¹ ማንኝእ ሰቭ ኧቤተ ክርስቲያን መሪ ኢኸሪ ቢሲእ ወሄ ሜና ኢትሜኝ»ይቭካ ቃር ኧታአመረዳን አአር። ² አካ ኧቤተ ክርስቲያን መሪ ዋኸ ኧሁርት አኖወ በአታአአር አይትቀንጥ /አይትነቀፍ አአር/እእማት ምስ ምሽት በልክ ኢይረቭርካ አአር ገግኋ ኢገዛካ አአር/ሂንኋ ኢኢምካ አአር በስርAአት ኢረቭርካ አአር ባዘራ ኢቴኤፐርካ አአር አትሞርት ኢኸነዳ አአር፤ ³ አይሰህር አአር አይትራከስ አአር፡ ጩፒ /ጨዋ/ኧኸረ አአር አይትጭቃጨቅ አአርቪ ዱኒያቭ አይረድ አአር ኢኸሪ ያትሲእ። ⁴ ዴንጋኃ ኢታአዘዥታዪ ሰቭ ያኮቡራ አአር ኢሆሩዋኸ አሬእተ በጨር ኢመራካ አአር ኧሁርት እኖወ ። ⁵ አት ሰቭ ኧገዛ ቢድኋ ኧሙሮት ባይኸርነ ኧተኸ እእግዜሪ ቤተ ክርስቲያን ኧሙሮት ኢይኸነ? ⁶ ትቢት ትቢት ባይተን ሴጣን በወተኧወ ፍርድ አይወድኧኸ ወያ አማኝ ኧቤተክርስቲያን መሪ ኧሁርት ኤኖዳ። ⁷ አትብ ሹቭኋ አየኧፋመኸዪ በሴጣኝቭ ሽካ ባይጋአይ ባናአሞሩዋ ሰቪ ወሄ ሹቭ አነነዳ አአር ኢኸሪ ያትሲእ። ⁸ እመኸቭ ዲያቆን ኧትኮቦሩዋ አአር ፤ዉርኤት ቃር አይዝረኩዋ አአር ኖኦራ ወይን ኢሰጩዋይ አይትሜኙዋ አአር ፤ኧዋጋቭ ኖኦራ አአር አይድረነጉዋ ሰቭ ኧሁርት አነወዋ ። ⁹ እእምነትብ አከሲ ምስጥር በወሄ ቀርብሁኖዋ ኦኦሮት አኖወዋ። ¹⁰ ሁኖም አወተረ አመርሁኖዋ ኦኋሪ አታአአር ያትቄንጥካ አአር ቤነወዋ በዲያቆንነድ አጎኩሩዋ። ¹¹ እመኸቭ እሽቻቭ ኧትከበራ አአር ኧሰቭ አያቭአ አአር በልክ ኢረቭራታ አአር ብእንእ አአር ኢታአመራታ አአር ኧሁርት አነቫ ። ¹² ዲያቆናት እእማት ምሽት ምስ ኧሁርት አኖወዋ ፤እመኸቭ ዴንጋሞሁኖዋዪ ቢደ ሰቭመሁኖዋ በጨር ኢሞሮታ ሰብ ኧሁርት አኖወዋ። ¹³ ተጨር አጌከሩዋ ሁኖዋ ኧገግሁኖዋ ኑእ ክብር በክርስቶስ ኢየሱስቭ ባነኖታ እምነት ድፍረት ኢረሁዉዋ። ¹⁴ አሄ ኧቫአይ ተስፋ ቢረቭረዪ ዋ ኪሽር ኧጠፍነኸዴ ፤ ¹⁵ እመዳ ኧጠፍነኸዳ ሁዳ ብናቲር ዳር ሰቭ ብእግዜር ቢድ ኧተኸ ኧቦርት አኖወዋኸ ቲሂርነኸ ፤ቢድቭ ሁዳ እንእ ግዝየ ኢረቭርካ እግዜር ቤተ ክርስቲያን ሁድቭ ኧዉረ ኧኸረ ዋኘድቭ ያትሸኩኮዳቭ ኸየን። ¹⁶ ኧዉረሚየ እእግዜሪ ሰቭ ኧሁርት ምስጥር ጥርጥር አይቫር ኑኡየን አአር፤ ሁድቭ ክርስቶስ፤ «ሰቭ ኸረ አቫአ ፤ ዉረ ኧኸረኸ በመንፈስ ኧትሄረ ፤ ኧመላአይካ ኧትረከቨ፤ አአዛብ ሰቭ እንእ ኤኤጂየዋ፤ በአርዳ ፎር አነዳ ሰቭ እንእ አአመረወ፤ በክብር ኧሳቫይኒየ ኧዋአ»ይቭካን አአር።