¹ ባቴ ትእን አአር ኢፍቲ ኧሳአርት ጠሎትቪ ሽኩርትቭ ኧሰቭ እንእ ፤ኧንጉስቭ ፡ኧዳኘቭ ሁኖውዋ እንእ ትሶኦሩዋኸ ኧቨህርሁዋ። ² እመኸቭ ኢኸርካ ሁዳ ኧዉረሚየ እእግዜሪ ሰቭ ሂይተነ በወሄ አመር ቪ በጥርር ሂን በወገሬትቪ በሽኛትቭ ንረቭርነነኸ። ³ እመዳቭ ባተነፈንረ ብእግዜር ኢፍቲ ወሄምቭ ኢሽርካምን አአር። ⁴ ሁድቭ ሰቭ እንእ ኢተርፍመኸዪ ኧዉረአአር ኧኸረ ሁዳ ኢሂርዋኸ ኢሲእ። ⁵ እማት እግዜር አነ እመኸቭ በሰቭቪ ብእግዜርቭ ግት ገፓታ ያቊያምጥካ አአር አት አነ ሁድቭ ሰቭ ኧኸረ ክርስቶስ ኢየሱስን ። ⁶ ሁድቭ ኧሰቭ እንእ ተቫጢ ያተርፊ ኧሰቭ ሱጉያ / ሟሪ/ ህትቭ ኸረ እም ዘንጋ በወቅትኋ/ኣሁርት ባኖዳ ግዚየ / ተምሰከረነ ። ⁷ ኢያቭ ኧዋ ወሄ ዋራይ ኢኢድካ ኪሸረኘ አአዛብቭ ኧዉረ ኧኸረ እምነት አስተማሪ ኸርሁ ተሾምሁ ኧዉረቭ አአር ኧዝሬክ ባኸሬ አንፈጥርካ ። ⁸ ባቴ ገማ ብእንእ ኤኤዲ ማአትቪ ውርጀቭ ቴእተዉዋታ ኧትቆደሹዋ ኧጅሁኖዋ ፎረኒየ ንሸተዉዋታ ጠሎት ኢንኦዋኸ ኧሲይእ። ⁹ እመኸ እሽቻቭ በጩፒነድ ገግመህና በጉዦት ወሄ ሁጅር ኧትኸደራ ባኸሬ ጉንኧርህና በትጓጅት ብእንቁ ዌ ዋጋኋ ኑድ በኸረ ሁጂር ቅብጥ ቅብጥ አይቫራ ። ¹⁰ ዘንጋኋ ጭን እእግዜር እእግዜር ንሰግድንነ ይቭራታ እሽቻ ኧተኸ ኧትጌጭት አነቫኸ ኧሃራምታበወሄ ሜና አጊጫ። ¹¹ ምሽት እቁስ ትቫር ፤ተሂንመሻይ በታአዘዥት ትትማር ። ¹² ምሽት እቁስ ትቭረኸ ባኸሬ ኢያ ታትመርሜ ኧህር በቭስ ፎር ዳኝነድ ኢረቭርካይ አፈቅድካ ። ¹³ እመኸቭ ኢኸርካ ሁዳ አዳም በተረ ተፈጠርታ ሄዋን ቲእ ኧትፈጠረችዴ። ¹⁴ አትቭ ተታለለችታ እእግዜር ቂጫ ኧጣሰችቭ ሄዋንኒያ ባኸሬ ኧታለለ አዳም አኸረዳ ፤ተታለለችታ ባጢረተኘ ኧኽርች ሄዋንኒያ ። ¹⁵ ቢኸር ምሽት ብእምነት በርመጀ በትቆደሽትቭ ገግሻ በጉዦት /ሂንሿ ኤምተች/ብትረቭርትከ በኦኝት ትተርፍሴ።