^{1 2} ባቴ አአቲእሁዋት አንሴኤዂ ኧኸሬ ሀአቭተሁ አአሁዋይ ባንቫአይ አንጥሁን፤ 2. ኢያ ብናቲእሁም ቢኸር አቴኤኩም አሁም አኸራአር ኧኛአር ማን አነኒ? ኧዋ ኢፍቲ ኧጣፍነኩዋ ሁዳ አሁመኸ ኢያ አትሳርት አነዎታሰቭአያቱኡኘኸ ባሁ ታነዳን፣ብእመዳቭ ኢያይ ኧሳርት አሁሜ ኧሳርት ኧኸረኸአአቭር። ^{3 4} 4. ኧሀሀአር ትንጠፍነሁዋታ በቨሮኦራ ምጥጥቪ በሂንቭ አንሳርት ኖኦራቭአአር ቦክት ከስ ባነዀ ። ^{5 6 7} 5. ማንኢሞኋ ሰቭ ቢያቲእ በቨሬ ኧሱኡርት አይህርቪ ባሀሬ አቴኧን ሁዳ እማት ኢያ ታይኸር አታአካአህርሽ እንእምናሁዋ። 6. ኧዋኸ ሰቭ ታሁዋ ግት ኖኦራሁኖዋ ኧቆጬ ቅጣት በቂኖኋ ። 7. ባቴ ኖኦራአር ኧኧይተንታ ቀጨ አይኰኸ አፉ ባይተዂታ ሀአይተሁዋታ አቁሟምርት አነዎሁዋ። ^{8 9} 8. ብእም ኧቫአ ኧሁዳ ትረጂኸ ትኢጂ ኧሰኧርሁዋ። 9. እመዳቭ ኧጠፍነሁዋታ ሁዳ እንእአአር እክያ ቱርታ ስቭ አኸርሁዋኸ ኧሂሪ ትንር ባነደ። ^{10 11} 10. አሁዋ አፉ ቱሪንዳ ሰቭ ኢያቭ አፉ እኩዴ፤ ውረቭ አፍ እኩዳአር በረፐረ በክርስቶስኢፍቲ አፉ እኩዳ ሁዳ አሁዋ ትንርን። 11. እመዳቭ ኔቭነዳ ሁዳ ሴጣን ኢጋአወዳ ጉድድ አይረህቭነኸ፤ኧሁዳይ ተመኛት ኢና አያውራኘንረዳ። ^{12 13} 12. ኧክርስቶስ ወጌል ኢኢዲጢሮአዳ ኧዎርሁ ግዝየ አጎይታ ቃር ኢኢደኸ መያ ተከፈደኒ ባነደ። 13. ቢኸርቭ ኧስምኛ ቲቶ በሀይ አነከሁኒ ኧኸሬ ሂንኛ አንሳሬ ባነደ፤ብእም ኧቫአ ቦሄይአር ባሁኖምታ ቾኦሁ መቄዶንያ ዎርሁ። ^{14 15} 14. ዘንጋ ጭን እንእ ግዝየ በክርስቶስ ሹው ኒእምነኸ ያአግዘንረዳ ጎይታ ወሄ ሽትነድ አነነዳ ሽቶኸ ኧክርስቶሳአር ኧሀኔ ሁዳ እንእ እንእ ኤኤዲ ናሰርአነኸ ያአግዘንረዳ ጎይታ ሽኩር ኧስርአኩ። 15. ኢና ቢተርፉታዪ ቢየኧፎታ ሰብ ግት በጎይታይ ኧክርስቶስ እፏትን። ^{16 17} 16. ዮኦፎታ ሁኖዋ ኧውዲ ያሰርአካ ኧውንድ አፏትንረ፤ ኢተርፉታ ሁኖዋ ጭን አያ ኢንአካ አፏትንረ፤ ባቴ ኧዋዳ ኢቨቃካ ማንተን? 17. ኢና ኧጎይታ ቃር ኧቂጥ ግቭር ቁራቆርም ያስሮታ አአታት ሰቨኸ አኸነዳ ዘንጋ ጭን በሰተድ ሂንራ ተጎይታይ ኧትኬሸኔ ኧኸሬ በጎይታ ኢፍቲ በክርስቶስ ኸነ ንዝኪነ።