¹ ንመጀ ሶኡዋ ፤ ኧመንፈስ ቅዱስ ስጦታቭ ኢረእካሞኋ ኧረገኋ ኢኸርካ ዘንጋ ኧዘጉት ጎኩርም ሶኡዋ። ² ባይሂሪ ቃር ኢዝሬካ ሰቭ ኧጎይታ ባህእሬ ኧሰቭ አይዝሬካ ፤ ኧደኧረ ዘንጋ በመንፈስ ኢዝሬኪ ኧኸሬ ፥ ኢዝሬኩዳ ሁዳ አአትዎኋ አይጋአኩዳ። ³ ኧረገኋ ኢኸርካ ዘንጋ ኧዘንጉት ጭን ያትሽሪ ፣ ይቁሟሙሪ ፣ያትቫፓይ መዪ ያቁሟሙርሜ ኧሽዐቭ ኢዝሬክ። ⁴ ባይሂሪ ቃር ኢዝሬካ ሰቭ ሰቭ ገግኋ ያትሽ፤ ኧረገኋ ኢኸርካ ዘንጋ ኢዝሬካ ሰቭ፣ ቤተክርስቲያን ያትሽር። ⁵ እንእአሁዋ ብይሂሪ ቃር ብድዝረኩዋ ኢሽሬ፤ ተዋ ኢረእካአር ጭን ኧረገኋ ኢኸርካአር ብድዝረኩዋ ኢሽሬ፤ ቤተክርስቲያን ኢሽርካኸ ባይሂሪ ቃር ኢዝሬካ ሰቭ ኧዝሬከን ሁዳ ስማ በሮ ባኔኤደ ፥ባይሂሪ ቃር ቢዝሬካ ሁዳ ኧረገኋ ኢኸርካ ዘንጋ ኢዝሬካ ሰቭ ኢረእ። ⁶ ባቴ ኧሰማትኞ አሁዋይ ትንቭአካ በጉልጭት ፣ ብውቀት ዌ ኧረገኃ ኢኽርካ ዘንጋ ባአውጅት ዋዳ በትምርት ባናትመርኩዋይ ባይሂሪ ቃር ብንዝሬክ ምር ያጌኪርሁዋቴ? ⁷ ኧቱንትናመኸዪ ፣ኧቨገናመኸ ሉህ ኤነኗ ስን ኧቃሁኗ ቸምና ባቲቶ ኢሂርኰዳአር ቤነኗ ያዎኤዳ ኧመዝሙር ቃር ኧኸረኸ ኧተኸ ኢሂሪ? ⁸ ህመኸ ጥሩምባ አኸረ ቃር ቢያትሴምአ፣ ማን ጋዝ ያሪ ኢትረሳ? ⁹ አሁም ህመኸምንሁዋ ፤ ባአነቨዳሁዋ ባንዝሬኬሁዋይ ትዝረኲዳ ሁዳ ማን ኢሂርኩዴ? ተርፋስ ትዝረኩታናአረኸ ተሆርታ ሁዳ። ¹⁰ ባአፈር ፎር አይነት ቃር አነውዋ፤ ብእም ቃር እንእ ትርጉም ኤነነ ቃር ኤነዳ ። ¹¹ ባቴ አት ሰቭ ትርጉኋ ባህእርሁ ፣ኢዝሬካ ሰቭ ኢያ ባዘራ ኧኸርወ ሁድቭ ኢኢያ ባዘራ ኢኸርቪ። ¹² አሁም ህመኸምንሁዋ ፤ኧመንፈስ ቅዱስ ስጦታ ትረሁዋይ ትሱኡዋይ ኧኸሬ ትንእ ኢረእ ቤተክርስቲያን ትትቁዋᎀርወዳ ስጦታ ጎኩርም ሶኡዋ ። ¹³ እመኸ ኧኸሬ ባይሂሪ ቃር ኢዝሬካ ሰቭ ኧተርጉምት ኢኸነኸ ኧጠልይ። ¹⁴ ኢያ ባይሂሪ ቃር ትንጠልይካ መንፈስኛ ኢጠልይ ፤ ኢያ ጭን ኧዝሬካአር አንሂርካ። ¹⁵ ባቴ ምር ነንአ ? በመንፈስኛ ኧጣልይ፤ በቀርብመኛቭ ቤሰርሁ ኧጠልይ ፤ በመንፈስኛ ኧዘምር ፣ በሂንመኛቭ ትንቬስር ኧዘምር ። ¹⁶ እኰኸ በኸረ አኸ በመንፈስ ጎይታ ትታከብርካ ትኩዳ ሁዳ አይሂር ባዘራ ሰቭኧሽኩርት ጠሎታኸ በቭር ሀይተ« አሚን» ኢቭርሴ? ^{18 17 19} አኸሽ ወሄያአር ጎይታኸ ሸኩር ትር ይርሴ ፥ ኧኛ ሰቭ ጭን አይትቁሟᎀርወዳ።18. ኢያ ትንቫሁዋ ኢረእካአር ባይሂሪ ቃር ኧዝሬኪ ኧኸሬ ጎይታ አትሸኩርኩ። 19. ዘንጋ ጭን በቬተ ክርስቲያን ከስ ኧኛ ሰቭ አአስተምሪ ትንር፣ አስር ሁው፥ ሰቭ አይሂርኩ ቃር ብንዝሬካ ሁዳ አምስት ሰቭ ኢሂርኩዳ ቃር ብንዝሬክ ኢፈዝ። ^{20 21} 20. ኧሰማትኞ ኧውጥጣአር ትከ ሁሩዋ ባሀሬ በወስርታሁዋ ትከ አትሁሩዋ። 21 እመዳቭ « <ባይሂሪ ቃር በሰቭ ገኘቭ ቃር ኧዋ ሰቭ ኧዝሬኴ፤ እመኽ ቢኸርቭ ‹ አይሶኦኝዳ › ይር ጎይታ ቧርም በቂቻንራ ጣᎉ። ^{22 23} 22. እመኸቭ ኧኸሬ ባይሂሪ ቃር ኧዝንጉት አናአሞሩዋ ሰቭ ኢኸርካ መርኸትን ባሀሬ፣ ያአውርታ ሰቭ አኸረዳ ፤ኧረገኋ ኢቴፕካ ኧጎይታ ቃር አአውጅት ጭን ያአውርታ ሁኖትን ባሀሬ አያአውሩዋ ሁኗ አኸረንዳ። 23. ባቴ ኧቬተክርስቲያን አባል ኧሆሩዋ ሰቭ እማቲ በደሞጁዋይ ፣እንእዎሁኗ ባይሂሪ ቃር ቲዝሮኩም ታነውዋ ባዘራ ዌ አያአውሩዋ ሰቭ ሁኖዋ ኧደሞጁኰ ቢድ ቢጎኦዋ ሽረኘ ሆርም አዩርታ? ^{24 25} 24. እንእዎሁኗ ኧረገኋ ኢኸርካ ኧጎይታ ቃር ቲዝረኩም ታነውም ባዘራ ዌ አያአቭር ሰቭ ሁኗ ኧደሞጅኰ ቢድ ቢጋአ ጭን፥ እንእዎኋ በሰምአን ቃር በቫጢርኋ ኢትወቀስ ፤ ህመኸቭ በሰምአን ቃር ኢትፈንድወ። 25. በሂንሞኋ ኧደኧረ ዘንጋ ሰቻ ኢዋአ ፤ ብእመዳ ውረቭ ጎይታ በግትሁኗ አነ፥ በዋርት በጎይታ ኢፍቲ ኢፍቲኢፍት ወተኧታ ኢሰግድ። ^{26 27 28} 26. ኧሰማቶ ባቴ ምር ንቫነ ? ኧጠሎት ትደሞጅታ አት ሁዳ መዝሙር አነነ፣አት ሁዳ ያትመርኩዳ ትምርት አነነ፣አት ሁዳ ኧደኧረዘንጋ አአውችት፣ አአትኋ ባይሂሪ ቃር ኧዘጉ፣ አትቭ ሁዳ ባይሂሪ ቃር ኧዝሬኬዊ ሁዳ ስማ በሮ አአውጅት ስጦታ አነነ፤ባቴ ዋ ስጦታ እንእ በቬተክርስቲያን ኧደሞጁዋ ሰቭ ያቁሟሙርካአር ኧሁርት አነወ። 27. ባይሂሪ ቃር ኢዝሬካ ሰቭ በረፐረ ፥ ውርኤት ዌ ሶኦስት ኧሁርምታ ባአጋጋ ኧዞጉዋ ፤ ኧኛኋ ጭን ፍችኋ አአውድ። 28. ኧዝሬኬዊ ባዘራ ቃር ፍችኋ ኢኢድካ ሰቭ ቤነ ጭን ፥ቁስ ኧዋርምታ ኧገግሞሁኖዋዪ ኧጎይታቭ ኧዘንጉዋ። ^{29 30} 29. ውሬት በህም በደበሰ ሶኦስት ነቢ ኧዘጉዋ፤ ቡችርሁኗ ጭን ሁኗ ኧዝሬኬዊ ቃር ኧጎኩርም ኧፉትሪ። 30. ተቸኖም ሰቭ ግት አት ሰቭ አት ዘንጋ ቢትረከኩ ኢኢፍት ኢዝሬክ ኧረፐረ ሁዳ ቁስ ኧቫር ። ^{31 32 33} 31. እንዎኋ ኢትመርወመዪ ኢትቁሟᎀርሜ እንእቫሁዋ ባአጋጋሁ ኧጎይታ ቃር ትዝሮኩዋይ ትችሉዋ።32 አአት ነቢ መንፈስ ኧኧኛ ነቢ መንፈስ ኢቴኤዘዝ። 33. ጎይታ ኧሰላም ጎይታን ባሀሬ ኧህያድ ጎይታ አኸረንዳ ፤ ኧጎይታ ቤተክርስቲያን ሰቭ ቢደሞጅኰዳ ቤተክርስቲያን እንእ እመኸምን ። ^{34 35 36} 34. በሙሴ ቂጫ እሽቻ ኢቴኤዠዣይ ባሀሬ ኢዝረካይ አይቨቃናይ ኧኸሬ ፥ኧጠሎት በደሞጅኰዳ ቢድ ቁስ ኧቫራ። 35. እሽቻ ኢሂራዪ ኧሴአይ አታት ዘንጋ ቢረቭር በቪድህናይ ኧቭስህና ኧትሳአራይ። ምሽት ኧጠሎት በደሞጅኰ ቢድ በዝሬከች ቀቨጥን። 36. ኧጎይታ ቃር ኧቫአ ሁዳ ታሁትኒ? ዌ ኧቫአ እማት አሁትኔዪ ? ^{37 38} 37.ማንኢሞኋ ነቢንሁ ዌ ኧመንፈስ ቅዱስ ስጦታ አነኒ ይካ ሰቭ ቢረቭር፣ዋ ኧጧፍነኩዋ ሁዳ ኧጎይታ ትዛዝ ኧኸረኸ ኧሀር። 38. ዋዳ አይሂራአር በኸረ ሁድቭ አይኋሪ። ^{39 40} እመኸ ኧኸሬ ኧረገኋ ኢኽርካ ኧጎይታ ቃር ኧዘንጉት ኢረእ ጎኩርም ሶኡዋ፤ ባይሂሪ ቃር ኧዘጉትቭ አትሁርኦዋ ። 40. ዘንጋ ጭን እንእዎሁኗ ባጉዋውኧዪ በጨርቭ ኧህር።