1 ግት አት ሰቭ ተውችር ሰቭ ሽር ቢረቭርወ ፣ዘንጋኋ ኧክርስቲያን ኢፍቲ አተኧንውትቸኧታ ኧተኽ ደፈረታ ኢትፋንዲ አናአሞሩዋ ሰቭ ኢፍቲ ኤኤነቭ ? 2 ክርስቲያን ሰቭ አት ቀረ ባአለም ሰቭ ኢፎርጁዋኸ አትሂርታ? ባአለም ትፎርጁዋዄ በኽረጋሁ አካ ብእንስ ዘጋ ትርጁዋዄ ኧተኸ አይኸነሁዋታ? 3 እማትበዋ አለም ዘንጋ ታይኸር፣ በላአካ ስ ፎርዋኸ አትሂርታ? 4 ንዴአሁዋ ዘንጋ ቲጠጥሁታ በቬተ ክርስቲያ ከስ ኢቆርጪዮታ ሰቭ ኢፎጁዋይ ሹሚዋ። 5 መዳ እሁዋታ ሁዳ ናቀቭጭሁዋ ባሁ ታነዳ፤ እንዴ በግታሁዋ አትራከሰ ሰቭ ያቄያም ኢቨቃካ አቭቃጥ ሰቭ በግታሁዋ ኤነዳ? 6 ዘንጋ ጭን ኧሰም ኧስምኋ ኢከስሲ ፍርድ ቢድ ያር ፤ሁድ ባያአውርዋ ሰቭ ኢፍቲ ። 8 7 ባቴ አሁም ታሁም ኧትራሆሽታሁዋ ውርደታሁዋ ሰቻ ያዋአወሁዋ።ፍርድ ቢድ ብታርታ ሁዳ ብትጎፎሚ ብትቆቁም አይፈዝካ? 8.አሁዋ ጭን ክርስታን ኧሰማታሁዋ ብቆቅት ገጋሁዋ ትቦድሉዋ። 9 10 11 9. ዌ አይቴኤዠዡዋ ሰቭ ኧጎይታ መንግስት አይጎኦዋኸ አትሂታ? በዋ ዘንጋ አትቄቆሁዋ ፤ ትእሽቻ ዘግዘግ ዩርታ ሰቭ ፣ኧቅርኘ ኢጌቡርታ ሰቭ፣ ኧረከውዋኸ ሁጅር ኢደሙጅታ ሰቭ ፣ ምሽት ተቭሽት፣ ዌ ምስ ተቭስ ሁጅር ኢደሙጅታ ሰቭ ፣ 10. ዌ ፈጌያ ፣ተረኮውዋአር ዘግ ዘግ ዩርታ ሰቭ፣ ያሰህርካ መጠጥ ሰጮም ኢሶሁታ ሰቭ ፣ያትቃንውታ ሰቭ፣ ኧሰቭ ንቭረድ ኢረጥቁታ ሰቭ ፣ኧጎይታ መንግስት አይጎኦታ። 11.ታሁ ም ታታሁዋ እመኸ ባነቨሁዋተ፤ ዋአቨካ ጭን በጌታ በኢየሱስ ክርስቶስ ሹውቪ ፣በጎይታንራቭ መንፈስ ታኧሁም መጠርሁምታ ተነፍሁም። 12 13 12. « እንእአር ተፈቀደ» ቢኸርቭ እንእዎሁኗ አያጌኪርታ፤ «እንእአአር ተፈቀደ » ቢኸርቭ አአትዎሁኗ ባሬያ አንኸርካ። 13. « ህመኸቭ ሸረድ ኧከስን ከስቭ ኧሸረድን » ጎይታ ጭን እንእዎሁኗ ያአፋኮዋ ፤ ምስየንራ ኧጎይታናአር ባሀሬ ኧረከዊኸ ሁጅር ኢደሙጅኰዳአር አኸረዳ፤ ጌታ ኢየሱስቭ ኧቭስየናአር። 14 15 14. ጎይታ ኧጌታ የሱስ ተውንድ ኧረሳንመኸ ፣ ኢናቭ በሩእ ጦናኋ ተውንድ ኢረንሳንረዴ። 15. ምስያሁዋ ኧክርስቶስ አካላት ኧኸረኸ አትሂርታ? ባቴ ኧክርርስቶስ አካላት ውሽተሁታ ተረከቨች ሰቭ ሁጅር ትደምድካ ምሽት ምስየ ንኪራሲ? እሸኸሽ ስርም አይኸርካ። 16 17 16. ዌ ተረከቨቸን ሰቭ ሁጅር ትደምድካ ምሽት እማቲ ኢወኧርካ ሰቭ ተሂዳ እማት ምስየ ኧኸረኸ አትሂርታ? «ውርኤቸመሁኗ እማት ምስየ ኢሆርቴ » ቧርም ጣᎉ። 17 ዘንጋ ጭን ተጌታ የሱስ ያድጋፓካ ሰቭ ተሁዳ በመንፈስ እማቲ ኢኸር። 18 18 አካ ኧረኮዊኸ ሁጅር ባደሙጁዋይ ሱሁዋ፤ ሰቭ ዬኩዳ ባጢር እንእ ተአካልኋ ውጪን፤ትዳርኋ ቸኧታ ኧረከቨኸ ሁጅር ኢደምድካ ሰቭ ጭን በገዛ ምስየኋ ባጢር ኢንአ። 19 20 19. አካ ምስያሁዋ በሂናሁዋ ኢረቭርካ መንፈስ ቅዱስ ቤተመቅደስ ኧኸረኸ እትሂርታ? እም መንፈስ ተጎይታ ኧቴኤፐርዂዳናአር። አሁም ኧገጋሁዋአር አኸርሁዋታ። 20. በዱንያቭ ስራውኩም ፤ እመኸ ኧኸሬ በቭስያሁዋ ጎይታ አኩቡሩዋ።