¹ Kanaafuu, warri Kiristoos Yasuus ta’an amma yakkamtoota miti. ² Kristoos Yasuusiin jiraachuukeetiif, seerri Afuuraa seera cubbuu fi du’aa jalaa si baaseera. ³ Seerrii karaa foonii dadhabaa waan ta’eef hojiisaa hojjechuu hin dandeenye. Kanaafuu Waaqayyo cubbuuf jedhee ilma isaa tokkicha fakkii fooniitiin ergudhaan cubbuu balleessee. ⁴ Waaqayyo kanas kan godhe akka nuti, akka fedhii foonii otoo hin taane, akka fedhii Afuuraatti, waan seerichi nurraa barbaadu guutuufidha.. ⁵ Warri akka fedhii foonii jiraatan, waa’ee foonii yaadu; warri akka fedhii Afuuraa jiraatan, garuu, waa’ee Afuuraa yaadu. ⁶ Waa’ee foonii yaaduun du’a dha; waa’ee Afuuraa yaaduun, garuu, jireenyaa fi nagaa dha. ⁷ Akka fedhii fooniitti yaaduun diinummaa Waaqayyooti; yaadni akkasii seera Waaqayyoof hin abboomamu, abboomamuus hin danda'u. ⁸ Warri fedhii fooniif jiraatan,Waaqayyoon hin gammachiisani. ⁹ Afuurri Waaqayyoo yoo dhuguma isin keessa jira ta’e garuu, isin akka fedhii foonii otoo hin taane, akka fedhii Afuura jiraattu. Namni Afuura Kiristoos hin qabne kamuu garuu, kan isaa miti.. ¹⁰ Kiristoos yoo isin keessa jira ta’e, dhaqni keessan sababa cubbuutiif du'aa dha; sababa qajeelummaa keessaniif garuu, Afuurichi jireenya isiniif ta'a. ¹¹ Afuur Waaqayyoo inni Yasuus du'aa kaase isin keessa yoo jiraate, inni Kiristoosiin du'aa kaase, dhaqna keessan isa du'ufis Afuura isaa isa isin keessa jiruutiin jireenya ni kenna. ¹² Egaa yaa obboloottankoo, idaan nurra jira! Fooniif jennee, fedhii fooniif jiraachuu hin qabnu. ¹³ Akka fedhii fooniitti jiraattu yoo ta’e, du'uu keessani; Afuuraan yoo hojiiwwan foonii qaama keessanii ajjeestan garuu, ni jiraattu. ¹⁴ Warri Afuura Waaqayyootiin adeeman hundinuu ilmaan Waaqayyoo ti. ¹⁵ Afuuri isin fudhattan Afuura sodaa isa garbummaa jalatti isin deebisu otoo hin taane, Afuura ittiin guddifamtan, isa “Yaa Abbaa keenyaa” jennee Waaqayyotti iyyannudha!. ¹⁶ Afuurichi mataan isaa afuura keenya waliin ta’uudhaan, nuti ijoollee Waaqayyoo ta'uu keenya dhugaa ni ba'a. ¹⁷ Nuti ijoollee isaa erga taanee, dhaaltota isaas ni taana, dhaaltota Waaqayyoo. Dhugumatti, yoo Kiristoos faana dhiphannee (rakkannee) immoo, isa faana waan ulfina argannuuf, isa wajjiniinis qixxaannee dhaaltota ni taana. ¹⁸ Dhiphinni keenya ammaa (hardhaa), ulfina isa nuuf dhufuuf jedhu waliin yoon madaalee ilaalu, walittuu kan hin dhufne akka ta’ettin lakka’a. ¹⁹ Uumamni hunduu mul'achuu (mul’ina) ijoollee Waaqayyoo hawwiin eeggachaa jiru. ²⁰ Uumamni gatii hin qabu; kunis kan ta’e isaatiin otoo hin taane, isuma isa uumetu akkas isa godhe; haa ta'u malee garuu, akkas ta'uun isaa abdii qaba. ²¹ Kunis kan ta'e, akka uumamni mataan isaa garbummaa badii jalaa ba’uufi, gara bilisummaa ijoollee Waaqayyoo warra ulfina qabaniitti dhufaniifidha. ²² Hanga ammaattis uummanni hunduu walfaana ta’ee akka aaduu fi akka ciniinsifatu ni beekna. ²³ Isa qofaa miti; nuti warri Afuura dura dabarsinee argannee mataan keenyi iyyuu fayyina qaama keenyaa kan ta'e guddisannaa Waaqayyoo hawwiidhaan eegaa waan jirruuf, keessa keenyatti ni aadna. ²⁴ Nuti abdiidhaan fayyinerra; abdiin inni amma argaa jirru garuu abdii miti. Isa argummaa, eenyutu abdataa? ²⁵ Yoo isa ijaan hin argine abdanne garuu, obsaan ni eegganna. ²⁶ Haaluma walfakkaatuun, Afuurris dadhabbii keenyatti ni nu gargaara. Akkam jennee akkatti kadhannu nuti hin beeknu; Afuurri mataa isaatiin garuu haala ibsamuu hin danda’amneen aaduudhaan nuuf in kadhata. ²⁷ Waaqayyo inni waan yaada garaa namaa keessa jiru argu, yaada Afuuraas sababa beekuuf, Afuurri akka fedhii Waaqayyootti warra isaaf qulqullaa'aniif ni kadhata. ²⁸ Waaqayyoon warra jaallatan fi warra kaayyoo isaatiif waamamaniif waan gaarii akka isaaniif hojjetu ni beekna. ²⁹ Ilmi isaa obboloottan hedduu keessaa hangafa akka ta'us, warri inni durumaan dursee beeku ture immoo bifaan akka ilma isaa fakkaatanis murteesseera. ³⁰ Warra duruma dabarsee murteese, isaaniinis ni waame. Warra waame immoo qajeelota isaan godhe. Warra qajeelota godhe immoo ulfina isaani kenne. ³¹ Waa’ee waantota kanaa kanaafuu maal jenna? Waaqayyo yoo nu faana ta’e, eenyutu nu dura dhaabbata? ³² Waaqayyo inni ilma isaa otoo hin mararsiifatin hunduma keenyaaf jedhee dabarsee kennee, attamitti waan hunda ilma isaa wajjin tolaan nuuf hin kennuu? ³³ Warra Waaqayyo filate, eenyutu yakka (himata)? Abbaan firdii (murtii) Waaqayyo dha! ³⁴ Eenyudha inni yakkuu (himatu)? Kan du’e Kiristoos Yasuusidha. Kana irra darbees, kan du’aa kaasammee karaa harka mirgaa Waaqayyootti argamee Waaqayyoon nuuf kadhatuus, Yasuusidha. ³⁵ Jaalala Kiristoss irraa gargar kan nu baasu eenyu? Gidiraa moo muddama,moo ari'atamuu (cunqurfamuu), moo beela, moo qullaa ta'uu, moo balaa, moo haaduu (saanjaa) dha? ³⁶ Akkuma barreeffamee jirutti: "Siif jedhameetu, guyyaa guutuu ajjeefamna nu keessaa in ajjeefamu, akka hoolotaatti lakkaa’amne gorraafamna.” ³⁷ Hunduma kana keessaa darbuudhaan garuu, karaa isa nu jaallatee isa mo’een ni caalla.. ³⁸ Duutis, jireenyis, ergamtooni waaqa irraas, mootummoonnis, waantoonni jiranis, waantoonni dhufanis, humnoonnis, ³⁹ Ol dheerumsis, gadi fageenyis, waantoonni uumamani jiran kan biraas, jaalala Waaqayyoo isa karaa gooftaa keenyaa Kiristoos Yasuus nuuf dhufe irraa gargar nubaasuu akka hin dandeenye amaneera.