭ አቦገድነድ አጣወጭዋ፤ጥርርነድቪ ባጢርቭ በቭር ኢትራኮውዋ?እዋየቪ ጠነቫቭ በቭር ኢትራኮውዋ?15. ክርስቶስቪ ሴጣንቭ በቭር ኢትራኮውዋ?ያአቭርካዂ አያአቭርሁ ሰቭ እማት ኢሆሩዋይ ኧተኸ ኢኸኖዋ? 16. ኧጎይታ ቤተመቅደስሁ ተቅርኘ ምር አጉዋዋኧ አነኖዋ? ኢና ኧሩእ ጎይታ ሙጭር ቢድንረ፤ ጎይታቭ «ቢድኛ በሰቭኛ ግት ኢኸርኴ፣ተሁኖም እማቲ ኧረቭርኬ።ሁኖም ኢያይ ሰቭ ኢሆርቴ»ባረ ኧዝሬኬመኸ ኢናእንእ ግዝየ አያ ኸረ ኢረቭርካ ጎይታ ሙጭር ቢድንረ። እመኸ ኧኸሬ ቢያ ታያአውሩዋ ሰቭ ግት ተዌጠርም ዎኦዋ፤ኧሰነኸ ዘንጋ አትጉጁዋ፤ኢያብ ኧተኧቭርሁዋሴ። 17 18 18. አባማሁዋ ኧህርሴ፤ አሁም ዴንጋኛ ትሁሩዋሴ»ይር እንእአአር ይኸነዳ ጎይታ።