¹ Ani abboommii kabajamaa kana Waaqayyoo fi Kiristoos Yesuus durattin siif dhiyeessa; isa warra jiranii fi warra du’nitti faradu, sababii mul’achuu isaa fi mootummaa isaaf. ² sagalicha lallabi, yeroo mijataa fi mijataa hin taane keessatti qophaa’aa ta’i. Nama balleessaa isaa hubachiisi, ifadhu, gorsi, obsaa fi barsiisa hundumaan. ³ Yeroo itti namoonni barsiisa sirrii jibban ni dhufa. Isaan akka fedha ofii isaaniitti barsiisota walitti ni qabatu; warra waan gurra isaaniitti tolu dubbatan. ⁴ isaan dhugaa dhaga’uu irraa gurra isaanii ni deebisu, gara qoosaatti ni deebi’u, ⁵ Ati garuu, waan undumaan nama qalbii qabu ta’i. dhiphina keessaa hirmaadhu, hojii wangeelaa hojjedhu, tajaajila keessaa bakkaam ga’i. ⁶ Anis sababiin siin boonuuf. Yeroo adda ba’uu kootii ga’eera. ⁷ ani lola isa gaarii sana loleera, dorgommichas xumureera, amantiis eegeera. ⁸ gonfoon qajaalummaas anaaf qophaa’eera, inni Waaqayyo, inni qajeelaan faradu, guyyaa sana nama anaaf kenna, ana qofaaf immoo miti, warra dhufaatii isaa eeggatan hundumaafis malee. ⁹ Ariitiidhaan gara koo dhufuudhaaf waan dandessuu godhi. ¹⁰ Deemaas ana dhiisee adeemeera. Inni biyya lafaa jaallatee gara Tasaliiniqeetti sokke. Kiresqes Galaatiyaa dhaqe, Tiitos immoo Daalmaatiyaa dhaqe. ¹¹ Luqaas qofaatu ana biratti hafe. Maarqosiin ofii kee duukaa anaaf fidi, inni tajaajila kana keessatti bana barbaachisa waan ta’eef. ¹² Xiqikoosiin immoo gara Efesoonitti ergeera. ¹³ Waaroo ani Xiraa’ositti Kaarphos biratti dhiise, yeroo dhuftu fidii kottu. Akkasuma macaafotas sanas, keessumaa caaffata gogaa duugamaa sana. ¹⁴ Iskindir inni sibiila tumu, waanta hamaa baay’ee ana irratti hojjete. Waaqayyos akka hojii isaatti isaaf ni deebisa. ¹⁵ ati isa irraa of eeggadhu. Sababiin isaaa inni jabeessee dubbiin keenyaan mormeera. ¹⁶ Famii koo isa jalqabaa keessatti, namni tokko illee ana waliin hin turre. Qooda isaa, hundumtuu ana dhiise. Kun isaanitti hin lakkaa’amin. ¹⁷ Garuu imoo Waaqayyotu anaa wajjin ta’ee ann jajjabeesse, ana keessaan, akkal labsiin ergichaa guutummaatti fiixaan ba’uuf, akkasuma akka warri ormaas guutummaan isaanii dhagaa’aniif. Anis immoo afaan leencaa keessaan oole. ¹⁸ Waaqayyo afaan waan hamaa hundumaa keessaa ana oolcha, mootummaa isaa waaqa irraafis na fayyisa. Isaaf ulfinni baraa hanga bara baraatti haa ta’u. Amen. ¹⁹ Phrisqiilaa, Aqiilaa fi maatii Oneesiforos dubbisi. ²⁰ Erasxos Qoronxositti hafe, Xiroofimosiin immoo dhukkubsannaanin Mileexositti dhiise. ²¹ Utuu ganni hin ga’in dhufuu yaali, Yubulus, Liinos, Kilaawudiyaa fi obboloonni hundumtuu nagaa si gaafatu. ²² Waaqaayo hafuuraan isinii wajjin haa ta’u, ayyaanni isinii wajjin haa ta’u.