¹ ኧጣፍሁኒ ዘንጋአር ሰቭ ኧቪድኋ ባይኸር ወሄናአር ፤ ² ዘንጋ ጭን ሰቭ ኧረከቨኸ ሁጅር ባይደምዲ እንእዎኋ ኧገግ ገግኋ ምሽት ትምበርኩ ፤ እሽቻቭ ኧገግ ገግህና ምስ ኧምበርካ። ³ ምስ ኧቭሽትኋ ያትሲእካዳአር እንእ ኧንአና ፤ ህመኸ ምሽትቭ ኧቭስሻ ኦንኧት አነቫዳአር እንእ ተንነ። ⁴ ምሽት አካልሻ እማት ኧሂዳአር አኽረንዳ ፤ ኧቭስምነሻአር ህመኸቭ ምስ አካልኋ እማት ኧሁዳአር አኸረንዳ፤ ኧቭሽትምነኋአር። ⁵ በጠሎት ትትቋጠውዋይ ኧቀሪ ቀረ ባህእሬ ፥ ገግተገጋሁዋ ባአይ አትዌርዋ ፤ አቅል ኧጉዠት ኤምተናሁዋታ ፥ ሴጣን አያሳስትሁዋኸ ሀአውምታ እማቲ ሁርዋ። ⁶ ዋዳ እሁዋታ ሁዳ ጭን ኧቭህነኸባሀሬ ትዛዝ አኸረዳ። ⁷ ሰቭ እንእ ኢያመኸ ምሽት ታያጋአ ቢረቭር ኢሳሬ ባነደ ፤ ዘንጋ ጭን ሰቭ እንእ ተጎይታይ ኧቴኤፐረን ኧገግኋ ኧኸረ ስጦታ አነነ፤ አት ሰቭ አት አይነት ስጦታ ቲረቭርኩዳ ቡችርቭ ሰቭ ኧኛ አይነት ስጦታ አነነ፤ ⁸ እናገፓምቪ ማመህና ኧዎጁኳ እሽቻ ዋኸትን ኧቨህርካታ ሁዳ ዋኸትን ኢያመኸ ታያጋአ ቢረቭራ ወሄናአር። ⁹ ዘንጋ ጭን አቅል ኧጉዠት ቤኤመና አግቭአ ፤በተኛት ተዛዠትቭ አጉኧት ኢፈዝ። ¹⁰ 10. አናጎፖዋ ሰቭ ጭን ኢኢዝዝኮታ ትዛዝ ዋኸትን እን ትዛ ኧጌታ ትዛዝን ባሀሬ ኢያይ ትዛዝ አኸረዳ፤ ምሽት ተቭስሻ አትቫይተር፤ ¹¹ በትቫተረች ጭን ታታጋአ ትምበር፤ ሀ በበኸረ ተቭስሻ ትጥቄያቨጥ፤ብ ምስቭ ምሽትኋ አይግፍር። ¹² v 12. ኧውችርሁኗ እኮታ ሁዳ ጭን ዋኸትን ፥ እመዳቭ እካ ሁዳ ኢያትንሁ ባሀሬ ጌታ አኸረዳ አት ክርስቲያን ምሽት አኸረች ምሽት አነቸነዳ ምስ ምሽትኋ ተሁዳ እማቲ ትረቭሪ በስውኤች አግፍርካ። ¹³ አናአቨረቭ ምስ አነናዳ ክርስቲያን ምሽት ምስሻ ተሂዳ እማቲ ኢረቭሪ በሴኧ ቴእተቸን አትሆር። ¹⁴ ምስ ክርስቲያን አኽረ ምስ በቭሽትኋ ኧቫአ ኧጎይታይ ቢቴኤነቭ ማን ኢሂር ? አናአመረችቭ ምሽት አነቸነኸዳ ምስ ባኸ ኧቫአ ኧጎይታይ ብቴኤነቭ አኸ ምር ትሂ?ሀበኸረ ዴጋሁዋ ጎይታአር አሆርታ፤እማቲ በረፐርሁዋ ን ዴንጋሁዋ ጎታአር ኢሆሩዋ ። ¹⁵ ዘንጋ ጭን አናአመረ ሁዳ ንትቫይተር በቫረ ኧትቫይተር፤አት ክርስቲያን ዌ ኧተም በዋሀአር ኧታአኮጁዋአር አሆርታ፤ጎይታ ኧኸናንረ ሁዳ ቦገሬት ንረቭነኔ። ¹⁶ ምሽቶ ባሻ ኧቫአ ምሳሽ ኧጎይታይ በቴኤነቨ ምር ሀርሽም? ምሶ አኸሁ ምሽታኸ ባኸ ኧቫአ ኧጎይታይ ብቴኤነቭ ምር ትሂር? እንእዎኋጎይታ ባቨን ስጦታቪ ፣ ጎይታ ቲኸራኩዳ ኧረፐረመኸ ኧምበር፤አአብያተ ክርስቲያን አአሁን ቂጫቭ እመዳምን። ^{17 18} አት ሰቭ ዘገር ባጎፔጋ ክርስቲያን በኸረ ዘገር አናጎፔያአረኸ አይህር ። ዘገር ታያጎኦዪ ክርስቲያን ኧኸረ በኸረ ዘገር አያጉኤ። ¹⁹ ዘገር አጉኧትቭ አናጉአትቭ አያጌኪርካ ዋና ዘንጋ ኧጎይታ ሙርአድ ኧዎንኧትን። ²⁰ እንእዎኋ ጎይታ ቲኸራኩዳ ኧረፐረመኸ ኧምበር። ²¹ ጎይታ ኧኸናናኸ ግዝየ ባሬያ ባነኸዴ?በዋዳ አጠረቅ፤ተቭሪያነድ ትድጌያፈሪ በኸረነኸ ተጌያፈር። ²² ባሬ ያ ኸርኸታ ጎይታ ኧኸናን ሰቭ በክርስቶስ ነጣ ዋአ ፤ህመኸ ጎይታ ቲኸራኩዳ ባሬያ አነፐረ ሰቭ ዋአካ ኧክርስቶስ ባሬያን። ²³ በዋጋ ኧራውኩዋይ ኧኸሬ ኧሰቭ ባሬያ አትሁቱዋ። ²⁴ ኧሰማቶ እንእዎኋ ጎይታ ቲኸራኩዳ ኧፐረመኸ ኧህር ኧምበር ። ²⁵ አናጎፖዋ ዴንጋ ተግሬዳአር ኧቫሬያአር ኤነዳ ፤ቢኸር ተጌታ ምረት ኧትረሳ አአት ኧውርቴ ሰቭኸ ምህር ኧቭህርኴ። ²⁶ ዋ ታነዳ ችግር ኧትረሳ ታታጎኦም እመኸ ብትረውሩዋ ወሄያአር ኢቭስሬ። ²⁷ ባገፓኸ ንግፍር አትቫር፤ ባናፓኸ ናግቭአ አትቫር። ²⁸ ባታጋአ ጭን ባጢር አኔፐኸዳ ፤ አናገፓች ዘየ ገረድ ቢያዎጆያ ባጢር ኧኸረንዳ ፤ዘንጋ ጭን በዋ አለም ያጎኦታ ሰቭ ኖኦራ ጅጓረ ኢስርአዎዋ። ኢያቭ ዋ ችግር አይሰርአወሁዋኸ ኧሲእ። ²⁹ ኧሰማትኞ አሳብኛ ዋኸትን ፥ዘቨርኋ አኧረ በዋቴ ምሽት አነኖታ ገማ ኤነኖዋአረኸ ኧሁርም ኧቦሩዋ ። ³⁰ ኢዎሁታ ሁኖዋ አይዎሁዋአረ፣ኢሽርኮታ ሰቭ አይሽርኮዋአረኸ ኧሁሩዋ፤ ግቭር ኢስሮታ ሰቭ ኧስራዊ ግቭር ኧሁኖዋአር አኸራአረኸ ኧወዝሪ፤ ³¹ አለም ዘንጋ እንእ ያልፍካአር ኧኸሬ ፣በዋ አለም ዱንያ ኢጠቀምካ ሰቭ ፣ አይጠቀማአረኸኧህር ኧምበር። ³² ኢያሽ ታትጨነቁም ትረውርዋይ ኧሲእ። ኧቪድኋ አኸረ ሰቭ ጎይታ ያትሽሪ እማት ኧጎይታአር ያጫምጥ ። ³³ ኧቪድኋ ኣኸረ ሰቭ ጭን ምሽትኋ ያትሽሪ እማት ኧዋ አለማአር ያጫምጥ። ³⁴ ብእም ኧቫአ ሂንኋ ውርኤቲ ኸረ ኧዋርትን፤አናወቼያ ዘየ ገረድ እማት ኧጎይታአር ታጫምጥ፤ ጩመጨመሻ በቨሰርቪ በመንፈስ እማት ኧጎይታአር ኧሁርትን። ³⁵ እመዳቭ እካ ሁዳ አሁዋ ኢፈዝሂዋኸ ባሁ ታነዳን ባሀሬ አቅቨጭሁዋይ ባይተሁ ታነዳ አኸረንዳ፤ ጭሞጨመኛ ሂናሁዋ ውርኤቲ ታይኽርዎሁም ብእማት ሂን ኣጎይታአር ትሆሩዋነኸ። ³⁶ ቢኸርቭ አት ምስ ኧፈቸና ገረድ ተመኛድኋ አደጊተንታ ኧፍረሁት ቤኤመን አግቭአካ ባገፓና ባጢር አኸረንዳ። ³⁷ ዘንጋ ጭን ያጋአይ ተመኛት ቤነነ፣ታናጋአ ኧረቭርኴ በይተ ሂንኋ በትሸከቨነ ባያጋአካ ወሄናአር። ³⁸ እመኸ ኧኸሬ ገረድ ፈቸ አገፓ ሰቭ ወሄያአር ኤፐ፤ አናገፓቭ ስቭ ወሄያአር ኤፐ። ³⁹ አት ምሽት ምስሻ ባአያ ታነ በትዳር ቂጫ ተሁዳ ኧታአከደችዳንያአር፤ ምስሻ በዎደና ጭን ኧሳረና ገማ ታጋአይ ኢኽርአካዳአር ኤነዳ፤ ታጋአኩዳ ምስ ጭን ክርስቲያን ኧሁርት አነወ። ⁴⁰ ኢያኸ በኸረ ጭን ታታጋአ እመኸ ብትረቭር ኢረእ ኧሳርት ትረህቭ፤ ኢያቭ እመዳ ትንካ ኧጎይታ መንፈስ ቲያ አነዳአር ኢቨስሬ።