¹ Garuu kan beeki: bara dhumaatti yeroon ulfaataan ni ta’a. ² Namonni kan of jaallatan ta’u, warra qarshii jaallatan, of tuuloo, of jajoo, warra arrabsan, warra maatii isaanii arrabsan, warra kabajan hin beeknee fi xuraa’oota ta’u. ³ Waara jaalala hin qabne, warra araarsuu hin dandeenye, warra maqaa namaa balleessanii fi of hin to’anne, warra lola jaallatan fi waanta gaarii jibban ta’u. ⁴ Isaan warra ganan ni ta’u, warra eeggannaa hin qabne, of tuultota, warra Waaqayyoon caalaa qabeenyaa jaallatan. ⁵ Isaan bifa nama Waaqayyoo beekuu qabu, garuu humna isaa immoo ni ganu. Namoota akkasii irraa fagaadhu. ⁶ Isaan keessaa muraasni dhiirotaa waan ta’aniif, warra gara manaatti seenanii dubartoota gowwoota ta’an wallaalchisaniidha. Dubartoonni kun warra cubbuun irra tuulamee fi warra fedhii addaa addaatiin oofamniidha. ⁷ Dubartoonni kun yeroo hundumaa ni baratu, garuu tasa gara beekumsa dhugaa hubachuutti dhufuu hin danda’aani. ⁸ Akkasuma, akkuma Yaaneesii fi Yaambires Museedhaan morman, barsiisonni sobaa kunis dhugaadhaan ni mormu. Isaan warra sammuun isaanii manca’eedha, amantiittis kufaniiru. ⁹ Garuu immoo fagoo hin adeemani, gowwummaan isaanii namoota hundumaa biratti beekamaa waan ta’eef. Akkuma namoota warra sanaa. ¹⁰ Isin garuu, barsiisa, amala, kayyoo, amantii, dhiphina dheeraa, jaalalaa fi obsa koo hordoftaniittu; ¹¹ ari’atamuu, dhiphinaa fi waan Anxooqiyaa, Iqooniyuumii fi Lisxiraatti tti ana irra ga’e, Ani ari’atmuu obseera. Isaan hundumaa keessaa, Waaqayyo ana oolche. ¹² Warri Kiristoos keessaan Waaqayyoon fakkaatanii jiraachuu barabaadan hundumtuu ni ari’atamu. ¹³ Namoonni hamoonnii fi warri fakkeessitoonni ittumaa gara gadheetti adeemu, warra kaanis dogoggorsanii ofiis ni dogoggoru. ¹⁴ Isin garuu, isa barsiifamtanitti qabamaatii amantii jabaas qabaadhaa. Isin eenyuu irraa akka barattan beektu. ¹⁵ Akka mucummaatii kaasee caaffata qulqull’aa barsiifatme ati beekta. Kun immoo fayyina isa amantiidhaan Kiristoos Yesuus keessa jiruuf ogeessa si taasisa. ¹⁶ Caaffatni qulqullaa’oon hundumtuu akka yaada Waaqayyootti ta’e. Barumsa bu’uura wangeelaaf, balleessaa hubachiisuuf, qajaalchuu fi qaajlummaatti laanjusuuf bu’aa ni buusa. ¹⁷ Kun immoo akka namni Waaqayyoo dorgomaa fi hojii gaarii hundumaa qophaa ta’uufi.