¹ በቨላአይካ ቃር ምንዝሬክ ንመጀ ቤነኒ ጭን እመኸ ያኸራካ ዶነመኸዪ ፣ኳሽኳሽ ይቭካ ፀናፅነኸ ኸርሁ ኧዋርትን ። ² ኧረገኋ ኢኸርካ ዘንጋ ኧዘጉት ስጦታ ቢረቭሬ ፣ ኧደኧረ ዘንጋቪ ውቀትቭ እንእ ኧኋርት ቢረቭሬ፣ቆቶቭኢደስካ እምነት ቢረቭሬ ንማጀ ጭን ቢረቭሬ ማንእየምንኋ። ³ አነኒዳአር እንእ ኧዚጋ ብኒቭ ፣ምስየመናኛ ብእሳድ ኢረንድደኸ ብኔቭ ፣ ንማጀ ጭን ብርነኒ አታአር አያጌኪሬዳ ። ⁴ ንመጀ ፋራሂን፤ህመኸቭ ሚራን፣ አይድጌያኬስካ፣ ኢኢናᎀ ኣይኽርካ፣ ኑኡነድ አያቲሽካ፤ ⁵ አኸራአር አይዝሬካ ፤ ኢኢያ ኧፍዘዜ አይቭካ፣ኢኢና አይጠጥኩዳ። ⁶ ነጀ ውረ በኸራአር ኢሽርኩ ባሀሬ ፣በውጥጣአር አይሽርኩዳ። ⁷ ንመጀ እንእ ግዝየ ኢፈርህ ፤ እንእዎኋ ያአቭር፣ እንእ ግዝየ ተስፋ ዬቭ ፣ እንእ ግዝየ ተፓ ኢትሸከቭ ። ⁸ ንመጀ ስርም አወድካ ፣ዘንጋ ጭን ኧረገኋ ኢቫአካ ዘንጋ አአውጅት ኢወኧርካናአር፤ ባይሂሪቭ ቃር ኧዘጉት ኢወኧርካናአር ውቀት ቢኸር ኢወኧርካናአር ። ⁹ ኢና ንሂኔዳ ሁዳ ቀሪናአር ፤ኧረገሞኋ ኢኸርካአር ንዝሬኪኔዳ ሁዳ ቀሪናአር። ¹⁰ ቢኸርቭ ሙርአ ኧኸረ ሁዳ ቲቫአካ ቁቁራ ሁዳ ኢወኧርኴ። ¹¹ ትከ ታነሁ ኧትከኸ ኧዝሬክ ባነደ፤ ኧትከመኸ አስብ ባነደ ትከቭ ይቭካአር እእር ባንደ፤በትራእሁ ቀጥወ ኧትከኸ ኧሁርት ቸኣሁን። ¹² ዋአካ ናዥኔዳ ሁዳ በቭስታወድ ያዢዳአረኸ ዥጋግ ኧወተኧወዳናአር በሀ ግዝየ ጭን ኢፍት ቲኢፍት ናዥነዴ ። ዋአካ ኧሂርኩዳ ሁዳ ቀሪናአር፤በሀ ግዝየ ኢያ ገግመኛ ጎይታ ኧሀሬአአህር ጃቪተሁ ኧሂርኴ። ¹³ ባዬ እምነት ተስፋቪ ንማጀ ዋ ሶኦስትሁኗ እንእ ግዝየ ኢረውርቴ፤ ዘንጋ ጭን ትእሞሁኗ ግት ኢረእካ ሁዳ ንማጀን።