¹ Akka isaan reerichaa fi warra aboo qabaniif of kennaniif isaa yaadachiisi, akka isaan isaaniif abboomaman, akka isaan hojii gaarii hundumaafis qophaaa’niif. ² akka isaan nama tokko iyyuu hin arrbsine, akka lolaaf hin kakaane, garraamota akka ta’an, namoota hundumaatti gaarummaa akka argisiisan. ³ Nutis yeroo tokko wallaalotaa fi kan hin abboomamne waan turreef. Dogoggorree, fedhaa fi ganmachuu addaa addaatiif garboota turre, hammeenyaa fi jibbaatti jiraanneerra. Nuti warra jibbisiisoo fi wal jibbanis turre. ⁴ Garuu yeroo gaarummaan Waaqayyoo fayyisaa keenyaa fi jaalalli inni ilmaan namoof qabu mul’te, ⁵ Hojii qajaalummaa keenyaan hojjenne miti; garuu araara isaatiin nu fayyise. Dhiqannaa dhalachuu haaraa keessaa fi hafuuraan haara’uu Hafuura Qulqulluutiin. ⁶ Waaqayyo guddisee karaa fayyisaa keenya Yesuus Kirisoos nurratti dhangalaase. ⁷ Kanaaf, ayyaana isaatiin qulloofnee, abdii dhaaltota jireenya bara baraa qabna. ⁸ Ergaan kun amanamaadha. Waantota kana cimsee si gaafachuun barbaada, akka warri Waaqayyootti amanan eeggannaadhaan, hojii gaarii keessatti ofii isaanii hirmaachisaniif. Waantonni namoota hundumaaf gaariidha, bua qabeessas. ⁹ Garuu, falmii akkasumaanii, hidda dhalootaa fi lolaa fi walitti bu’iinsa waa’ee seeraa dhiisi. Waantonni sun bu’aa hin qabani, gatiis hin qabani. ¹⁰ Nama isin gidduutti addaa addummaa uumu, ergaa yeroo tokko yookaan lama akeekkachiiftee booda tuffadhu. ¹¹ Akka namni sun daandii isa qajeelaa irraa jal’ate, cubbuus gochaa jiruu fi offi isaa ceephaa jiru beeki. ¹² Yeroon Arxemaasiin yookiis Xikiqoosin gara keetti erge, akka isaan saffisaan gara koo Niqophoolisiin dhufan, yeroo ganna dabarsuuf murteesse. ¹³ Zenaasii isa abbaa seeraa fi Apholoosiin erguudhaaf waan gochuu dandeessu godhi. Akka homtuu isaanitti hin hir’annetti. ¹⁴ Namoonni keenya hojii gaarii isa fdhii hatattaamaaf ta’u keessatti qooda fudhachuu barachuutu irra jira; ija dhabeessii akka hin taanetti. ¹⁵ Warri anaa wajjin jiran hundumtuu nafaa siif dhaamu. Warra amantii keessatti nu jaallatan nuuf dubbisi. Ayyaanni hunduma keessanii wajjin haa ta’u.