¹ ኧሰማቶ በክርስቶስ አንተፓሁዋ ትከ ኧርሁዋይ ኧኸሬ አባይተረ ሰቨነኸ ባሀሬ በጎይታ ቃር ኧትራኧ ሰቨኸ ኧዝሬክሁዋይ አኸረኒዳ። ² ገና አንተፓሁዋይ ኧኸሬ አይቭ አሰጨኩም ባሀሬ ቱኧ ሸረድ አናቨንአኩዋታ፤ ዋአካቭ ቢኸር ገናንሁዋ። ³ ዋአካቭ ኧገጋሁዋይ አሳብ ቴእተሁዋታ ኧጎይታአር አኸርሁዋታ፤ ዋአካቭ ስን በግታሁዋ ኧሰቫአር ኧዝወርትቪ ሽርቭ ኧቴኤጅት አነ፤ ባቴ ዋዳ ኧጎይታ ሰቭ ኧሁርት ቸኧሁምኧዋ አለም ሰቭ ኧሁርትሻሁዋ አሀራ። ⁴ ታሁዋ ግት አት ሰቭ « ኢያ ኧጳውሎስንኋአር ኧኛማሁዋ» » « ኢያ አአጵሎስንኋር ቱሩዋ እመዳ ኧዋርታሁዋ በክርስቶስ አናአመረ ሰቨኸ ትርውሩዋ ኧዋርትን። ⁵ ዘንጋ ጭን ጳውሎስ ማንተን ? ሁኗ በክርስቶስ ታአዉርዋኸ ኤፐኩዋ አገላይኗ፤ አሁም አአመርሁዋ ሁዳ ሁኗ ኤኤጅኩም ታንዳን ⁶ ኢያ ኧፐርሁ አጵሎስቭ እሀ አሰጨ ፤ አረኧ ጭን ጉይታን። ⁷ ያረእካ ጎይታን ባሃሬ ፥ ኧኧፐረቪ እሃቭ አሰጨ ሁዳ አታአር አሆርታ። ⁸ የኧቭርካ ሁድቪ እሀ ያሰጭካቭ ሁዳ እማትኗ፤ እእንእዎኋ ኧጣ ኧጣኋ ኧቬናኋ ኧገግ ገግኋ ሽልማት ኢቴኤፐርኬ። ⁹ ተጎይታ እማቲ ኒንአነዳንራአር ፤ አሁም ኧጎይታ ቹጃንሁዋ ፤ኧጎይታቭ ቢድንሁዋ። ¹⁰ ተጎይታ በቴቬ ኧቴውት እእህር አአት አአዮ ንፓቭኸ ጉዋር ሸቀርሁ ፤ ኧኛቭ ሰቭ ኢያ በሸቀርሁን ጉዋር ቀነሰታ ያረሽ ፤ ዘንጋ ጭን እንእዎኋ ኧዎጣ ኧዎጣኋ ኧተኸ ያረሸኸ ኧጦፕት አነወ። ¹¹ እመኸ ኧኸሬ ኧሸቆሪ ጉዋር ቴእተታ ሀአቨ ኧኛ ጉዋር ኢሸቅርካ ሰቭ ኤነዳ እም ቢድ ያረሽኴ ኧሸቆሪ ጉዋር ኢየሱስ ክርስቶስን ። ¹² ማንኢሙኋ በዋ በሸቆሪ ጉዋር ጉዋር ፎር በወርቅ ቭ ቢኸር በቭር ዌ በከበረ እቭር ቤኧ ዌ በሳአር ዌ በጋቫ ያረሽካ ሰቭ ቢረቭር ፤ ¹³ ኧዎጣ ኧዎጣኋ በቭር አረሸኸ እንእዎኋይ ሜና ኢትሄርወዳ ኢታሽወዳ ኧፍርድ ቀረ አቫአኴ፤ ህም ቀረ እንእዎኋይ ሜና በቭር ኧቴፐኸ ብእሳድ ፍቲቶ ያዢዴ። ¹⁴ ማንኢሞኋ ኤፐን ሜና ባነኧፋወ ሽልማትኋ ኢቴኤፐ። ¹⁵ ሜናኋ ብእሳድ ኧተደወ ሰቭ ሽልማት ኢወኧርወ ሁዳ ኝን ኢተርፍ ፤ ቢኸርኢተርፍካ ሁዳ ብእሳድ ከስ በጭንቅ ገኢዋአካናአረኸ ¹⁶ አሁዋ ገጋሁዋ ጎይታይ ሙጭር ቢድ ኧኸርሁዋይ፣ ኧኸሬ ኧጎይታ መንፈስ በሂናሁዋ ኢቭር። ¹⁷ ባቴ ማንእየ ሰቭ ኧጎይታይ ሙጭር ቢድ ቢቫንር ፥ ጎይታ ሁድቭ ኢቫንርኩ፤ እም ኧጎይታይ ሙጭር ቢድ አሁትንሁዋ። ¹⁸ አት ገግኋ አቄቅ ማንኢ ሰቭ በዋ አለም ሀሪ ኧኸራአር ቢቨስርኩ፥ ሀሪ ኢኸረኸ ኢያ ጋዋንሁ ኧቫር። ¹⁹ ኧዋ አለም ሀሪነድ ዋኸ ቧርም ኧጣፊመኸ ሁዳ ሃሪ ሁኗ በገግሁኗይ ተንኮል ኢጠጥኮዋ ። ²⁰ ሀአቨ በኧኛ ኤኤዲ ፥ጎይታ ሀነ ዩርታ ሁኗይ ጩመጨ ማንእየአአር ኧኸረኸ ኢሂር። ²¹ እንእአአር አሁዋ ኧኸሬ፥ በዋቴ አትዎኋ በሰቭ ሂንኋ እብያውራ ²² ጳውሎስቭ ኸረ አጵሎስ ዌ ኬፋ እም አለምቭ ኸረ ኧዘላለም አያ ኧሁርት ዌ ሙድ ፣ ዋአካቭ አነዳ አነዳ ሁዳ ኧረገኋ ኢቫአካ ሁዳ፤ እንእ አሁትናአር። ²³ አሁዋ ኧክርስቶስንሁዋአር፤ ክርስቶስ ኧን፤ ጎይታናአር ኢፍበጎይታጋውነድቲ