¹ Isin keessaa baay’een barsiisota ta’uun irra hin jiru, yaa obboloota ko, nama barsiisaa ta’etti warra kaan caala akka firdiin cimaan itti faradamu ni baaktu. ² Nuti karaa baay’ee waan gufannuuf. Namni tokko yoo sagalichaan hin gufatu ta’e, inni nama mudaa hin qabneedha, nama isa guutummaa qaama isaatii illee to’achuu danda’u. ³ Amma yoo akka inni nuuf bitamuuf luugama afaan fardaa irra keenye, isaan guutummaa qaama isaatii bituu ni dandeenya. ⁴ Dooniis ilaalaa, yoodhuma baay’ee dheerina qabaatanii fi bubbee jabaan dhiibame illee, batoo xiqqoo tokkoo gara namichi isa oolfu geeeesutti oofamu. ⁵ Haala kanaan, arrabni qaama xiqqoodha, waan hedduun immoo of jajji. Akkasuma akkamitti akka abiddi xiqqoo ta’ee garuu immoo bosona guddaa gubu ilaalaa. ⁶ Arrabnis abidda, qaama keenya keenyaa kutaa isa madda hameenyaa. Arrabni guutummaa qaamaa mancaasa. Daandii jireenyaa ni guba, ofii isheetiis gahaannemitti ni gubatti. ⁷ Tokkoo tokkoo bineensa bosonaaf, simbirroo, wara lo’anii fi uumamni galaana keessaa namaan leenjifamuu ni danda’u. ⁸ Garuu, namni kan iyyuu arraba leenjisuu hin danda’u. inni hafuura isa hamaa isa boqonnaa hin qabneedha. Summii du’aa ta’een kan guute. ⁹ Isumaan gooftaa fi abbaa galateeffanna, isumaanis immoo nama arrbabsina, isa akka bifa Waaqayyootti hojjetame. ¹⁰ Afaauma tokkicha keessaa eebbaa fi abaarsi ba’a. Yaa obboloota ko, kun ta’uun irra hin jiraatu. ¹¹ Burqituun tokko bishaan minyaa’aa fi hadha’aa lanaan isaa baasuu danda’aaree? ¹² Mukti habuu, yaa obboloota ko, ejersa godhachuu danda’aaree? Yookaan wayiniin ejersa? Yookaan, bishaanni ashaboo bishaan minya’aa. ¹³ Isin keessaa ogeessaa fi hubataan eenyuree? Namni sun gaarummaa ogummaa keessatti, hojii isaatiin jireenya gaarii haa mullisu. ¹⁴ Garuu yoo hinaaffaa hamaa fi fedhii garaa keessan keessatti qabaattan, of tuultanii, dhugaas hin sobinaa. ¹⁵ Kun ogummaa isa ol gubbaadhaa dhufu miti. Qooda isaa isa lafa irraati, kan hafuuraa kan hin ta’in, hamaa. ¹⁶ bakka hinaaffaa fi fedhiin jiru, namatti bitaacha’uu fi shaakala hamaatu jira. ¹⁷ Garuu ogummaan inni waaqa irraa jalqaba qulqulluudha, isa booda jaalalli nagaa, garraamummaa, araaraan gutuuu fi ija gaarii, looguu dhiisuu fi gaarummaa. ¹⁸ Iji qajeelummaa warra nagaa buusan gidduutti nagaadhaan faca’a