¹ ባቴ ሰቭ እንእ ኢና ኧክርስቶስ አገልጋይመኸዪ ኧጎይታቭ ኧሂንኋ አሳብ አዎኖኰ ሰቭ ኧኘተ ያዠንሬ ያትሲእ። ² አደራአኖዳቭ አሰቭ ሙርቴ ኧሁርት አነወ ፤ ³ ቢኸርቭአሁዋ ዌ ኧኛ ሰቭ ቢያ አጥጨነካ፤ ኢያቭ ስን በገግኛ ኧፈርዲ እንችልካ፤ ⁴ ኢያ ሂንኛ ንጥሁን ፤ቢኸር ተቫጢር ኧቭጠርሁዳንኋአር አንካ ፤ቢያ ኢፈድካ እማት ኢየሱስን። ⁵ እመኸ ኧኸሬ ጌታ ኢየሱስ ኧፍርድ ቶኦትኋ ኢፍቲ ባአት ሰቭ እፈንዱሁዋ ፤ሁዳ ቲቫአካ በጠነቫ ኧደኧር ዘንጋ እንእ ሰቻይ ያአኩሴ፤ህም ግዝየ ሰቭ እንእ ተጎይታ ዋግግግጋኋ ኢተኧቨርሴ። ⁶ ባቴ አሰማቶ አአሁዋ ያጌክርሁዋይ ባሁታ ባሁዋ ዘንጋ ኢያ ገግመኛቪ አጵሎስቭ መርኸት ኤፐሁ አቴኤቭነኩም ፤እመዳቭ ኤፐሁ ሁዳ ፣« ተጣᎉ ቃር አድቭርወ»ይቭካ ምህር ቲና ትትሟርዋኔ እመኸ ኧኸሬ ባት ሰቭ ሂናሁዋ አውየተሁዋታ ኧኛ ሰቭ አትቁርጩዋ ⁷ ትሁርትሞኋ አኸ ተኧኛ ሰቭ በቭር ትትረእ እንቴኤፐርኸናአር ኧገጋኸ ኧኸራአ ምር አነ በቴፐርኸጋረሁ አንቴኤፐረ ሰቨኸ አትጋኬዝ ። ⁸ ዋአካሽ ያትሲኢሁዋታአር እንእ ነከሁም ፤ደንገኘቭ ኸርሁም ፤ቲና ተቫይተርሁም ነገስሁም ፤ ኧውረ ተረገስሁዋሽ ኢናቭ ታሁም ንገስንነባነደ። ⁹ ጎይታ ኢና ኪሸረኘኋ ሙድ ተፈደዎምታ ኢዎጅኰዳ ኤኤዲ ቲዎስጂዮታ ሰቭ ኢኢአጋድ አወናንራኣር ዋኢቨስሬ፤ ብእም ኧቫአ ኧፍጥረት እንእ መሳቄያ ኸነ። ¹⁰ ኢና ኧክርስቶስ ባነታ ጋዋ ኸነ፤ አሁዋ ጭን በክርስቶስ አዮ ኸርሁም ፤ኢናቭ ቂጨኘአአር ኸነ፤ አሁዋ ጭን አርወተኛአር አርወተኘንሁዋአር ፤ አሁዋ ኧትከበሁዋታንሁዋአር፤ ኢና ጭን ኧትዋረድነዳንራአር ። ¹¹ ኢና ኢገደንረ ፣ ኢጠቫንረ ፣ ኢዠሸንረ ፣ ኢደርጉንረ ቢድቭ አይቫር ንዛፕትነ። ¹² በገግን ራይ ኧጅ አፐነ ንቂጥነ ፤ ቲሰድውንረዳቭ ንደንነ ፤ቲሰድጅንረዳቭ ንፈርህነ ። ¹³ ሹውንራ ቲያአፎንረዳ ወሄአር ንዠፕነ ፤ ዋአካቭ አአፈር ያሽሺዳ እሻሸ ኢቃሺዳቭ ቆሻሻ ኽነ። ¹⁴ ዋዳ ኧጠፍነሁዋታ ሁዳ ኧረድሁዋታ ዴንጋኛኸ ኧኝኧተሁ ኧቨህርሁዋኔ ባሀሬ አቅቨጭሁዋይ ባይተሁታ አኸረዳ ። ¹⁵ ማእየ በሁ ኢትዌዘርታ አዌድ ቢረውርኩም ፣ኖኦራ አቭ ጭን ኤነውነኩዋታ፤ኢያ ጭን በወንጌል በክርስቶስ ኢየሱስ ኤኘኩም። ¹⁶ እመኸ ኧኸሬ ኢያ ትወስሩዋኸ ኧሰኧርሁዋ። ¹⁷ ብእም ኧቫአ ኢረጂዳቪ ያአውሪዳቭ በጌታ ኢየሱስ ትከኛ ኧኸረ ጢሞቲዪስ ኬሸነኩም፤ ሁድቭ ቤኤድ ኤኤዲ ባነውታ ቤተ ክርስቲያን እንእ ትናስተምርኩዳ ትምርትኢትስማምአካ በክክርስቶስ ኧረከሁን አዲስ ኧሂዎት መያ ሁዳ ያአውድሁዋሴ ። ¹⁸ ታሁዋ ግት አታት ሰቭ አሁዋይ እአቫአአር አንቫአአር መስብአረኖምታ ተጋኬዡም። ¹⁹ ቢኸርቭ ኧጎይታ ፍቃድ በኸረ ካች ባይተሁ አሁዋይ ኧቫአኴ፤ ተህም ቀጥወ ሀ ኢትጋኬሽታ ሰቭ ፣ እማት ኢዝሮኲዳ ቃር ታይኸርቭ ደረግሞሁኗ አሽኮይ ኧሲእ። ²⁰ .እመዳቭ ኧጎይታ መንግስት ኢትሄርካ ሁዳ በጎይታ ደረግን ባሀሬ እማት በቃር አኸረንዳ። ²¹ ባቴ ትሱኢዳ ሁዳ ኧተዳን አአር ንጥጥ ናአዌ በርመጀቪ በገርነድ መንፈስ