¹ Ati garuu, waan qajeelfama isa sirrii sanaa wajjin wal simatu dubbadhu. ² Akka maanguddoonni warri dhiironni, of hin ganne, kabajamoo, hubatoo ta’anii fi amantiittis jabaa fi obsa qabeeyyii ta’aniif barsiisi. ³ Akkasuma, akka dubartoonni warri maanguddoonni amala isaaniin kabajamoo ta’an, warra maqaa namaa hin ablleesine yookaan wayinii baay’eef garboota kan hin taane, garuu immoo barsiisota waan gaarii akka ta’aniif barsiisi. ⁴ Akkasuma akka dibartoonni warri dargaggoonni abbaa manaa isaanii jaallataniif leenjisi, akkasuma akka isaan ijoollee isaanii jaallataniif. ⁵ akka isaan hubatoota ta’an, qulqulloota, mana eegdota gaarii fi warra abbootii manaa ofii isaaniif abboomaman akka ta’aniif. Sagaleen Waaqayyoos akka waan hamaatti akka hin dubbatamneef. ⁶ Akkasuma, akka dhiironni warri dargaggtooni miira gaarii gargaaramaniif jajjabeessi. ⁷ Karaa hundumaa fakkeenya hojii gaarii godhii ofii kee dhiyeessi. Barsiisa kee keessatti, amanamummaa, ulfina mul’isi. ⁸ Akkasuma, ergaa amanamaa isa cephoo hundmaan ol ta’e; akka namni siin mormu waan gadhee waa’ee keenyaas dubbatu dhabee qaana’utti. ⁹ Warri garboonni gooftotaa isaaniif, waan hundumaan warra abboomaman haa ta’an, isaan gammachiisuuf malee isaaniin falmuuf miti. ¹⁰ Akka isaan jalaa hin hanne, garuu qooda isaa amantii gaarii hundumaa akka argisiisan, karaa hundumaan barsiisa waa’ee Waaqayyo keenya isa fayyisaatti gatii akka kennaniif. ¹¹ Ayyaanni Waaqayyoo fayyina ilmaan namootaaf waan tamsa’eera. ¹² Inni akka nuti Waaqayyoo malee hin jiraannee fi fedhii biyya lafaa dhiifnuuf nu leenjisa; akkasuma jireenya of qabuu, qajeelummaa fi bara kana keessa jireenya Waaqayyoon beekuu. ¹³ Yeroo abdii keenya isa eebbifamaa argachuudhaaf gara fuula duraa ilaallu, mul’achuun ulifna Waaqayyoo keenya isa guddaa fi fayyisaa Yesuus kiristoos. ¹⁴ Yesuus ofii isaa nuuf kennee seera maaleessummaa hundumaa jalaa nu fure, akkasuma ofii isaa saba addaa godhachuudhaaf warra waan gaarii hojjechuudhaaf hawwii qaban . ¹⁵ Waa’ee isaan kanaa dubbadhu, akka namoonni hojjetaniif jajjabeessi, aboo hundumaan qajeelfama kenni. Namni kam illee sin tuffatin.