1 2 ኢያ ጳውሎስ ባሁዋ ኢፍቲ ታነሁ «ኢቅቨጭ» ቧርኝ ፣ ታሁዋ ትትቫይተርካ « ቆዋረ» ቧርኝ ዋአካ ኢያ በክርስቶስ ሙሽሙሽተኝነድቪ ገርመድቭ ኧሰኧርሁዋ ። 2. ኧሰኧርሁዋታቭ ሁዳ በሰቭ አሳብ ንረቭነዳአረኸኤፖም ቢያዥንረዳ ሰቭ ኢፍቲ ማአችተሁ ኧዝሬከኸ ባቲንኧኝኔ። 3 4 3. ንረቭነዳ ሁዳ በዋ አለም ቢኸርቭ ፣ ንትዋካነዳ ሁዳ ጭን ኧዋ አለም ሰቨኸ አኸርንዳ። 4. ዋአካቭ ንትዋካኔኮዳ ኧጋዝ ግቭር ኧዋ አለም ኧጋዝ ግቭር አኸረንዳ፤ ኢናይ ኧጋዝ ግቭር ኧሴጣን ወረ ባነረ ኢቃሺ ኢኸነዳ ኧጎይታ ደረግ አኖዳናአር። 5 6 5. በጎይታይ ኧኋርት ፎር በቲቢት ኢትረሳካ ሽርቪ ሙጥጥ ጩᎀጨቭ ንኢተነ ናዋአኔዴ፤ ኧሰቪ ኧኋርት እንእ ማርሂተነታ ኧክርስቶስ ኢቴኤዘዘኸ ኒንአነዴ። 6. አሁዋ ተውረሚያሁዋ ትቴኤዠዡዋኸ በሀነጋ አይቴኤዠዡዋ ሁኖዋ ንቀጣኔ ተረሳነ። 7 8 7. አሁዋ ታዢዳ ሁዳ ኧፈር እማት ኧፎር ዘንጋን፤ ማንኢሞኋ ኢያ ኧክስቶስንኋአር ባይተ ቢድጋኬዝ ሁዳ ኧክርስቶሳአር ኧኸረመኸ ኢናቭ ኧርስቶስአር ኧኸነኸ ኧኋረት እንነወ። 8. ጎይታ ባቬ ዳኝነድ ኖኦራአር ብንትእማመርወአያቅቨጬዳ፤ ዋ ዳኝነድ አውንረ ሁዳ አሁዋ ናቁሟሙኔኰኔ ባሀሬ አሁዋ ንቭራጭኔኴ አኸረንዳ። 9 10 9. በዋ ጣፍነ ብንኬሽኔነኩዋታ ኪሸር አትፈኝሁዋታአር አይቭሰርሁዋ። 10. አታትሁኖዋ ጳውሎስ ጣፈ ኢኬሽኮታ ኪሸር ኢሮኦዥታ ጣራጀኖዋአር ፤ ዘንጋ ጭን ምስየኋ ቲያዢዳ ሰፐኘናአር ኢዝረኩዳቭ ቃር ኢቆርጪዳናአር ዩሩዋ። 11 12 11. ዋኸ ዩርታ ሰቭ ኢና በሮኢ ኸነታ ጣፍነ ንኬሽኔዳ ኪሸርቪ ባሁም ግት ኸነታ ታሁምእማቲትነቭነዳ ብኔቭኔዳ ሜና ግት ቡችርነድ ኤነኸ ኧኋሩዋ። 12. ገግሁኖዋ ቲያጋጊሽታ ሰቭ ገግንራ ናትዋናኔ ዌ ቂጥ ቂጥ ኒንአኔ አንደፍነዳ ፤ ሁኖዋ ጭን ገግ ተገግሁኖዋ ቲያትዋኖሚ ባሙዛዝንትኖዋ አዮ አሆርታ። 13 14 13. ኢና ጭን አድብሽተነ አድጋኬዝነዳ፤ ኢና ብድጋኬዝነቭ ያግኪሰንረዳ ጎይታ ባቨንረቪ አሁዋይ በሰንአ አገልግሎትነንራ። 14. ኧክርስቶስ ወንጌል ጠበጥነታ አሁዋ ንኢድኔኩዋይ ኧቫአነ ግዝየ ታውንረ በድየ አቦነዳ ። 15 16 15. እመኸ ኧኸሬ ኢና ጎይታ ታቨንረ ሁዳ በድየ ሆይተነታ በኧኛ ኧኛ ሰቭ ቤፐን ሜና አድጋኬስነዳ፤ ኢረእ ኦኦወርታሁዋ ቲደቭር በወራአህር ባሁዋይ ኧቴቨንረ አጎኩርት ቲደቭር ያረኸ ናአቭነ። 16. እመኸ ኧኸሬ ኧኧኛ ሰቭ አአዊ ኤኤድሆይተነታ ቦተርም ቤፐዊ ሜና ታንጋኬዝነ ፣ አአሁዋ በሀ ባነውታ ገኘ ሆይተነታ ውወንጌል ብንኢድነ ኢፈዘንረ። 17 18 «ዘንጋ ጭን ሂንኋ ያወራይ ኢሲኢካ ሰቭ ቢረቭር በጎይታ አውራ»፤ 18. እመኸ ኧኸሬ ሰቭ ጎይታ ባናረኧኒ ገግኋ ቢያረእ አትዎኋ አቅን አይኩዳ።