¹ 1 እመኸ ኧኸሬ ተዋ ኢረእካ አአር ኦኦሮት አኸረንሬ ኧኸሬ ኦጣመንራ ባአቴና ከተማ ኦኦኩሽት ወሄን አአር ባርነ ። ² 2 ብእምታሁዋ ያትፓፓሁዋመኸዪ ያቁሟሙርሁዋሜ ኧሰምመንራዪ ኧክርስቶስቭ ወንጌል ቲና እማቲ ኧጎይታ አገልጋይ ኧኸረ ጢሞቲዮስ ኬሸኔነኩም. ³ 3 እመዳቭ በዋ በሰአቨሁዋ ወቀሳ አትሞኋ ዋመዪ ሃመይቭ አይቭርነኸ እም መከራ ኢና አቩንረ ሟር አሁም አሁምገሁዋ ቲሂሩዋ ። ⁴ 4 ዉረቭ ታሁዋ ታነነ መከራ ኢሰርአቨንረኸ እንእ ግዚየ ኒኢድኔኩዋ ባንደ ፤እኩ አሁም ቲሂሪመኸ ኒኢድኔዋ ኧረፐረ ሁዳ ኧቫርኔኩዋመኸ ኸረ ። ⁵ 5 ብእም ኧቫአ በዋቴ ኦኦሮት አኸረኒ ኧኸሬ ብእምነታሁዋ ኧተኸ ኧኸርሁዋኸ ንሃር ባሁታ ጢሞትዮስ አሁዋይ ኬሸሁን ፤ሁድቭ ኤኬሸሁን ሁዳ አካ ሴጣን አድቫፐረናሁምታ እመኧኸ ቄጥነ ኢህርሰዪ?ባሁ ፈኘሁታንዳ ። ⁶ 6 ዋአካ ጭን ጢሞትዮስ ታሁዋይ ኢናይ ማአታ እእምነማሁ አአርቪ ኧርመጀማሁዋ አአር ኤኤደንረ ፤አትቭ ኢና እንእ ግዚየ በወሄነድ ንዘድኔኩዋመኸዪ ናኔኩሜ ኤራሁዋ ያትሲኧንረዳቭ አአህርአሁም ኢና ታዥንሬ ኤርንራ ያትሲእሁዋኸ ኤኤደንረ ። ⁷ 7 ኧሰማቶ እመኸ ኧኸሬ ፤ባሳርትቪ በሮኦራቭ ጅጛረ ከስር ብኸርነ ቦሄ እምነታሁዋ ኧቫአ ተቁሟሞርነ ። ⁸ 8 አሁዋ በጌታ በኢየሱስ ክርስቶስቲቭኧተሁዋ በትሶጎዉታሁዋ አያ ኸርነ ንረቭርነ ። ⁹ 9 ባሁዋ ኧቫአ ኧጎይታንራ ሽኩር ኒቭኔ ፤ ባሁም ኧቫአ ብሁዳ ኢፍቲ በሳረንረ ኧሳርት ጎይታ ናትሸኩርኔ ። ¹⁰ 10 ሃአይተነ ናዥኔኩዋመዪ ብእምነትማሁ ኧቀፐረቨሁዋ አአር ንቬንአኔነኩዋይ ዋአና ተሳአረ አትቫቀርነ ንጠልይነ። ¹¹ 11 ዋአካቭ ቢኸር ጎይታመንራ ባመንራ ጌታመንራ ኢየሱ ክርስቶስ አሁዋይ ንቫአነኸ መያንራ ኧባርክንረ ። ¹² 12 ኢናቭ ንረምድኔኩዋኸ አሁም ታሁም እነነሁዋታ ንመጀዪ ኤኤኛብ ሰቭ አነነሁዋታ ንመጀ ጎታ ኢእካአአር ኧድነሁዋ ኧድብስነሁዋቭ። ¹³ 13 ጌታንራ ኢየሱስ ክርስቶስ ሁዳ ታአሞሩ ክርስቲያን እንእ እማቲ ቲቫአካ ባአባንራ በጎይታ ኢፍቲ ቅነጨ ኤነቨሁዋ ጥርር አአር ሂተሁዋ ትትረኮዉዋኸ ሁዳ ሂናሁዋ አጣዉርነሁዋ ።