¹ ኧሰማትኞ ኧመንፈስ ቅዱስ ስጦታአር ኧውረአአር ትሂሩዋይ ኧሲእ ። ² አረማዊ ኧፐርሁዋ ግዝየ አትሂሪያአር ተሄተርሁታ እሜዩ ህሜ ትቱርዋ ዲዳ ኧሆሩዋ ጣትይ ኢወስሽኩዋ ኧረፐረኸ ትሂሩዋ። ³ ኧመኸ ኧኸሬ አት ሰቭ ኧጎይታ መንፈስ ተኸተይተታ«ኢየሱስ ኧትሰተቨዳናአር ይካ ሰቭ ኤነዳ፤ እምኸቭ በመንፈስ ቅዱስ ባኸሬ፣ አትዎኋ «ዪየሱስ ጌያን ይካ ሰቭ ኤነኸ ናአውድሁዋ። ⁴ ስጦታ ቡችር ቡችር ቢኸር መንፈስ ቅዶስ ጭን እማትን ⁵ አገልግሎት ቡችር ቡችር ቢኸር ጌታ ጭን እማትን፤ ⁶ ሜናቭ ቡችር ቡችር ቢኸር ዘንጋ ጭን አንእአአር ዬካ እማት ጎይታ። ⁷ ዘንጋ ጭንመንፈስ ቅዱስ እንእ ስቭ ኧዎጣ ኧዎጣኋ ኧጉልጭት ኢኩዳ ሁዳ ኧንኣዎኋ ያጌክኔ። ⁸ አታት ስቭ በመንፈስ ቅዱስ እንኋRኢ ዘንጋ ሀይተ ኧዘንጉት ኢቴንኩ ኧኧኛ ሰቭ ብእም መንፈስ በሲየ ኢዝሬከዀ ኧኋርት ቃር ኢቴኩ። ⁹ አአት ሁዳበህም መንፈስ እምነት ኢዊ፤ ኧኧኛኋ ብእም ባአት መንፈስ ሰቭ አፍያ ኦንኧት መንፈስ ኢቴንኩ። ¹⁰ አአት ሁዳ ወጋአር ኦንኧት ፣ኧኧኛኋ ነገ ኢቫአካ ዘንጋ ኧዘንኩት ኢቴንኩ አአት ሁዳ መንፈስ ኧዋይትርት ፣ አአት ሁዳ ባይሂሪ ቃር ኧዘጉት ኧኧኛኋ ባይሂሪ ቃር ኧዝሬኬዊ ሁዳ ስና ብሮ አአውጅት ኢቴኩ። ። ¹¹ ጉት ፣ ኧኧኛኋ መንፈስ ኧዋይትርት ኧኧኛሞኋ ባይሂሪ ቃር ኧዘጉት ኧኧኛቭ ሰቭ ባይሂሪ ቃር ኧዝሬኬዊ ሁዳ ስማ በሮ አአውጅት ዋሁኗ እንእ ኧሀ አአት ኧጎይታ መንፈስ ስጦታ ቲሆርም እእንእ ሁዳ ኧሳረኸ ኧዎጣ ኧዎጣኋ ኢንኩ። ¹² አት አካል ኖኦራ አካላት ቢረውሪእማትአካልን፤ ዘንጋ ጭን አካላት ቢሆርም እማይ አካልን ። ክርስቶስ ህመኸምን። ¹³ ኧይሁዳ ሰቭ ብንኸነቭ ዌ ኧግሪክ ሰቭ ብንኸነ ፣ባሬያ ብንኸነ ዌ ነጣ ሰቭ ብንኸነ እማት አካል ንኸኔ በአት መንፈስ ተጠመቅነ ፤እእንእቨንራ ሀ እት መንፈስ ንሰጭኔ ቴቨንረ። ¹⁴ አካል ኤፖዊ ሁዳ ተሮኦራ ወረድን ባሀሬ ትእማት ወረድ አኸረንዳ። ¹⁵ ኧግር « ኢያ ኧጅ አኸርዂ ኧኸሬ ታአካል ሁኖዋ አኸርኋ ቢይር ዋዳ ኧቫሬ አካል ኧሁርትኋ ኢወኧርኴዪ? ¹⁶ እንዝር «እያ ኤር ኤር አኸርዂ ኧኸሬ አት አካል አኸርኋ » ቢይር ዋኸ ኧቭሬ ኧቭስየ አት አካል ኧሁርትኋ ኢወእኧርኴዪ? ¹⁷ አካል እንእ ኤር ተኸረ ማኸ ኧኘተነ ንሰቭአኔ ባነደ ? አካል እንእ እንዝር ተኸረ በቭርንራ ናሸታኔ ባነደ ? ¹⁸ ዘንጋ ጭን ጎይታ ኧሳረነኸ እንእዎሁኗ ቤኤድ ኤኤድሁኗይ አወናኖም። ¹⁹ እንእዎሁኗ አት ወረድ ኧሆሩዋአር ተኸረ ምስየ ኧቲ ባነደ ? ²⁰ ባቴ አካላት ኖኦራኗአር ፣አካል ጭን እማትን። ²¹ ኤር ኧኧጅ « አታትሲኤዳ» ዩኲ አይችልካ፤ ጉንኧርቭ ኧኧግር «አታትሲኤዳ» ዩኲ እይችልካ ። ²² አቸ ቂጨኘ ኢወስርታ ምስየንራ ኢረእካአር ያትሱኡታኗአር። ²³ ኧቆንጪዮዋአር ኢወስርታ ምስየንራ ኢረእካአር ናከብነየዋ፤ ህመኸ ንቅቨጭኔኮታ ምስየንራ ኢረእካአር ንትጬፕኔነዋ። ²⁴ አንቅቨጭኔኮዋ ምስየንራ ጭን ዋ ኧጠፑት አያትኬሽኮታ ፤ጎይታ ጭን ምስየንራ እንእ እማቲ ቁጥቁጥ ኤፐኖምታ ክብር ኤነኖዋ ሁኗ ኢረእካ ክብር አቨኖም። ²⁵ እመዳ ኤፐ ሁዳ በቭስየንራ እስተሩእ ታይረቭር ገግ ተገግሁኖዋ በቂጥየ ኢታሹዋነኸ። ²⁶ አት ምስየንራ ቲዬእኩዳ እንእ ምስየንራ እማቲ ዬእኮዋ፤ አት ምስየንራ ቲሽርኮታ እንእ ምስየራ እማቲ ኢሽኮዋ። ²⁷ ባቴ አሁም እንእቫሁዋ እማት ኧክርስቶስ ምስየንሁዋ ፤ እንእቫሁዋ እእማት ኧክርስቶስ ምስየንሁዋ። ²⁸ ጎይታ በቬተክርስቲያን ከስ ሐዋርያት ፣ነብያት ፣አስተማሪ፣ወግ ሜና ኢንኧታ ሰቭ ፣ኧጮረን ሰቭ አፍያ ኦንኧትስጦታ አነኖታ ሰቭ፣ኧኧኛ ሰቭ ኧኧጉሽት ስጦታ አነኖታ ሰቭ ፣አስታድርት ስጦታ አነኖታ ሰቭ ባይሂርኩ ቃር ኧዘንጉት ስጦታ ኧነኖታ ሰቭ አወና። ²⁹ እንዎሁኗ ሐዋርያትኗ? እንእዎሁኗ ነቢኗ? እንእኮሁኗ እስተማሪኗ? እንእኮሁኗ ወግ ሜና ኢኢንኦዋ? ³⁰ እንእዎሁኗ ሰቭ አፍያ ኦንኧት ስጦታ አነኖዋ? እንእኮሁኗ ባይሂሪ ቃር ኢዝሮኩዋ? እንእኮሁኗ ባይሂሪ ቃር ኢዝረኩዋ?እንእኮሁኗ ስማ በሮ ኢዝሮኩዋ? ³¹ ዘንጋ ጭን ትንእ ኢረእካ ሁዳ ጎኩርም ሰኡዋ፤ ባቴ ትንእ ኢረእካ መያ አቲሽሁዋቴ።