1 2 1.ኧድጋጌዥት ያጌኪርካአአር ባይኸር፣ኢያ ንድጋጌዝ ብንር ጎይታ በዝሬኬ ቃርቪ ባቴሼዪ እራኢ ኧድጋጌዝ ባነደ።2. ቶኦኳ አስረ አርቭአት ዘቨር ኢፍቲ አት ኧሶኦስተኘ ሳቫዪ ስን ኧዎሰጂ ምስ ኧሂር ፤ እም ምስ ኧወሰጂ ሁዳ ተውርአ ምስየኋ ኧኸረመጋዪ ፣ ምስየሞኋ አይቫር ኧኸረመጋ ኢያ አሂርካ፤ ጎይታ ጭን ይሂር። 3 4 5 3. ዋ ምስ ኧሶኦስተኘ ሳቫዪ ኧዎሰጂ ሁዳ ተውርአ ምስየሞኋ ኧህር፣ ዌ ምስይየኋ አይቫር ኢያ አንሂርካ፤ ጎይታ ጭን ይሂር።4. ሁድቭ ኧገነቲ ወሰጂታ በህሜ በሰቭ ቃር ኢዝረኲ አይትቨቃ፣ ሰቭ ኢዝሬኲ አይትቨቃነ ዘንጋ ሰምአ።5. ኢያ በዋኸ ሰቭ ኢሽርሬ ፤ኧገግኛአር ጭን ተቂጨኝነድኛ ኧኛአር ኧድጟኬዝወዳአር አታአር ኤነኒዳ። 6 7 6. ዋ ኧዝሬኩዳ ሁዳ ኧውረአር ኧኸሬ ንድጟጌዝ ብንር ጋውነድ አነፐረዳ፤ዘንጋ ጭን አትዎኋ ቲያዥኩዳ ሁዳ በድየ ኧኝኧት አያዤኸ ኧድጋጌዥት ሁዳ ኧደፋኒ።7. በዋ ጎይታ ባቴሼ ወግ ዘንጋ ኧቫአ ባድጟኵዚ ጎይታ ምስየኛ ኧሶኸኸ ኢወጋክ ምካት ቦፎርኛ አወናቪ። 8 9 10 8. እመዳቭ ኢገፍሬኸ ኧጎይታ ሶኦስት ግዝየ ሳአርሁን።9. ሁዳ ጭን «ባኸ ኢያይ ደረግ ኢትረከካ ሁዳ ባሄ ቂጨኝነድ ኧኸሬ አከ ፀጋኛ ኢቅቃኸሴ»ባረዪ።እመኸ ኧኸሬ ኧክርስቶስ ደረግ ቢያ ኢትረከቨኸ በቂጨኝነድኛ ኢረእካአር ኢሽሬ።10. እመኸ ኧኸሬ በክርስቶስ ኧቫ ትትቀነካ፣ጅጓረ ቲሰርአቪዳ፣ ቺሰድጅኝዳዪ ትትጨነካቭ ኢሽሬዳ ሁዳ በቂጨኝነድኛ ኧክርስቶስ ደረግ ያተቭአይ። 11 12 13 11. ኧጋዋ ሰቨኸ ዝሬኵሁ ፤እመዳቭ አዝራኵሁን አሁትንሁዋ።12. ኢያ ኧውረቭ ኧጎይታ ኪሸረኘ ኧሁርትኛ መርኸት ኢሆርታ ኖኦራ ዘንጋ ባሁዋ ኢፍቲ ኤፐሁ፤ታሁዋ ታነሁ በፍረሁት ኤፐሁኗ ሜናኖዋ፤እም ሜናኛ በፋራሂነድ ኧቦርት፣መርኸት ኧሆሩዋ ዘንጋ ፣ወግ ዘንጋቪ ወግ ሜናቭ ኦንኧትን።13. ኢያ አሁዋ አናጀገርኩዋታ ባሀሬ ተኧኛ አብያተ ክርስትቲን ምር አአነስሁዋአር አነ? አአሁዋ ባናደጉርትኛ አአፋሁ በከረ ፍረሁኒ። 14 15 14. ኧዋ ኢፍቲ አሁዋይ ውርኤተጋ ማአሁ፤ዋአካቭ ኧሶኦስተኘ ኧቫአይ ተረሳሁ፤ትንቫአካቭ ባአታአር አናጀግርሁዋታ፤ ኢያ ኧሲእካ ሁዳ አሁትን ባሀሬ፣ዱንያሁዋ አኸረዳ፤ኧዴጋሁኖውዋ ዱንያ ያዎሮታ አቭ ታአዶድኗ ባሀ፣ዴንጋ አአቭ ታአዶድሁኗ ባይቶ ዱኒያ አያዎሮታ።15. ኢያቭ አነኒዳአር እንእ ተገግመኛ እማቲ አሁዋ ብኒሁዋ ኢሽሬ፤ባቴ ኢያ አአሁዋ ዋጣካአር ትነድሁዋ፥ አሁዋ ኢኢያ ኧቭር ገኪተሁዋ አትረጅኝዳ? 16 17 18 16. ባቴ ኢያ አሁዋ አናጀግርሁዋታ፤ቢኸርቭ ኢያ አአሁዋ በትኮልቪ ባአዮነድቭ ኧቴኤነኩዋአር ኢቨስርሁዋ።17. አቸ ኧሁርትሞኋ ኧሁኖዋይ በኬሸሁኗ ሰቪ አጋድ ባአት ሁዳ ስን ዱኒያሁዋ በታኩሚ? 18. ቲቶ አሁዋይ ኢቫአኸ ሳአርሁን፤እም ኧሰመንራ ተሁድ እማቲ ኬሸሁን፤ ባቴ ቲቶ ዱኒያሁዋ በታናሁሚ? ኢያቪ ቲቶ መንፈስንራ እማት አይነት አነፐረዳ? ሜናኰንራ አማት አይነት አነፐረዳ? 19 19. ዋአካ ስን ባሁዋ አፍቲ ፣ኧገግንራአር ትንቴኤድነ ኧረፐናአር ኢቨስርሁዋ? ኢና በክርስቶስ አመነታ ኒዝሬኪነዳ ሁዳ አቭ ጎይታ ኢፍትኔ፤ ባቴ ኧሰማቶ ዋዳ እንእ ንዝሬኪነዳ ሁዳ፥ አሁዋ ናቁሟሙኔኩዋኔ። 20 21 20. አሁዋይ ትንቫአካ ኢያ ኧቫኩዋኸ ሂንተሁዋ አትረኮውታ ኢህርሴዌ ባሁ ኧፈይ፤ዌ ኢያ አሁዋ ኧሁቫኘኸ ሂንተሁ አንትረከካ ይህርሴዌ ባሁ ኧፈይ፤ዌ በግታሁዋ መራክስ ፣ሟየታሙነድ፣ማአት ፣ኢኢያ ኧፍዘዜ ኧዋርት፣ ኧሰቭ ሹው አአፎት፣ኦአንድ፣ትቢት ቃሽቃሽት፣ኢምበርሴ ይህርሴዪ? ባሁ አታንእ።21. ሀአይተሁ ትንቫአካ ጎይታ ባሁዋ ኢፍቲ ያትዋርዴሴ ኢህርሴዪ? ባሁ ኧፈይ፤እመዳቭ ኖኦራሁኗ ኧዋ ኢፍቲ ኤፐዊ ባጢርቪ ኤፖዊቭ ያቅቨጭካ ዘንጋ ፣ኧረከዊኸ ሁጅር ኧድምሙጅት፣በውጥጥ ተመኛት እሽቻ ተገማ ጫወዳ አድቡሽትአአር ዘግጌቭተውዋታ ተቫጢሁኗ ባንድዦፖሩዋ ሰቭ ኧቫአ ቀጨ ኢቫሬሴ ኢህርስሴዌ ባሁ አታንእ።