¹ Ati kanaaf, yaa ilma ko, ayyaana isa Yesuus Kiristoos biraa argatetti jabaadhu. ² isa dhuga baatoa hedduu duratti ana irraa dhageesse, namoota anamamoo ta’an warra kan biraa barsiisuu danda’anitti dabarsii kenni. ³ Akka loltuu gaatii Yesuus Kiristoositti anaa wajjin dhiphina keessaa hirmaadhu. ⁴ Loltuun kam iyyuu jireenya dhimmoota kanaa keessa utuu jiruu, geggeessaa isaa gammachiisuudhaaf jedhee tajaajila dhimma kan biraa keessa hin seenu. ⁵ Akkasuma, namni gorgommee fiigichaatti jitu tokko, yoo akka qajaalfama fiigicha sanaatti hin fiigu ta’e gonfoo hin fudhatu. ⁶ Akka qotee bulaan jabaan ga’ee ija midhaanii isaa isa jalqabaa fudhatuuf barbaachisaadha. ⁷ Waa’ee waanan jechaa jiruu itti yaadi, Waaqayyos waan hundumaan hubannaa siif kenna. ⁸ Yesuus Kiristoosiin yaadadhu, isa ilma Daawiti ta’e, isa du’aa’is ka’e. Kun akka ergaa wangeela kootiitti, ⁹ Isa ani dhiphachaafii jiru, isa ani akka nama yakka godheetti fuuncaan hudhameefii, garuu immoo sagaleen Waaqayyoo immoo hin hidhamu. ¹⁰ Kanaaf ani isaan waan hundumaa warra fo’amaniif jedhee nan obsa; isaanis fayyina isa Kiristoos Yesuus keessa jiru akka fudhataniif, ulifna bara baraa wajjin. ^{12 11} Kun dubbii amanamaadha: “Nuti yoo isaa wajjin duuneerra ta’e, isaa wajjinis ni jiraanna. 12 Nuti yoo obsine, isaa wajjin ni moona. Nuti isa ganne, innis nu gana. ¹³ Nuti yoo amanamuu didne, inni garuu ananameedhuma hafa. Inni ofii isaa ganuu waan hin dandeenyeef. ¹⁴ Isaan kana isaan yaadachiisuu itti fufi. Akka isaan sagalicha irratti wal hin lolleef Waaqayyoo duratti isaan abboomi; inni namoota warra dhagaa’n diiga malee, bu’aa hin qabu. ¹⁵ Ofii kee akka nama fudhatameetti Waaqayyoof of dhiyeessuuf hanga dandeessu hojjedhu. Akka hojjetaa waan itti qaan’u hin qabne, nama isa sirriitti sagalee dhugaa sana barsiisuu. ¹⁶ Dubbii waa’ee hin baafnee fi duwwaa irraa fagaadhu, isa caalchisee gara Waaqayyoon wallaaluutti nama geessu. ¹⁷ Haasaan isaanii akka kaanserii tamsa’a. Himnewosii fi Filexos isaan keessaa tokko. ¹⁸ Warra dhugicha irraa fagaatan, isaan , du’aa ka’uun ammuma iyyuu ta’eera jedhu, kanaanis amantii namootaa ni balleessu. ¹⁹ Haa ta’u malee, bu’uurri jabaan inni kan Waaqayyoo ni dhaabata. Barreeffama “Waaqayyo warra kan isaa ta’an ni beeka” jedha; akkasuma, “Namni maqaa gooftichaa waammatu hundutmuu, xuraa’ummaattii adda ba’uutu irra jira” jedha. ²⁰ sooressaa keessa qodaa warqee fi meetii qofaatu jira miti. Qodaan mukaa fi suphees jira. Keessa muraasni bu’aa kabajamaaf ta’u; warri kaan immoo waan bu’aa hin qabneef. ²¹ Namni tokko yoo waan bu’aa hin qabne irraa of qulleesse, inni qodaa isa bu’a qabeessa. Inni adda ba’eera, gooftaa isaatiif bu’a qabeessa, hojii gaarii hundumaafis qophaa’aadha. ²² Fedha dargaggumma irraa baqadhu. Qajeelummaa, amantii, jaalaa fi nagaa warra garaa qullaa’aadhaan gooftaa waammatanii wajjin hordofi. ²³ Gaaffii isa gowwaa fi waa’ee hin baasne of irraa ittisi. Akka isaan lola dhalan ni beekta. ²⁴ Tajaajilaa Waaqayyoo loluun irra hin jiraatu. Qooda isaa namoota hundumaaf garraamii ta’uutu irra jira, nama barsiisuu danda’uu fi obsaa. ²⁵ Nama hubannaadhaan warra mormitoota isaa qajeelchu. Tarii Waaqayyo akka isaan dhugaa beekaniif yaada qalbii jijjiirrannaa ni kennaaf ta’a. ²⁶ Isaan ammas warra garaa qulqulla’aa ta’nii kiyyoo seexanaa keessaas ni ba’u ta’a, erga isaaf fedha isaan booji’amanii booda.