1 2 3 ዋ ኧድኳነኸ ኧዋአካኋ በዋ አፈረ ፎር ኢረቭርካ በሰርንራ ተዎንደ ቀጥወ ሰቭ ታይኸር ጎይታ ኧኬረን ዘላለም ኢረቭርካ ወያ ቢድ በሳቫይ አነንረኸ ንሂነ። 2. በሳቭይ አነዳ ቢድንራይ ትንሰርአነ ስን ኢጨንቀንረ። 3. ሀ ኧሳቫይ ምስየ በትከተነጋ እችንራ አንኸነዳ። 4 5 4. ዋ ኧዱካመኸ ኡክ አሸዊታ ኧዎረ ኤኤዲ ቢዎሁሪዳ ምስየንራ ከስ ታነነ ስን ጭመመረንረታ ኢጨንቀንረ፤ ኢጨንቀንረዳቭ ሁዳ ሙድ አያ በሁርት ኢትሸገረኸ ኧሳይ ቢድንራይ ስኧተነታ ኧሳቫይ ሁጅር ንትኸተነኔ፤ ዘንጋ ጭን በዋይ ቸየተነ እጭንራ ንኸኔ አንሲኢነዳ። 5. እእመዳቭ ኧሸፐተንረ ጎይታን፤ ኧቀጥወሞኋ ኢቨንረዳ ዘንጋ ኢቨንረኸ ንትእመመኔዳ መንፈስኋ አቨንረምን ሁዳ። 6 7 8 6. እመኸ ኧኸሬ እንእ ግዝየ ጎይታ ትእማመነ ምረቭነ፤ በዋ አፈር ታነን ስን ፥ ተጌታ ኢየሱስ አትራእነ ንረቭነኸ ንሂነ። 7. ኢና ንረቭነዳ ሁዳ ጎይታ ትእማነነ ታንዳን ባሀሬ በኤር ቢያዢዳአር አኸረዳ። 8. ዋ ምስየንራ ሙጅተታ ተክርስቶስ እማቲ ንረቭኔ ንሲኢነኸ ክፍችተሁ ኧዝሬኪ አንፈይካ። 9 10 9. በዋ አፈር ብነቭነ ባነቭነ ንሲኢኔዳ ሁዳጎይታ አትሳርትን። 10. እንቨንራ አት ቀረ ኧፍርድኧርስቶስ ኢፍቲ ንቴኤነቭነዴ፤ ሰቭ እንእ በዋ አፈር ቲረቭርካ ኤፐን ወሄ ተውጥጥ ሜና ዋጋኋ ኢቴኤፐርኴ። 11 12 11. ባቴ ጎይታ ኧፍረውት ምር ኧዋርት ኧኸረኸ ንሂኔ ኧኸሬ ኢሰውኦንረዳ ሰቭ አጬግነ ንኢድኔዮዋ፤ ኢናቭ ምር አይነት ሰቭ ኧኸነኸ ጎይታ ኢሂር፤ አሁምትሂንረኸ ንትእማመነ። 12. በሂን ባነዳ ዘንጋ ታይኸር በሰቻይ ቢያዢዳ ዘንጋ ኢታአሞርታ ሁኖዋ መልስ ቲዋይ ቢና ትትእሟሞሩዋኸ ንኢድኔኩዋ። 13 14 15 13. ሽረኘቭ ብንኸነ ኧጎይታ ባነ ታንዳን፤ጦው ሰቭ ብንኸነ አአሁዋ ባነ ታንዳን። 14. ክርስቶስ አተጋ እንእዎኋ ባረ ኧውጅትሞኋዪ ክርስቲያን እንእ ኧሁዳይ ሙድ ኧትሻከደኸ ኧሀኔ ኧኸሬ ኧክርስቶስ ንማጀ ዋ ሜናኋ ያቲፐንረ። 15. ባአያሞሁኗ ነነውታ ሰቭ እንእ እሁኗ ባረ ኧዎዴቪ ተውድቭ ኧትረሳ ክብር ኢረውርዋኔ ባሀሬ ፥ ኧገግሁኗ ባይቶ አይረውርዋኸ እንእዎኋ ባረ ሞደ። 16 17 16.እመኽ ኧኸሬ በዋቴ አትዎኋ በዋ አለም መሰሮ አናዥኔዳ፤ኧዋ ኢፍቲ ክርስቶስ በዋአይነት አሸነዪ ባነደ። በዋቴ ጭን ኧዋኸአረ እኒንአነዳ። 17. ብእመዳ ማኒኢሞኋ ክርስቶስ ባአመረ ወያ ፍጥረትን፤ጉስ ሁዳ ወረ ቤኤድኋይ ወያ ሁዳ ተሸገረ። 18 19 18. እመዳ እንእ ኤፐን ጎይታን፤ ሁዳ በክርስቶስ ኣቫአ ተገግኋ አቓመጠንረ፤ ኢናቭ ሰቭ ተክርስቶስ ናቓምጥኔኰዳ አገልግሎት አቨንረ። 19. እመዳ ኧዋርት ጎይታ አለም እንእ በክርስቶስ ኧቫአ ቲያቓምጥካ ኧሰቭ ባጢ አንሴኤዳ፤ኢኢናቭ ሰቭ ተጎይታ ንቓምጥኔኮዳ አገልግሎት አበንረ። 20 21 20. ጎይታ ቢና ኸረ ሰቭ ኢኸራይ ኧኸሬ ኢና ኧርስቶስ ኪሸረኘንረ፤ ብእም ኧቫአ «ተክርስቶስ ተቓዎጩዋ » ባነ በክርስቶስ ሹው ንሰኧኔኩዋ። 21. አታአር ባጢር አኔፐ ክርስቶስ ጎይታ ኢና ቲይር ኢናይ ባጢር ኧሁዳ አፌነገን፤ እመዳቭ ኧኸረ ሁዳ፥ ተክርስቶስ እማቲ ሂንተነ ኧጎይታ ጽድቅ ንረህቭነኔ።