¹ 1 በሽቴ ኧሰማቶ ጎይታ ታትሽሩዋይ ኧምቦርት አነቨሁዋታ ሁዳ ኧተኸ ኧኸረኸ አስተምሁዋቴ ፤ዋአካቭ ጎይታ ኢሽርኩኸ ትረቩሩዋ እመኸ ኧኸሬ በጌታ በኢየሱስ ክርስቶስ ንሰኧርኔኩዋቴይቭ ሁዳ በዋዳ ትእም ኢረእካ አአር ትደዉሩዋ ታሩዋነኸ ። ² 2 ጌታ ኢየሱስ ባቨንረ ዳኝነድ ምር ኧንኦዋ ኧቫርኔኩዋኸ አሁም ቲሂሩዋ ። ³ 3 ኧጎይታ ፍ?ድ ተረኮዊኸ ሁጅር ተዱሙጅት ቲቬጥሩዋነኸ ። ⁴ 4 ህመኸቭ እንኋ ኦጧ ኦጣኋ ኧገግኋይ ምሲየ በቩጭርነድቪ በክብርቭ ኦኦሮት አኖወ ። ⁵ 5 እመዳቭ ጎይታ አይሂሩዋ አአረዊ ሰቨኸ ኧረከዊኸ ሁጅር በዱሙጅት ተመኛት አይህር ። ⁶ 6 ብእም ዘንጋ አትዎኋ ተድቫቨይተታ ክርስቲያን ኧሰምኋ አይቄቅ እእም ኢፍቲ ኤኤድኔኩዋመኸዪ አትጬፔኔኩዋመኸጌታ ኧዋኸ ባጢር ኤፐ ሰቭ እንእ ኧጅኋ ኢከስነ። ⁷ 7 ጎይታ ና ኧሸፐተንረ ሁዳ ተቫጢር ምጠይተነ ንቭርነኔ ባኸሬ ባጢር ኔቭነ ንረቭርኔ አኸረዳ ። ⁸ 8 በዋቴ ዋ ምክር አንቴኤፐርካ ባረ ኧቀንጠን ሰቭ ሙጭር መንፈስኋ አቨናሁም ጎይታንራ ባኸሬ ኧኧሰቭ አኸረዳ ። ⁹ 9 ዋቴ ኧኧሰማት ተኧሰማት ንመጀ አአር አትሞኋ ኢጠፍነሁይ አያትሲእካ ኧር ? ገተገጋሁዋ ትትራሞጁዋዀ አሁዋ ኧገጋሁዋ ጎይታ አትመረናሁም። ¹⁰ 10 በሜቅዶኒያ ገኘ እንእ አኖዉታ ኧሰማትራ ኢረጅኩዋኸ ኧትሄረዳን አአር ፤ዘንጋኋ ጭን ትእም ኢረእካ አአር ትትደዉርኰ ታሩዋኸ ንቨህርኔኩዋ ። ¹¹ 11 በሽናት ቩሩዋኸ ታትዋቁሩዋመኸዪ ኧገግማሁዋይ ዘንጋ ኢኢፍቲ ታጎኦዋሜ ኧዋ ኢፍቲ ኤኤድኔኩዋመኸ በገጋሁዋይ ኧጅ ያትሲሁዋታ አአር ቴዉዋመኸ ። ¹² 12 ብእም ኧቫአ ባናአሞሩ ሰቭ ኢፍቲ ወሄነ ኢቴኤድነሁዋሴ ፤አአትሞኋቭ ታታጀጉ ትቦሩዋሴ ። ¹³ 13 ኧቶ ኧዎጁዋ ሰቭ አአር በሲይተሁዋ ቲሂሩዋይ ንሲኢነ ህመኸቭ አታአር ተስፋ ኤነነዋ ሰቭኸ ትትዉዋይ አንሲኢነዳ ። ¹⁴ 14 ኢየሱስ ኧዎደንደመኸዪ ተቩድ ኧትረሳመኸ ባአመርነ በኢየሱስ አሞርሙ ኧዎጁዋ ሰቭ ግጎታ ተክርስቶስ እማቲ ያቫአኮቴ ። ¹⁵ 15 ተጌታ የሱስ ክርስቶስ ኧቴኤፐርኔ ቃረኸ ኒኢድኔኩዋታ ሁዳ ዋኸትን ፤ጌታ ኢየሱስ ቲቫአስን ባአያንራ ንረቭርነዳ ሰቭ ተዎጁዋ ሰቭ እንቨድርነዳ። ¹⁶ 16 ኧትዛዝ ቃር ኧመላአይካ አላቃ ቃር ኧጎይታቭ ጥሩምቧ ኢሶዉዴ ፤ጌታ ጌታ ኢየሱስ ገግኋ ተሳቯይ ኢዎትኬ ፤በክርስቶስአሞርሙታ ኧዎጁም ሰቭ ብደይተዉዋ ቱዉድ ኢትረሸቴ ። ¹⁷ 17 ተህም ቀጥወ ባአያ አነነዳ ኢና ጎይታ በሳቫይ ቴኤፐርነዪ ተሁኖም እማቲ ኧሳቫይኒየ ንዋአነዴ ፤ኧዘላለም ተጌታ የሱስ እማቲ ንረቭርነዴ። ¹⁸ 18 እመኸቭ ኧኸሬ በዋ ቃር አሁም ታሁም ተቁሟሞሩዋ።