1 2 ኢያ ኧሲእካ ሁዳአንስየ ጋውነድኛ ትፎርሁኒኔ፤አሁዋ ዋአካቭ ትፎርሁኒ።2. ጎይታ አሁዋ ወሄያአር ያስብነሁዋመኸ፣ኢያቭ ወሄያአር አስብነሁዋ፤አስብነሁዋታቭ ሁዳ አአት አናወቼያ ሙጭር ዘየ ገረደኸ ኧክርስቶስ ኢፍቲ አቲኢንሁዋይ ኧፈጅሁዋኔ። 3 4 3. ዘንጋ ጭን ኧሄዋን ጭረ ኧቄቀናመኸ፣አሁሜ ሂን ኢፈተታ ኧክርስቶስ አነነሁታ ንማጀቢ ሙጭርነድማሁዋ በኧፋወሁዋ ባሁ ኧፈይ።4. አት ሰቭ አሁዋይ ሜኤተታ ኢና ኤኤድኔኩዋ ኢየሱስ አኸራአር ኧኛ ኢየሱስ አነ ባይተናሁዋታ ተዋ ተቴኤፐርዂ ኧጎይታ መንፈስ አኸራአር ኧኛ መንፈስ ብቴኤፖሩዋ፣ ዌ ተቴኤፐርዂ ወንጌል ኧኛ ወንጌል ቢቫአወሁዋ ቸየተሁዋ ታሽቴ ኧዋርትን። 5 6 5. ኢያ ጭን« ኑኡየኖዋአር ቱርዮታ» ተኧኛ ኧክርስቲሲ ኪሸረኘ ባአታአር አናአስካ ።6. ኖኦራአር ኧዘጉት ባንሂርወቭ ፣ኦኋርትጭን አነኒ፤እመዳቭ ኖኦራ ግዝየ በሮኦራ መያ ጌኵነ ኤኤድኔኩም። 7 8 9 7. ገግኛ አቴኤነስሁታ ኧክርስቶስ ወንጌል ከስ አይቫር ኤኤድኩዋይ ባጢር ኸረቪ ኢህርሴዪ? 8. አሁዋ አጌኪሪ ትንር በኣኛ ቤተክርስቲያን ኧፈራክ ሞዋጮ ኧቴኤፐርዂ ኧሁኗ ዠነፍሁኖም ኧዋርትን።9. ታሁዋ ታነሁ ያትሲኤዳአር አንእ ተመቄዶኒያ ኧዎኦዋ ክርስቲያን ኧሰማት ኢውኝ ኧረፐሬ አአትዎኋ አናጀገርኋ። አአሁም ባአታአር ባናጅግርሁዋይ ተጬፐሁ። ብእምቴ ኧትጬፕኴ። 10 11 10. ኧክርስቶሲ ኧውረ ቃር በሂንኛ ባነዳአአህር፣ ዋ ትምርትኛ አትዎኋ ያትሸኩኲ አይኸነዳ።11. ዋዳ እካ ሁዳ አነድሁዋይ ኧኸረዴዪ? ኧረድሁዋሸኸ ጎይታቭ ኢሂር። 12 13 12. ሀ ቲና ቂጥየ ኢሆሩዋይ ቢዬዊዳ ሜና እንእ ቲድጋኬዡዋ ቀረ ዩኡሮታ ሰቭ ዩርታአር ኢዎሁሩዋኸ ዋአካ ኤኩዳ ሜና ነገሞኋ ኢንአኩዴ።13. ኧዋኸ ሰቭ ኧርስቶስ ኪሸረኘ ኢወስሩዋይ እንእቨኸ ኢሆርታ አድቫቫይ ኪሸረኘቪ ቄቃቭ ሰቭኗ። 14 15 14. እመዳቭ ወግ ኢኸርካአር አኸረንዳ፤ሰይጣን ገግኋ ኧጎይታ መላአይካ ኢቨስረኸ በዋአና አስር አይነት ኢኸር።15. እመኸ ኧኸሬ ኧሁዳይ አገልጋይ ጥርር ኧክርስቶስ አገልጋይ ኢወስሩዋኸ በዋአና አስር አይነት ሂንቶ ቢሽጓጎሩዋ አታአር ወግ ኢኸርካአር አኸረንዳ፤ ኧቀጥወሞሁኗ እእም ኣቬናሞሁኗሀአር ኢቴኤፖርቴ። 16 17 18 16. « አትት ሰቭ ጋዋን አይቫር»፤ጋዋቭ ኧቨሰርኩዋ በኸረ ኢያቭ ቀሪያአር ኧድጋኬዘኸ ኧጋዋመኸ ተኧወርኝ።17. እመዳቭ ኮረምቶ ኸርሁ ትንዝሬካ ኧጋዋ ሰቭነኸ ባሀሬ ኧጎይታፍቃደኸ አኸረንዳ። 18. ኖኦራሁኗበ በዋ አለማአር ቲጋኬሽታ ፣ኢያቭ ኧድጋኬዝ፤ 19 20 21 19. አሁም አዮ ኧኸርሁዋይ ኧጋዋ ሁኖዋ በሳርት ትፎርሁኗ።20. ማንኢሞኋ ተሸተ ባሬያ ቲአሁዋታ፣ዱኒያሁዋ ቲቨዳሁዋታ፣ኧጥቅምኋ ቲይር ቲቴኤነሁዋታ፣ ቲድጋኬዝዎሁዋታ፣ዌ ወከዳሁዋ ቢየኧፋሁዋ ትፎርሁዋ።21. ማንእየ ያቅቨጬዳአር ቢኸር አሁዋኸ በፍረሁት ቆዋረ አኸነኸ አኽነኸ ናአውድሁዋ። ማኒኢሞኋ ደፍፈረ ቢድጋኵዝወዳ ዘንጋ እንእ ኢያቭ ኧሁድመኸ ድፈይተሁ ኧድጋኵዚ ናአውድሁዋ። 22 23 22. ሁኖዋ እእብራዊ ገኘ ሰቭ ቢሆሩዋ ኢያቭ ህነኸምንሁ ፤ሁኖዋ አአብራሀም ዘር ቢሆሩዋ ኢያቭ ህመኸምንሁ። 23. ሁኖዋ ኧክርስቶስ ሜነኘ ቢሆሩዋ ሽረኘ ኧኸረ ሰቨኸ ንዜግ ኢያ ኧረእኮዋ ፤ህመኸቭ ኖኦራ ግዝየ በቬና ቄጥሁ ፤ ታአከትሁ፣ ተገፋሁ፣ኖኦራቭ ግእየ ኧውዲ ቴኤነሁ ባነደ። 24 25 26 24.አአይሁድ ገኘ ሰቭ በዥራፍ አምስተጋ አርቫ ዢኧ ገረፉኝ።25. ሶኦስተጋ ባአአር ተደነግሁ፣ኧኛ ብእቭር ዎኮኝ፣ሶኦስት ግዝየ ብእሀ ፎር መርከብ ተሰፐረታ አደጋ ሰንአቪ፣ አአት ቀረ ዋአናቪ ኧዳርር በቫር ፎር ዋአርሁ ኔኤሁ።26. ኖኦራ ግዝየ እእሀቪ ኧሽጣ አዳጋ ሰንአቪ፤ ታአይሁድ ገኘ ዶበመኛቪ ታአረማዊ ሰቭ አደጋ ሰንአቪ፤በከተማ፣በገሜዪበቫርቭ ፎር አደጋ ሰንአቪ። 27 28 29 27. ኖኦራአር አትቫቀርሁ ኖኦራቭአር በቬና ቄጥሁ፤ኖኦራ ግዝየ ዊኢንድ በከርሁ፣ጋደዪ፣ጠማዪ፣ኖኦራ ግዝየ ሸረድ ታንቨርአ ነፐርሁ፤ኖኦራ ግዝየ ሁጅር በከርሁታ ውርቀ አቁረፈረዪ።28. ቡችር ቢያ ኧሰንአቪ ዘንጋ አንእ ቸኧሁንታ ያትጨንቄ ኧረፐረ አአብያተ ክርስቲያን ዘንጋ።29. አት ሰቭ ቲቂጥካ ኢያቭ ተህም ኧቂጥ፤አት ሰቭ ባጢር ቲዬካ ኢያቭ ተህም ኧትራተድ። 30 31 30. ኧድጋጌዥት ያትሲእካአር ተኸረ፣ኢያ ኧድጋኬስካ ሁዳ ቂጨኝነድኛ ቢያቲሽ ዘንጋነኛ።31እንእ ግዝየ ክብር ባነነዳ ኧጌታ ኧኢየሱስ ክርስቶሲ አባ ጎይታ ኤናአር አኒኢደኸ ኢሂር። 32 33 32. በደማስቆ ከተማ ታነሁ፣ተርኩስ አርስጦሲዮስ በገዳ ዳኘ ኧረፐርረ ምስ ኢጠጤዪ ሴኤታ ኧደማስቆ ሰቭ ኢውርኰዳ ኡፈቻኋ በሰቭ ያትእተኩ ባነደ።33. ዘንጋ ጭን ሰቭ ተግንብ መስኮት በቀጫት አዎኖም አዎጅኝታ ታይጠጠዪ ዎርሁን።