¹ ኢያ ኧርስቶስ መያ ኧትሄተርሁመኸ አሁም ኢያይ መያ ተሆተሩዋ ። ² ብንእአአር ታስቡኒመኸዪ ኢያቭ አትመርኩዋ ትምርት ጌኬርሁም ኧጠብጥሁዋይ ሳረዪ፤ ³ ጭን ዋዳ ትሂርዋይ ኧሲእ ፤ በቭስ ፎር እንእ ዳኝነድ አነነዳ ዘንጋ ጭንብቭስ እንእ ፎር ዳኝመድ አነነዳ ክርስቶስ ኧኸረኸ፣በቭሽት እንእ ፎር ዳኝነድአነነዳ ምስ ኧኸረኸ በክርስቶስቭ ፎር ዳኝነድ አነነዳ ጎይታ ኧኸረኸ ቲሂሩዋይ ኧሲእ። ⁴ ጉንኧኋ ቱህረፐቨ ኢጠልይካ ዌ ትቢት ኢዝሬካ ምስ እንእ ገግኋ ያትዋርድ። ⁵ ጉንኧርሻ ታትህረፐቭ ትጠልይካ ዌ ትንቢት ትዝሬካ ምሽት እንእ በቭሽት ፎር ዳኝነድ አነነዳ ምስ ታትዋርድ፤ ጉንኧርመሻ ኧትሬኧች አአህርን። ⁶ ምሽት ጉንኧርሻ አትህረፐቭ በኸረ ፣ጉንኧርሻ ትትሬእ፤ጉንኧርሻ ኧትሮእት ጭን፥ጉንኧርሻ ትትኸበቭ። ⁷ ምስ ኧጎይታ መርክቪ ኧጎይታቭ ክብር ኢረከውወዳር ኧኸሬ ጉንኧርኋ ኧትኸቡውት ኤኖዳ ምሽት ጭን ኧቭስ ማረግኒያ። ⁸ እመኸ ኧኸረ ሁዳ ምሽት ተቭስ ነከውያ ባሀሬ ፣ምስ ተቭሽት አነከዊዳ ። ⁹ ህመኸ ምሽት ኧቭስ ፎጠሪያ ባሀሬ ምስ ኧቭሽት አፎጠሪዳ። ¹⁰ ብእም ኧቫአዪ በመላአይካ ኧቫአ ምሽት በቭስ ዳኝነድ ኧሮእትሻ መርኸት ኢኸሪ ጉንኧርሻ ትትሬእ። ¹¹ ቢኸርቭ በጌታ ኢየሱስ ኸነ ትነቭነዳ ምሽት ምስ አይቫር ምስቭ ምሽትአይቫር ኢረውርዋይ አይኽኖታ ። ¹² ምሽት ተቭስ ነከውያ ምስቭ ተቭሽት ኢቴኤኝ ዘንጋ ጭን እንእዎሁኗ ኢፈጥርካ ጎይታን። ^{15 13 14 16} አሁም ፉርጁዋ፤ ምሽት ጉንኧርሻ ታትህረፐቭ በጎይታ ኢፍቲ ኧጠልይት አነቫ ? 14. ምስ ጉንኧርኋ ባዴከ ቀቨጥ ኧኸረኸ ፍጥረት ገግሞኋ አያትመርሁዋታ? 15.ምሽት ጭን ጉንኧርሻ ብታዴክ ኢሽርቫዳ ማረግነሻ፤ዴካቭ ጉንኧር አውያ ሁዳ ትትህረፐኩኔ። 16. ዘንጋ ጭን ማንእየ ሰቭ በዋ ዘንግጋ ሽር ኢቴኤዲ ቢሲእ፣ኢና ዌ ኧጎይታቭ ቤተክርስቲያን ኧኛ ቂጫ ኤኤነንረዳ ። ^{17 18 19} 17. ዘንጋ ጭን ትደሞጅታ ኢጎዳሁዋታ ሜና ባህብሬ ያጌኪርሁዋታአር አቲንኦዋይ ኧኸሬ ዋዳ ትኒኢዝዝሁዋታ አጊያኪስሁዋይ አኸረንዳ። 18. ትንእአአር ኢፍቲ በቬተክርስቲያን ትደሞጅታ በግታሁዋ በመራክስ አነኸ ሰምሁ፤ ኧሰምአሁንቭ ሁዳ አታት ኤኤድኋይ ውረ ኧኸረኸ አመርሁ። 19.ታሁዋ ግተ ሙረቴ ኧሆሩዋ ሁኖዋ ባይቲቶ ኢሂሪዮዋይ መራክስ አየኧይካናአር ። ^{20 21 22} 20. አሁዋ እማቲ ትደሞጅታ ትወሬዳ ሁዳ ጌታ ኢየሱስ ኢዘጉጅኰዳ ሸረድ አከረንዳ ። 21. ትትወርኧታ አት ሁዳ አአት ሁዳ ታይእየ እንእዎኋ ኧገግኋይ ሸረድ ኢቨርአ ፤ አታትኋ ኢገድኩ ፣አታትኋ ጭን ሰጨ ኢሰህር። 22. አካ ተወርኧታ ትሰጭታአር በቪዳሁዋይ ኤነነሁዋታ? ዌ ኧጎይታ ቤተክርስቲያን ቀንጥሁምታ ፥አታአር ኤነኑዋ ሰቭ ታቅወጭዮዋ ? ባቴ ምር ንቫሁዋ ? በዋ ዘንጋ ናጋኪስሁዋ? ስርም አናጋኪስሁዋታ። ^{23 24} 23. ኢያ ተጌታ የሱስ ኧቴኤፐርሁን ሁዳ አአሁዋ አስተማርኩም ፤ እመዳቭ ጌታ ኢየሱስ አዎኦም ባይፖርኰ ቀረ ግት ምሳአረ ዳቦኧ ነሳታ ፥ 24. ጎይታ ባትሸኰረ ቀጥወ ፥ « እኩ ዋዳ አአሁዋ ቲይር ኢዎድካ በሰርነኛ ፤ ኢያ ትዘጉጅኴ ኦንኤ » ባረኖም። ^{27 28 29 30} 27. ባቴ ማንእየ ሰቭ ታይጋአኩ እም ዳቦኧ በቨንአዪ እም ጥዋ በሰጨ ፣ ኧጌታ ኢየሱስ ደቭ ከስ አነወ ። 28. ማንእየ ሰቭ ተዋ ዳቦኧ ተውርኧትሞኋዪ ፣ትእም ጥዋ ተስጠውትኋ ኢፍቲ ፣ ኧተር ገግኋ ኧመርምር። 29. ኧጌታ ኢየሱስ ኧርቫድ ታይጋአኩ ኢቭርአካቪ፣ ኢሰጭካቭ ማንእየ ሰቭ በገግኋ ፎር ፍርድ ያቫአ ። 30. ታሁዋ ግት ኖኦራሁኋ ኧቄጩምቪ ኤኤመኖምቭ ሁዳ ፣ አታትሞሁኗ ኧዎጁም ሁዳ በዋ ኧቫን። ^{33 34} 34. ኧደወጅታሁዋ ኧፍርድ አይኸርዎሁዋኸ ኧጋደን ሰቭ በረፐረ ሸረድ በቪድኋይ ኧቭርአ፤ ተዋ ኧተነፈ ሁዳ አሁዋይ ትንቫአካ አአውድሁዋሴ።