¹ “Egaa Yihudiin faayidaa addaa maalii qaba? Akkasumas, bu'aan dhaqna-qabaa maali dha?” ² “Karaa kamiinuu, bu'aa guddaa qaba. Hunda dursee, abdiin Waaqayyoo Yihudootatti kennamuu isaati.” ³ “Yihudoota keessaa kan hin amanne muraasni waan jiraataniif, Waaqayyo amantummaa isaanii maaliif hambisaa?” ⁴ “Kun tasuma hin ta’u. Namni inni kam iyyuu sobduu yoo ta'e illee, Waaqayyo dhugaa dha. Akkuma barreeffamee jiruttis: "Ati yoo dhugaa dubbatta ta’e,, guyyaa murtiin (firdiin) kennamus dhugaa ni argatta. ⁵ “Garuu, yoo sobni kee dhugaa Waaqayyoo argisiise, nuti maal jechu dandeenya? Waaqayyo waan nutti dheekamuu barbaadef nu soba jechuu dandeenyaa? (Falmii namaa fayyadamuu kooti.) ⁶ “Kun tasuma hin ta’u!! Otoo akkas ta’e, Waaqayyo akkam godheetu biyya lafaatti murii kenna?” ⁷ “Garuu, sobni koo dhugaan Waaqayyoo ol-guddisee kan mul’isu yoo ta’e, maaliif anihamma ammatti iyuu akkan cubbamaa ta’eetti fudhatama?” ⁸ Isaan “Koottaa cubbuu hojjenna, akka waan gaariin nu dhufuuf” jedhu nuun jedhanii akkuma maqaa nuballeessan; namoonni muraasnis akkuma jedhaa nuun jedhan sana, maaliif hin jennu? Nu yakkuun isaanii sirriidhuma. ⁹ Maal haata’u, egaa? Nuti balleessa hin qabnu jennaa (Nuti cubbamtoota miti jennaa)? Tasuma hin jennu! Dura dabarsinee, warri Yihudootaas, warri Griiktotaas, hundumti isaanii iyyuu cubbamtoota jennee isaan himachaa waan turreerreef. ¹⁰ Akkas jedhamee, akkuma barreeffame: "Namni qajeelaan (qulqulluu ta’e) hin jiru, tokko illee hin!.” ¹¹ “Namni isaafi galu tooko iyyuu hin jiru;, namni Waaqayyoon barbaadus tokko illee hin jiru.;” ¹² “Hundi isaanii iyyuu, Waaqayyo irraa achi garagalaniiru; hunduu waluma faana, warra gatii hin qabne ta'aniiru; namni gaarii hojjetu hin jiru, nami tokko illee!,” ¹³ “Qoonqoon isaanii, boolla awwaalchaa afaan banee jiru dha; arrabni isaanii sobduu dha; hidhii isaanii jala, summii bofaatu jira.” ¹⁴ “Afaan isaanii abaarsaa fi dubbii hadhaa'aadhaan guutuu dha;” ¹⁵ “miilli isaanii dhiiga dhangalaasuutti ariifataadha,” ¹⁶ “karaa isaan irra darban irra diiguu fi gadadchuutu jira;” ¹⁷ “isaan karaa, nagaa immoo hin beekan;” ¹⁸ “Waaqayyoon sodaachuun yaada isaanii keessa hin jiru" jedha.” ¹⁹ “Ammas seerri waanuma jedhu, warra seera jala jiranitti akka dubbatu nuyi in beekna; kanas nama hundumaa afaan qabachiisuudhaaf, guutummaa biyya lafaas firdii Waaqayyoo jala galchuudhaaf in dubbata.” ²⁰ “Egaa nama kan ta'e tokko illee wanta seerri nama irraa barbaadu gochuudhaan Waaqayyo duratti qajeelaa hin ta'u. Seerri cubbuun maal akka ta'e nama hubachiisa.” ²¹ “Amma garuu karaa seerichaa utuu hin ta'in karaan namni ittiin qajeelaa ta'u Waaqayyo biraa mul'ateera; seerrii fi raajonni karaa kanaaf dhugaa ba'aniiru.” ²² “Namni Yesus Kristositti amanuudhaan fuula Waaqayyoo duratti qajeelaa in ta'a; kana irrattis warra amanan hundumaaf garaa garummaan hin jiru.” ²³ “Hundinuu yakkaniiru, ulfinni Waaqayyoos isaanitti hir'ateera.” ²⁴ “Isaanumti immoo ayyaana Waaqayyoo isa karaa furii Yesus Kristos tola isaaniif kennameen, qajeelota in ta'u.” ²⁵ “Inni dhiiga isaa dhangalaasee du'uudhaan warra isatti amananiif mi'a araaraa haa ta'uuf, Waaqayyo isa dhaabe. Waaqayyo ofii isaa qajeelaa akka ta'e mul'isuudhaaf kana godhe; obsa isaatiinis cubbuu namoonni kanaan dura hojjetan irra darbeeraaf.” ²⁶ “Bara sanaattis Waaqayyo qajeelummaa isaa argisiisuuf inni ofii isaa qajeelaa ta'uu isaa, nama Yesusitti amanus qajeelaa gochuu isaa mul'iseera.” ²⁷ “Egaa, of jajuun eessa jira? Inni hafeera. Seera isa attamiitiin? Hojii keenyaanii? Karaa seera amantii malee, karaan biraa hin ta’u.” ²⁸ “Egaa, namni qajeelaa kan ta’u amantiidhaani malee hojiwwan seeraatiin akka hin taane ni himna.” ²⁹ “Yookiin immoo, Waaqayyo, Waaqayyoo warra Yihudootaa duwwaa dha? Inni warra Waaqayyoon hin amanneefis Waaqayyo mitii? Eyyee, inni warra Waaqayyoon hin amanneefisi.” ³⁰ “Inni dhugumatti Waaqayyo tokkicha yoo ta'ee, isa dhaqna qabate amantidhaan, isa dhaqna hin qabanne immoo amantiidhaaf qajeelcha.” ³¹ “Egaa, amantii kanaatiin seericha gatii dhabsiisna jechaa dha? Tasuma miti! Jabeessineetu dhaabna malee.”