^{1 2 3} አትሁ ሀአይተነ ገግንራ ናጋኪስኔ ንቀርስነዴዪ?ዌ አታትሁኖዋ ኢኦዋመኸ አሁዋ አጋጊዥተሁዋ ወረቀት ትጦፍንሬ ያትሲኧንረ እህርሴዪ? 2. አሁዋ ሰቭ እንእ ኢሂርኩዳቪ ያነብብኩዳቭ በሂንራ ኧጣᎉ ወረቀትነንራ ። 3. አሁዋቢናይ አገልግሎትኧኢየሱስ ክርስቲሲ ኪሸረኘ ኧኸርሁዋኸ ኧትሄረዳናአር፤እም ኪሸር ኧጣᎉ ሁዳ በሩእ ጎይታይ መንፈስን ባሀሬ በቀለም አኸረዳ ፤ በሰቭ ሂ ጽላትን ባሀሬ ብእቭር ጽላት አኸረንዳ። ^{4 5 6} 4. በክርስቶሲ አጋድ በጎይታ አነንረዳ እምነት ኧዋኸትናአር፤ 5. ደረግንራ ጎይታን ባሀሬ ቢና ደረግ ኢና ኤፐነዪ ንነዳአር አታአር ኤነዳ። 6. በድረ በውሴ ቂጫ ታይኸርእ መንፈስ ቅዱስ አኖዳ ወያ ጉርዳ ናጌኪኔ አቨቃንረ ጎይታን ፤ ሰቭ አወናን ቂጫ ሙድ ያቫአ፤ መንፈስ ቅዱስ ጭን አያ ዬቭ። ^{7 8} 7. ባቴ እእስራኤል ገኘ ሰቭ ቢኢፍትኋ በረፐረ ግርማ ኧቫአ ኧውሴ ኢፍት መኬኧ ባይቶ ኦዥት ቲኢምኮዋ ስን አግራከረዎም፤ ባቴ ሀ ተቀሪ ቀረ ቀትወ ቤኬሪ እቭር ኧጣᎉ ሙድ ያቫአካ ቂጫ በዋኸ ግርማ በቫአጋሁ ፤ 8. ባቴ ኧመንፈስ ቅዱስ አገልግሎትሁ ኧተኸ ተሀ ኢረእካአር አይከብርካ? ^{9 10 11} 9. ኧውድ ፍርድ ያቫአካ አገልግሎት ዋጣካ ክብር በረቨጋሁ ሰቭ ተውድ ያተርፍካ አገልግሎትሁ ኧተኸ ኢረእካ ክብር አይረቭርኩዳ? 10. ኧዋ ኢፍይቲ ኢረእካ ክብር ኧረፐረን ሁዳ ኢረእካ ክብር ኧረፐረን ተረፐረን ሁዳ ቲያትዋኔዳ ክብር ኤነናአር ኸረ ኢትረከቭ ። 11. ሀ ኢወኧርካ ሁዳ ሀጣካ ክብር በረፐንጋሁ እንእ ግዝየ ኢረቭርካሁ ሁዳ ኧተኸ ኢረእካ ክብር አይረቭርኩዳ? ^{12 13} 12. ባቴ ኧዋኸ ክብር አነንሬ ኧኸሬ ታንፈይነ ንዝሬኪነ። 13. ሙሴ ኢኢፍትኋ አጉራጉርት በፈካጋ እእስራኤል ገኘ ሰቭ ባያዢ ኢፍትኋ በሁጅር ኢትህረፐቭ ኧረፐረ ሙሴኸ አኽነዳ። ^{14 15 16} 14. ዋአካቭስን ኧድረ ጉርዳ መጣፍ ያነቡብታ ሰቭ ሀ ጥራር ዋአካቭ ስን አፈካኖይ ኧኸሬ ሂንሁኗ በግቨዘዘመኸ አነ፤ ሀ ኧዠነረኗ መዘኔድ ዋአካቭ አፈካዳ፤ ኢፈካካቭ ሁዳ እማት በክርስቶስን። 15. ዋአካቭ ስቭ ስን ኧሙሴ መጣፍ ቲያነቡቢዳ መዘኔድ ሁዳ ሂንሁኗ ኢኢፍኮዋ። 16. ዘንጋ ጭን አት ሰቭ ኧክርስቲሲ ኤፐ ሙልሽ ቲይካ ኧትህረፐቨን መዘኔድ ተቨንጠ ኢፈካ ። ^{17 18} 17. ጎይታ ምብንፈስን ፤ ኧጎይታ መንፈስ ባኖዳ ኤኤዲ እንእ ግዝየ ኢቀርር። 18. እመኸ ኧኸሬ ኢና እንእቨንራ ኢፍትንራ ታንትህረፐቭነ ኧጎይታ ክብር ኧቭስታወደኸ ትናቲሽነ ሁዳ ንቨስኔ ታአት ክብር አአት ክብሪ ንትሽጋገነ።እመዳቭ ኢኽርካ ሁዳ መንፈስ በኸረ ጎይታን