¹ ኢያ መብት አነኒዳ ሰቭ አኸርኋ ? ኧክርስቶስ ኪሸረኘሁ አኸርኋ?ጌታ ኢየሱስሁ አናሸሁዳ? አሁህ ቄጥሁ በክርስቶስ ኧረከኩ ዋ ዱኒያሸኛ አኸርሁዋታ? ² ኧኧኛ ሰቭ ኪሸረኘ ባንኸር፥ አሁዋ ጭን ውረቭ ኪሸረኘሁ፤ ኧክርስቭ ኪሸረኘ ኧኸርዀኸ ኢትጬጉወዳ ማተም አሁትንሁዋ ። ³ ኢምሮሙርኝዳ ሰቭ ኢኮታ መልስ ዋዳን፥ ⁴ ባቴ ኢያ ኧቨርአመዪ ኧሰጭሜ መብት ኤነኒዳ? ⁵ ኧኧኛ ኪሸረኘኸ ኧጌታ ኧኢየሱሲ ኪረኘመኸዪ ኬፋመኸ ኢናሁ አማኝ ምሽት ጥጭተነ ንዠኔ መብት ኤነረዳ ? ⁶ ተላተነ ኧምቦርት አነቨንረዳ እማትኢያቪ በርናባስንሬ? ⁷ አካ በገግኋ ዱንያ ወታደር ኸረ ኢትዋካካ ሰቭ ማንተን? ቃዋ ኧፐረታ ቡስር አይራጭ ሰቭ ማንተን? አሬእ አከረታ አይቭ አያርቭ ሰቭ ማንተን? ⁸ ዋዳ ኧዝሬካ ሁዳ አሰቭ አሳብነኸዪ?ኧ ሙሴ ቂጫሽ እመኸቭ ይርሽ አሀራ? ⁹ በውሴ ቂጫ «ባአውድ ጤፍ ኢደርኰዳ ባውራ አቃኋ አተኧግድ » ቧርም ጣᎉ ፤ ባቴ ጎይታ አአትጨነቀን ውረ ኧዋውራ ዘጋኒ? ¹⁰ ጎይታ ዋዳ ኧረ ሁዳ ኢናአር አትጨነቀን ታንዳሽ አሀራ? አጣᎉ ሁዳ ውረቭ ኢናትናአር፤ ቻዋጅ ኢቹድካ ሁዳ ፣ጤፍ ኢደርኰዳ ባውራ ቴፍ ኢደርካ ሁዳ ሟር አነኒ ባረ ታ። ¹¹ ኢና አአሁዋ መንፈሳዊ ዝይኧተኔነኩዋታ አሁዋ ኢና ያትኬሸንረዳአር ብቲውንረ ኖኦራ በጋኒ ? ¹² ቡችርሁኗ ታሁ ዋ መብት በረከውዋጋሁ ኢና ተሀ ኢረእካአር ኧክውት ኤነቨንዳ? ኢና ጭን በዋ መብት አንጠቀምኔኮዳ፤ ኢረእ ኧክርስቶስ ወንጌ እቁርፊት ባንኸኔ እንእአአር ንፈርህነ። ¹³ በቤተመቅደስ ያጌክርታ ሰቭ ሸረድሁኋ ተቬተመቅደስ ረሁዋመኸዪ፣ ፈቸድ ቢንኦኮዳ ኤኤዲ ያጌኪርታ ሰቭ ተፈቸድ ሂዳ ሟር አነነዋኸ አትሂርታ ? ¹⁴ እመኸቭ ወንጌጅ ኢኢጅታ ሰቭ ኢረውርኴ ያትኬሽኮታአር ኢቴኤፖሩዋኸ ኢየሱስ ኤዘዘ። ^{15 16} ወንግውል አአውጅትኛ አያድጌያኪሴዳ ወንጌል ኢኢድካ ሁዳ ግርድ ኧኸረቪዴ። ¹⁷ በፍቃድኛ ወንጌል ብንኢድ ሽልማት አነኒ፤ ባኔኤድሁ ጭን ግርድኛ ። ¹⁸ ባቴ ሽልማትሆኛ ምርእፈድን ? ሽልማትሆኛ መብትኛ ቴእተሁታ ታይኮሽኒ ወንጌል አአውጅትን። ¹⁹ ኢያ ነፃሰቭንሁ፣አአትዎሀቭ ባሬያ አኸርኋ፤ዘንጋ ጭን ኖራ ሰቭ ኧክርቶሲ ኧዠፕሪ ትንር ገግኛ ሰቭ እንእ ባያ ኤፐሁ። ²⁰ ኧይሁዳ ሰቭ ኧፕሪ፥ ትንር ተይሁዳ ሰቭ ኧይሁዳ ሰቨኸ ኸርሁ፤በቂጫ ኢረርታ ሰቭ ኧዠፕሪ ትንር ኧቂጫሁኗኸ ነፐሁ ፤ ቢኸር ጭን ቂጫሁኗ አንገዛይዳ። ²¹ ጎይታ አቬ ቂጫ ቢረቭሬትቪ ፣በክርስቶ ትዛዝ ብነቭርቭ ቂጫ ኤነኗ ሰቭ ኧዠፕሪ ትንር ቂጫ ኤነነ ሰቭኸ ኸርሁ። ²² በእምነትሁኗ ኧቄጩዋ ሁኗ ኧዠፕሪ ትንር ተቂጨኘ ሁኗ ቂጨኘ ኸርሁ ። ቢኸኒዳአር እንእ አታትሁኗ አተርፊ ትንር ትንእዎኋ እንእአአር ኸርሁ። ²³ ዋዳ እንእ ኤካ ሁዳ ተወንጌል በረካ ኧትሻከዲ ፣ኧወጌል ባሁ ታነዳን ። ²⁴ 24. ቢትራውኡኰዳ ኸቭር ኢትራውኡታ ሰቭ ኖኦራአር ቢሆርም፣ ሽልማት ኢቴኤፐርካ ሁዳ እማት ሰቭ ኧኸረኸ አትሂታ? እመኸ ኧኸሬ ሽልማት ኢቴኤፐርካ ሰቨኸ ተራውኡዋ። ²⁵ ኢትውዳደሪ ኢትዘጋጅካ ሰቭ ብእንአአር አደብ ኧጥጭት አነወ፤ ሁኗ አላፊ ጠፊ አክሊል ኢረሁዋይ ኢቂጩዋ ፤ኢና ጭን አየኧፋ አክሊ ንረህቭኔ ንቂ። ²⁶ እመኸ ኧኸሬ ኢያ ኢሰርወዳ ኤኤዲ አሂር ሰቨኸ እመኸ አንትራውካ፤ ንፋስ ኢጀክካ ሰቨኸ እመኸ አንድጌያመድካ። ²⁷ ዘንጋ ጭን ኧኧኛ ሰቭ ወንጌል አውጅተሁታ ኢያ ውዳቂ አንኸረኸእ ገግኛ ጁሽተሁ ኧግይታ ኢድገዛኸ ኢንኩዴ።